ЯҢАЛЫКЛАР

8 июль «Гаилә, мәхәббәт һәм тугрылык » көнендә Нурлат районы ГХАТ бүлегендә  күркәм пар Александр һәм Татьяна  үзләренең никахларын законлаштырды.  Гаилә, мәхәббәт һәм тугрылык көнендә теркәлгән никах бәхетле һәм ныклы булсын. ГХАТ бүлеге хезмәткәре яшьләрне яңа гаиләләре туулары белән котлады һәм үз мәхәббәтләрен бөтен тормышлары аша алып барырга һәм аңа тугрылыклы  булып калырга теләде.

2017 елның 8 июлендә Түбән Кама районы авыл җирлекләрендә гаилә, мәхәббәт һәм тугрылык Көненә багышланган, күңел ачу бәйрәмнәре узды.

2017 елның 8 июлендә нефть химиячеләре паркында, Гаилә, мәхәббәт һәм тугрылык көне һәм Рәсәй ГХАТ бүлекләренең 100 еллык юбилее уңаеннан, "Мәхәббәтне йөрәктә кадерләп саклагыз!" исемендәге  тантаналы чара узды.

2017 елның 8 июлендә Түбән кама районы Кама Аланында, гаилә, мәхәббәт һәм тугрылык Көненә багышланган , "Могҗизалы гаилә еллары" чарасы узды.

8 июль көнне “Молодая гвардия” членнары урамда һәм төрле организацияләрдә эшләүчеләргә ромашка чәчәге төшерелгән стикерлар тараттылар. Алар кешеләргә Гаилә, мәхәббәт һәм тугрылык көне турында сөйләделәр. ГХАТ булегендә һәр килгән кешеләргә символик бүләкләр һәм стикерлар тапшырылды.

8 нче июль көнне Менделеевск районы ГХАТ бүлегендә тантаналы рәвештә никах теркәлде. Яшь парларны котлар өчен ГХАТ бүлегенең  элеке  җитәкчесе, ә хәзерге вакытта ТОС "Карповец" рәисе Загретдинова Гөлсинә Абдулла кызы чакырылды. Гөлсинә Загретдинова катнашучыларга гаилә, мәхәббәт һәм тугрылык көненең тарихын сөйләде, яшьләргә бәхет, озын гаилә тормышы теләде, шулай ук, мәхәббәт, тугрылык символикасы ромашка чәчәгеннән букет һәм истәлекле бүләк тапшырды.

2017 елның 7, 8 июль көнендә Актаныш районы ЗАГС бүлегендә 12 парның тантаналы төстә язылышуы теркәлде. Зур тантана уңаеннан яшь парны әти-әниләре, дуслары, туганнары котлады. Район ЗАГС бүлеге җитәкчесе  яшь гаиләләргә язылышу таныклыгын тапшырып, аларга иң изге теләкләрен җиткерде.

2017 нче елның 8 июлендә Әгерҗе шәһәрендә Гыймазов Вагыйз Таҗи улы һәм Василә Гәрәй кызы гаиләсенә ”Мәхәббәт һәм тугрылык өчен медале” тапшырылды. Аларның бергә яшәүләренә 17 августта 64 ел тула. Гыймазовлар гаиләсе 3 бала тәрбияләп, бүгенге көндә 6 онык һәм 6 оныкчык сөяләр. Әгерҗе муниципаль район башлыгы Макаров В. В. татарның милли бәйрәме Сабантуенда Гыймазовлар гаиләсенә медаль һәм истәлекле бүләк тапшырды.Гыймазовлар нәселен Сабантуй мәйданы көчле алкышлар белән каршы алды.  ЗАГС бүлеге  җитәкчесе Гусманова Лилия Сәим кызы бәйрәм символы- ромашкалар букеты бүләк итте.

Бу көнне Яр Чаллыда үз никахларын 100 пар теркәде. Әлеге көнне Руслан һәм Ләйсән Зубаревлар юкка гына сайламаганнар. Җиде саны ул бик сихерле һәм серле сан. Җиде санында туган балалар бик сәләтле балалар булып  туа. Җиделе никах теркәү өчен бик уңайлы сан.

Татарстан Республикасы Бөгелмә муниципаль районы башкарма комитеты ЗАГС бүлегендә 2017 елның 7 июле көнне чын мәгънәсендә туйларның да туе булды. Әлеге матур датада 23 гашыйк пар законлы никах җепләре белән бәйләнде. Бәхетле җиделе санына эләгү теләге 2016 елның ахырында ук башланды. Язылышу турында иң беренче таныклык сәгать 8.00 дә, ә иң соңгысы -  17.00 сәгатьтә бирелде.