ЯҢАЛЫКЛАР
2021 елның 11 гыйнварында Татарстан Республикасы Алабуга муниципаль районы Башкарма комитеты ГХАТ бүлеге тарафыннан 2021 нче елда беренче туу турында язылу теркәлде. Беренче теркәлгән сабый булып, әти-әниләре Мирон исемен биргән малай булды.
Тәтеш районында 2021 елда Лия исемле сабый беренче бала булып дөньяга аваз салды. Ул 6 гыйнварда 22.15 сәгатьтә Тәтеш бала тудыру йортында дөньяга килде. Буе 51 см, авырлыгы 3килограмм 334 грамм. Лияның әти-әнисе Тәтештә яшәүче Алексей һәм Наталья Кудряшовлар һәм бу сабый алар гаиләсендә икенче бала.
11 гыйнвар көнне Сарман авылында 2021-нче елның 7-нче гыйнварында туган беренче бала – Вәлиева Азалия Радик кызының тантаналы рәвештә чыгарылуы булды.
2020 елда Баулы ГХАТ бүлегендә 188 сабый теркәлде: 101 малай һәм 87 кыз. Шуларның 61-е гаиләдә беренче бала, 61– икенче, 46 - өченче, 20-дүртенче- бишенче бала булып туган. Бер гаиләдә игезәкләр туган.
Түбән Кама муниципаль районы ГХАТ Идарәсендә туучылар санына йомгак ясадылар.
Түбән Кама муниципаль районы ГХАТ Идарәсе белгечләре иң популяр ир-ат һәм хатын-кыз исемнәрен атадылар.
11 гыйнварда Түбән Кама районы ГХАТ Идарәсе белгече перинаталь үзәктә ерак урнашкан эш урынында туу турында 55 нче актның юбилей язмасын рәсмиләштерде.
2021 нче елның 10 нчы гыйнварында Район үзәк шифаханәсенең бала тудыру бүлегеннән тантаналы рәвештә тәүге сабыйны өенә озаттылар. Бу шатлыклы мизгелләрне Байлар Сабасыннан Хәмитовлар гаиләсе кичерде. Энҗе һәм Ильдарның нәни кызлары 4 нче гыйнвар көнне туа. Аңа «Нәзирә» дип исем кушалар.
Буа шәһәре ГХАТ бүлегендә беренче парны котлау матур традициягә әверелде. 2021 елның 9 гыйнварында Гафиятуллин Ренат Рәшит улы һәм Нәҗметдинова Эльмира Ринат кызы никахларын теркәделәр. Бу тантанада башкарма комитет җитәкчесе урынбасары Фәнис Мифтахов катнашты.
Мөслим районы ГХАТ бүлеге 2021 елны күңелле яңалыклардан башлый. 9 гыйнварда районның никахлашу залында агымдагы елның беренче пары язылышты. Бәхетле яшь пар – Мөслим авылыннан Марат Мортазин һәм Баланны авылыннан Альбина Кәримова. Бүгенге көннән алар икесе дә Мортазин фамилиясен йөртәчәк. Яшьләрне әти-әниләре, туганнары, дуслары котлады. Без аларның котлауларына һәм җылы теләкләренә кушылабыз. Бәхетле гаилә тормышы сезгә, Марат һәм Альбина!