ЯҢАЛЫКЛАР

   20 гыйнвар  көнне  Югары Ослан муниципаль  районы Соболевский авыл җирлегендә  Магиннар  гаиләсе  Семен улы  Павел  һәм  Филип  кызы Людмила 60 ел бергә  матур, тигез гомер итүләрен билгеләп үттеләр.

Мәхәббәт һәм татулыкта гомер кичергәннəр бәхетле парларга  карата хөрмәт һәм соклану хисләре уяна. Бер-берсен хөрмәт иткəнгə, авырлыкларга карамастан, төрле киртәләрне  җиңеп, үзара яратышып һәм хөрмәт итеп тормыш юлыннан атлыйлар.

Зәй муниципаль районы башлыгы Р.Г.Кәримов Төги авыл җирлегендә яшәп лаеклы ялга чыккан,бүгенге көндә Зәй шәһәрендә яшәүче Анна Павловна Плешкованы 90 яшьлек юбилее белән котлады. Чарада Зәй шәһәр башлыгы урынбасары Е.В.Недошивина һәм автоклуб хезмәткәрләре катнашты.

Юбилей кеше гомеренең матур бәйрәме. Шушы көннәрдә Минзәлә районы Аю авылында яшәүче, хезмәт ветераны Әмирҗан Насыйровка 90 яшь тулды. Бу уңайдан юбилярны район башлыгы урынбасары Камил Нәҗмиев кайнар котлады, Россия Президенты Владимир Путин исеменнән килгән Котлау хатын тапшырды. Бу котлауларга Аю авыл җирлеге җитәкчесе Нурхади Гыйлфанов кушылды, истәлекле бүләк тапшырды.

Район ЗАГС бүлегендә елның беренче парын аерым тәбрикләү традициясе яши. Быел 2017нең тәүге  өйләнешүчеләре булып тарихка Гөлчәчәк Саттарова һәм Рамил Бәдретдинов кереп калачаклар. Алар өчен Мендельсон маршы 18 гыйнварда яңгырады. ЗАГС бүлеге начальнигы Эльвира Шагалиева Бәдретдиновларның никахларын рәсмиләштереп, беренче гаилә гаилә документларын, тәүге пар буларак, чәчәк бәйәәме һәм истәлекле бүләк тапшырды.  

Баулы ветераннарын юбилей белән котладылар. Эмилия Султан кызы Исламуратова 95 яшен билгеләп үтте, Шәрифуллина Хәтирә Шәрәфи кызына 90 яшь тулды. Хезмәт ветераннары 40 елдан артык хезмәт стажына ия,  Бөек ватан сугышы елларында  фидакарь хезмәтләре  өчен орден һәм медальләр белән бүләкләнгәннәр. Юбилярлар яхшы балалар тәрбияләп үстергәннәр, шуңа күрә үз картлыкларын  балалары  һәм оныкларының  күңул җылысын, ярдәмнәрен тоеп  каршылыйлар һәм үзләрен  бик бәхетле дип саныйлар.

  Арча муниципаль район башлыгы урынбасары Любовь Осина 20 гыйнварда Арча шәһәрендә яшәүче Мәйсүфә Фәхретдинованы – 95, Тәскирә Яруллинаны 90 яшьлек юбилейлары белән котлады, аларга Рәхмәт хатлары, бүләкләр тапшырды.

   Бүген Кама Тамагы штп яшәүче Сөләйманова Халисә Гыйниятулла кызын  100 яшьлек юбилее белән Татарстан Республикасы Кама Тамагы муниципаль районы Башлыгы Павел Лоханов, Кама Тамагы муниципаль районы Башкарма комитеты җитәкчесенең иҗтимагый сораулар буенча урынбасары Елена Сороковнина һәм Кама Тамагы штп Башлыгы урынбасары Владимир Сороковнин котлады.

2017 елның 20 гыйнвар көнендә Түбән Каманың мактаулы кешесе 90 яшьлек юбилеен уткәрде.

Кеше тормышында мөһим вакыйгалар шактый булса да, паспорт алу аеруча истә кала торганыдыр. Чөнки нәкъ  шул мизгелдән син үзеңне тулы хокуклы Россия гражданы итеп хис итә башлыйсың.Районыбызда 14 яше тулганнарга паспортны тантаналы шартларда тапшыру традициясе озак еллар яшәп килә. Менә шундый бәхет тагын 15 яшь  азнакайлыга елмайды.ГХАТ бүлегендэ укучыларга шәхесләрен раслаучы беренче документ тапшыру чарасы үтте.

          Элеккеге заманда гыйнвар аенда өйләнешү бик сирәк күренеш булган. Күп кенә яшь парлар никах мәҗлесен җәй яисә көз айларына планлаштыра торган була.