ЯҢАЛЫКЛАР
2022 елның 14 маенда Бөгелмә ГХАТ бүлегендә Татьяна һәм Алексей Васильевлар гаиләсендә туган бишенче бала теркәлде. Малайны Георгий дип атадылар, бу грек теленнән «игенче» дигән сүз. Бәхетле ата-аналар инде өч кыз – Юлия, Ева, Индираны һәм уллары Левны тәрбияләп үстерәләр.
Халыкара гаилә көне алдыннан «Барысы да гаиләдән башлана» дигән чаралар циклын тәмамлап Түбән Кама муниципаль районы ГХАТ Идарәсендә 14 яңа гаилә теркәлде. Без аларны иң бәхетле көннәре белән тәбриклибез, бер-берсен яратып, хөрмәт итеп, гөмер юлларын кулга кул куеп бергә үтүләрен телибез!
Гаилә-ул, һичшиксез, күпләр өчен бәхетле тормышның мөһим өлеше булып тора.
Халыкара гаилә көне алдыннан Аксубай районы мәдәният йорты һәм ГХАТ бүлеге тарафыннан, «Мәрхәмәт-Милосердие» хатын-кыз депутатларның район бүлекчәсе, «Татарстан хатын – кызлары» Региональ иҗтимагый оешмасының Аксубай бүлеге, Татарстан Республикасы Аксубай муниципаль районының Әтиләр советы белән берлектә, тәрбиягә бала алган гаиләләр һәм «Хыял» социаль приюты катнашында «Минем гаиләм – минем байлыгым» дигән бәйрәм чарасы үткәрелде.
Халыкара гаилә көне алдыннан Әлмәт муниципаль районы ГХАТ Идарәсендә 32 сабый теркәлде. Алар арасында 13 малай һәм 19 кыз. Баланың минималь авырлыгы 2620 грамм тәшкил итте – максималь – 4190 гр. Иң яшь әнинең яше – 19, иң өлкәненә – 41, иң яшь әтигә – 21, ә иң олысына 43 яшь.
14 май – Халыкара гаилә көне алдыннан Чүпрәле район үзәк хастаханәсенең бала табу бүлегеннән яңа туган Россия Федерациясе гражданины Владимир Витальевич Тяхиның чыгару чарасы узды.
2022 елның 13 май көнендә Халыкара гаилә көне уңаеннан Балтач районы мәдәният йортында 50-55 ел бергә гомер иткән парларны хөрмәтләү танатасы узды.
Чакырылган гаиләләр барлык стереотипларга каршы килеп чәчәкле май аенда гөрләтеп туй үткәргән, гаилә корган һәм район халкына үрнәк булып тормыш итәләр.
Иң элек гаиләләр үзләрен аш-су лабороториясендә сынадылар, искитмәле десерт – трайфл әзерләделәр. Гаиләдә чыгып торган талашу, аңлашылмаучанлык тирда юкка чыгарылды.
Халыкара гаилә көне БМО Генераль Ассамблеясе тарафыннан 1993 елның 20 сентябрендә гамәлгә куелган. Гаилә-һәр кеше тормышында иң мөһиме. Нәкъ менә гаиләдә без мәхәббәт, җаваплылык, кайгыртучанлык, хөрмәткә өйрәнәбез. Гаиләдә һәр кешенең тормышы башлана.
Халыкара гаилә көне безнең тормышыбызда гаиләнең мөһимлеге турында тагын бер кат искә төшерә. Агымдагы ел башыннан Әлмәт районында 255 пар үзләренең никахларын теркәгән. 668 бала туган.