ЯҢАЛЫКЛАР
2015 елның 3 августында, Яшел Үзән муниципаль районы башкарма комитеты ГХАТ бүлеге җитәкчесе М.Н.Яковлева «Эшлекле старт!» спорт чарасында катнашты. Элеге чара Маяк спорт комплексында җитәкчеләр, депутатлар, яшьләр хәрәкәте вәкилләре өчен оештырылган иде.
Сезнең йорт – сезнең ныгытмагыз. Сездән башка аны кем сакласын? Йортыгызда һәрвакыт тыныч, имин булсын, ә кайгылар һәм бәхетсезлекләр читләтеп узсын өчен, гаилә иминлеге сагы булдырыгыз.
2015 елның 03 августында Татарстан Республикасы Буа муниципаль районы башкарма комитеты ГХАТ бүлегендә 300-нче баланың туу турында теркәү тантанасы узды. Фәнис белән Ләйсән Гайнетдиновлар гаиләсендә зур шатлык- дөньяга ир-бала туды. Алар балага Ислам исеме куштылар. Аның бу исеме “буйсыну, сәламәт” мәгънәсен аңлата. ГХАТ бүлеге хезмәткәрләре гаиләгә сәламәтлек һәм бәхет теләделәр.
Быел ярминкәдә 1300 һөнәрче катнашты.Алар Россиянен 170 шәһәреннән килгәннәр иде. Һөнәрчеләр арасында, Белоруссия, Узбәкстан, Монголия, Литвадан килгәннәре дә бар иде.
2015 нче елның 3 нче августында Менделеевск районына Татарстан Республикасы Президенты вазыйфаларын вакытлыча башкаручы Рөстәм Миңнеханов җитәкчелегендәге делегация килде.
Хафизовка авылында яшәүче, Бөек Ватан сугышы ветераны Шәрәфетдинов Хәсән Галәүтдин улы 2 август көнне узенең 90 яшьлек юбилеен билгеләп утте. Хәсән абый Бөек Ватан сугышы ветераны, бүгенге көндә кызы тәрбиясендә яши. Туган көнендә Хәсән абый балаларының, оныкларының, авылдашларының котлауларын кабул итте.
1 августта Бөгелмә шәһәрендә 7-нче Халыкара Хатын-кыз матурлыгы Флешмобы уздырылды. Бу хәрәкәт икенче тапкыр уздырылды һәм анда катнашучалар икеләтә күп иде. Чәчәкләр һәм шарлар тотып, Үзәк мәйданга чыккан матур киемнәрдәге чибәрләр үзләре һәм яхшы кәефләре белән шәһәр урамнарын ямъләделәр. Күп кенә әниләр балалары белән килеп, үсеп килүче буынга матур урнәк күрсәтте.
Мамадыш районы ГХАТ бүлеге каршында эшләп килүче “Яшь гаилә” клубының 2015 нче елның 1 нче августында чираттагы җыелышы узды. Тиздән гаилә корырга ниятләүче яшь парлар ГХАТ бүлегенең баш специалисты белән әңгәмә кордылар, кызыксындырган барлык сорауларга җавап эзләделәр.