Татарстан Республикасы Ведомстволары Татарстан Республикасы Министрлар Кабинетының гражданлык хәле актларын теркәү идарәсе

ЯҢАЛЫКЛАР

октябрь, 2014 ел

җомга

Түбән Кама муниципаль районының башкарма комитеты ГХАТ бүлеге белгечләре Менделеевск шәһәрендә ГХАТ бүлегендә кунакта булып кайттылыр

2014 елның 09 октябрендә Менделеевск шәһәрендә ГХАТ КМ РТ коллегиясенең күчмә утырышы булды

октябрь, 2014 ел

пәнҗешәмбе

Өлкәннәрне котладылар

Тукай муниципаль районының ГХАТ бүлеге һәм дәүләт автоном социаль хезмәт күрсәтү учреждениесе ”Шәфкать” үзәге хезмәткәрләре волонтерлар белән Теләнче-Тамак картлар йортында булдылар. Княз мәктәбе укучылары хәзерләгән бүләкләрне өлкәннәргә бүләк иттеләр, матур эчтәлекле концерт пограммасы белән чыгыш ясадылар. Бу очрашуда районының дәүләт автоном социаль хезмәт күрсәтү учреждениесе башлыгы Шәфикова Гөлнара һәм Гражданлык хәлләрен теркәү бүлеге башлыгы Мостафина Эльвира да катнашты, алар өлкәннәрне бәйрәм белән котладылар, изге теләкләрен җиткерделәр.

Югары Ослан муниципаль районында 65 ел бергә гомер иткән юбилярлар хөрмәтенә тантаналы чара узды

9 октябрь көне Югары Ослан муниципаль районы Яр буе Моркваш авыл җирлегендә Галкиннар гаиләсе Иван улы Николай һәм Николай кызы Александраның 65 ел бергә тигез гомер итүләрен,тимер туйларын билгеләп үттеләр.

“Котлы булсын алтын туегыз!”

2014 елның 2 октябрь көнендә Арча районының ГХАТ бүлегендә Олылар көненә багышланган “Котлы булсын туегыз” исеме астында бриллиант һәм алтын юбилярны котлау бәйрәме узды. Бәйрәмгә юбилярлар: Салиховлар: Назих-Мөслимә (55 ел бергә), Саләхиевлар: Дирһәм-Лилия, Шаяхмәтовлар: Данил-Нурзидә, Вахитовлар: Дамир-Рая туганнары, дуслары, балалары, оныклары белән килгән иде. Юбилярлар Арча ГХАТ бүлегең Дан китабына имзаларын куйдылар. Кичәне алып баручы Маркелова Г.Ә 50 ел дәвамында “яшь парларның” кайчан, ничек табышулары, кайда хезмәт куюлары турында сөйләде. Үрнәк авыл советы җитәкчесе Камалетдинов И.Р. һәм Яңа Кишел авыл советы җитәкчесе Арсланов Т.Ә. юбилярларны котлап, аларга сәламәтлек, озын гомер теләп, истәлекле бүләкләр тапшырдылар.

9 октябрь көнне “Казан” гаилә үзәгендә өлкәннәр көне декадасы кысаларында, күп еллар бергә тормыш иткән юбилярларны тантаналы рәвештә котлау очрашуы узды

Алар арасында бриллиант юбилярларыбыз: Валеев Ялкын Нигъмәт улы һәм Люция Гали кызы, Криницын Борис Владимир улы һәм Ия Газиз кызы. Алтын юбилярлар: Тумакаев Фәрид Шакир улы һәм Флюрэ Сәид кызы, Нестеров Вячеслав Василий улы һәм Тамара Петр кызы, Хәйруллин Абдулләхәт Гатаулла улы һәм Ильхамия Зарип кызы, Мусин Илгиз Аздан улы һәм Мәдинә Хәбиб кызы, Майоров Вячеслав Александр улы һәм Любовь Леонид кызы бар иде.

Баулы муниципаль районы башкарма комитеты ГХАТ бүлегендә тантаналы рәвештә паспортлар тапшыру

Баулы муниципаль районы башкарма комитеты ГХАТ бүлегендә 14 яше тулган 21 яшүсмергә тантаналы рәвештә паспортлар тапшыру чарасы узды. Районыбызның хөрмәтле ветераны А.Ф.Галиакберов, район Советы аппарат җитәкчесе Р.Г.Хамидуллин, район башкарма комитеты җитәкчесе урынбасары И.И. Хөснуллина, ГХАТ бүлеге җитәкчесе С.Т.Мурсалимова, УФМС бүлеге хезмәткәре И.М.Исмагилова һәр баланы җылы котлап паспортлар тапшырдылар. Паспорт белән бергә укучыларга Баулы районы турындагы фильм төшерелгән диск тапшырылды. Чарада яшүсмерләрнең әти-әниләре, әби-бабайлары да катнашты.

Апаста өлкәннәр ункөнлеге

Апаста өлкәннәр ункөнлеге уңаеннан, район мәдәният йортында шашка-шахмат ярышлары узды. Бу бәйгедә катнашырга теләк белдерүчеләр дә, тамаша кылырга, көч биреп торырга теләүчеләр дә күп булды. 55 яшьтән өлкән ханымнар, 60 яшьтән өлкәнрәк ир-атлар арасында чын-чынлап “көрәш” барды.

2014 нче елның 09 октябрендә Алексеевск районы мәдәният йортында укытучыларның һөнәри бәйрәменә багышланган чара булып үтте

Бу чарага районның иң талантлы һәм тәҗрибәле укытучылары, шулай ук ветеран укытучылар да чакырылган иде. “Белем өлкәсендә 40 ел” номинациясендә укытучыларны ГХАТ булеге җитәкчесе Э.З.Суниева котлады.

октябрь, 2014 ел

чәршәмбе

Мөслим районында специалистларны укыту узды

2014 елның 8 октябрендә Мөслим районында ГХАТ бүлеге һәм авыл җирлекләре башкарма комитетларының специалистларын “АИС ЗАГС РТ” программасының яңа версиясенә укыту уздырылды. Укуларны “Центр” компаниясе белгече Гыйниятуллин Айдар үткәрде. Укытуларның практик өлешендә яңа программаның эшен камилләштерү буенча тәкъдимнәр кертелде. Эшне тагын да яхшырту өчен Айдар Гыйниятуллин тарафыннан бу тәкъдимнәр шундук “Центр” компаниясенә җиткерелде.

Баулы шәһәрендә яшәүче озын гомерле Комякова Хасинә Мөгалим кызы 90 яшен каршы ала

Хасинә ханым Оренбург өлкәсендә туган. Хезмәт юлы Бөгелмә шәһәрендә үткән. Тормыш иптәше Михаил Трофимович белән 2 ул тәрбияләп үстергән. Бүгенге көндә ике оныгы һәм бер оныкчыгы уңышлары белән горурланып яши. Хасинә ханым якыннарын йөрәк җылысы белән генә түгел, ә үз куллары белән бәйләгән бияләй-оекбашлар белән дә җылыта.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ