ЯҢАЛЫКЛАР

12 март көнне Апас аграр көллиятендә студентлар белән очрашу чарасы оештырылды. Биредә үзәк хастаханә табиблары, Апас районы ЗАГС бүлеге җитәкчесе, хокук саклау вәкилләре чыгыш ясадылар. Студентлар игътибар белән файдалы киңәшләрне тыңладылар, видеофильм карадылар һәм үзләрен кызыксындырган сорауларга җавап алдылар. Соңыннан барысы бергә җыелып истәлекле фотога төштеләр.

2019 елның 11 мартында бик күркәм пар -  Мария Дмитриевна һәм Юрий Михайлович Зитоновларны хөрмәтләделәр. Алар матур гаилә булып,  бер - берсен яратып һәм аңлашып, илле ел бергә тату гомер кичерәләр!

Әлеге тантаналы көндә аларны алтын туйлары белән котларга якыннары һәм туганнары килде. Шулай ук әлеге күркәм бәйрәмнәре белән  ЗАГС бүлеге хезмәткәре Оксана Тихонова һәм Кристина Шумкова тәбрик итте.

Мария һәм Юрий Зитоновлар  мактаулы юбилярлар китабына кул куйдылар. Аларга Рэхмэт хаты һәм истэлекле бүләкләр тапшырылды. 

     9 март – Май чабу атнасының соңгы көнендә Бөгелмәнең ГХАТ бүлеге белгечләре яшь парларны гадәти булмаган рәвештә каршы алды. "Сокольская курчаночка" халык ансамбле белән бергә, яшьләрне яңа гаилә туган көн белән котладылар, яшьләргә бәхет теләделәр һәм табынга – коймак авыз итәргә чакырдылар.

2019 елның 11 мартында Мөслим районы ГХАТ бүлегендә Мөслим лицееның 9 нчы сыйныф укучылары өчен Гаилә дәресләре үткәрелде.

Мондый очрашуларның төп максаты булып яшьләрдә гаилә тормышына уңай һәм җаваплы караш, гаилә кыйммәтләрен дөрес аңлауны формалаштыру, шулай ук яшь буынның гаилә законнары өлкәсендә хокукый белемен күтәрү тора.

2019 елның 9 мартында «Казан» гаилә үзәгендә бәхетле гаилә тормышының 60 еллык юбилеен Игнатьевлар гаиләсе билгеләп үтте.

Юбилярлар-үз һөнәренең чын патриоты. 

Николай Васильевич күп еллар дәвамында Татар партия өлкә комитетының политпросвещение йорты консультанты булып эшләде. Зинаида Савельевна 28 ел Казанның «Электроприбор» заводында эшләгән, шуларның 26-ы бер цехта. Игнатьевлар гаиләсе-хезмәт ветераннары, юбилей бүләкләре бар. 

2018 елның 9 нчы мартында Балтач районы Ор авылы мәдәният йортында “Пар алмадай парлы булып тигез гомер итәбез” дип исемләнгән 25, 40, 45 һәм 50 ел бергә гомер иткән парларны хөрмәтләү кичәсе узды. Кичә бик куңелле һәм тирән эчтәлекле итеп оештырылган иде.  Бу матур парлар барысы да мәхәббәттә аңлашып гомер кичергәннәр, акыллы балалар тәрбияләп үстергәннәр, якташлары арасында абруй яулаганнар. Гаилә стажы чын мәгънәсендә горурлык, җәмәгать һәм дәүләтнең иминлеге чыганагы икәненә матур үрнәк булып торалар.

Чара авыл үзәгендә узды. Программага халык уеннары,  конкурслар, әйлән-бәйлән, коймак белән чәй эчү, шулай ук үзешчән сәнгать коллективы чыгышлары керде.

Әлеге бәйрәмнен матур күренеше булып яшь гаиләләрне, яңа  туган сабыйларны, озак еллар бергә яшәүче гаиләләрне котлау булды.

Бәйрәм ахырында традиция буенча «Кыш көне» белән хушлашу һәм «яз килүе» символы булган чучело яндырылды.

Бистәдә яшәүчеләр Олы Нариманов урамында урнашкан балалар мәйданчыгында кыш озату бәйрәме оештырдылар. Бәйрәмгә гаиләләр һәм балалар җыелды.

Алып баручы бәйрәмне күңелле шигырьләр белән башлап җибәрде. Җыелганнар кайнар чәй янында бер-берсен бәйрәм белән котладылар, сәламәтлек, бәхет, күңел җылысы һәм гаилә иминлеге теләп калдылар. Бистәдә яшәүчеләр әйлән-бәйлән уйнады, уеннарда катнаштылар, җырлар җырладылар. Шунда ук коймак пешерелде һәм традиция буенча барлык кеше сыйланды. Май чабу салам карачкы яндыру белән тәмамланды.

2019 елның 9 март көнне Зәй районы һәм шәһәре хастаханәсенең бала тудыру бүлегендә Фархутдиновлар гаиләсенә тантаналы рәвештә туу турында таныклык тапшырылды. Илфат һәм Зилә Фархутдиновларның икенче балалары – Ризалина туган. Зәй муниципаль районы ГХАТ бүлеге белгече Гөлшат Кашапова бәхетле әти-әниләрне шатлыклы вакыйга бәлән котлап балаларының беренче документларын тапшырды, сабыйларының тәүфыйклы һәм сәламәт булып үсүләрен теләде.

Масленица бәйрәме - кышны озатып язны каршы алу. Бу бәйрәм иң күңелле, туклыклы һәм берничә көн дәвамына сузылган халык бәйрәме. Бу көннәргә язылышу датасын билгеләү үзенә бер истәлекле. Лениногорск шәһәре ГХАТ бүлегендә бу бәйрәм атнасында барлыгы 7 пар үзенең никахын рәсми рәвештә теркәде.