ЯҢАЛЫКЛАР
Баулы муниципаль районы башкарма комитеты ГХАТ бүлегендә “Яраткан йөрәктән, яхшы эшләр” логотибы белән, йөрәк формасында ясалган куб куелды. Акцияның максаты- Татарстан Республикасы балалар хосписы пациентларына ярдәм күрсәтү.
8нче сентябрьдә ЗАГС бинасында кабат әни булу бәхетен татыган 7 гаиләгә тантаналы шартларда Ана капиталы сертификатлары тапшырылды. Әниләр арасында икенче һәм өченче бәләкәчләрен алып кайтучылар бар иде. Район пенсия фонды бүлеге җитәкчесе Шамил Гаффаров сүзләренчә, бүгенге көндә 1030 гаилә ана капиталына ия булган, аларның 850се аны максатчан файдаланган да инде. Бүген сертификатның күләме – 453 мең 26 сум. ЗАГС бүлеге җитәкчесе Розалия Насыйбуллина да бәхетле әниләргә изге теләкләрен юллады.
Тукай районы Колыш авылында “Оҗмах әниләрнең аяк астында” дигән кичә узды. Бәйрәмдә кайнаналары белән тату гомер иткән гаиләләр чакырылды. Кичәдә шулай ук яшь гаиләләр дә катнашты.
Сарман районы Рангазар авылының хөрмәтле кешеләре - хезмәт ветераннары Миңненур һәм Шәмгун Габдуллиннар бергә яшәүләренең 60 еллыгын билгеләп үттеләр. Аларны бриллиант туйлары белән авыл җирлеге җитәкчесе Г.Б.Барыев котлады.
Конкурсның организаторы “Лениногорские Вести” редакциясе булды. Бу конкурста 8 пар катнашты. Җиңүче гаилә Звездин Ярослав белән Ленара гаиләсе булды. Бу пар бүләккә – электромясорубка алды. Калган парларга мунча сөлгеләре бирелде. Барлык парларга исәнлек-саулык, тигез, тыныч тормыш телибез.
Менделеевск муниципаль районы башлыгы В. С. Чершинцев өлкән кешеләрнең һәрберсенә аерым игътибар күрсәтү мәмкинлеге булсын өчен 2015 нче елда өлкәннәр айлыгы игълан итте.
Алексеевск муниципаль районы башкарма комитетының ГХАТ бүлегендә яшь парлар “Яратучы йөрәкләрдән изге эшләр” акциясендә бик теләп катнашалар.
2015 елның 28 августында ТР Министрлар Кабинеты тарафыннан кабул ителгән 1919 номерлы карар нигезендә 5-6 сентябрь көннәре республикабыз шәһәр һәм районнарында Парк һәм скверлар көне буларак билгеләп үтелде. Шушы уңайдан быел Теләче урта мәктәбе янәшәсендә республика Президенты программасы нигезендә төзелгән паркта, Теләченең үзәк ял паркында бәйрәм чаралары булып үтте. Әлеге чаралар җәмәгатьчелекнең игътибарын әйләнә-тирә мохитне, табигатьне саклауга, парк һәм скверлар булдыруга, аларны кадерләп саклауга юнәлдерү өчен үткәрелә. 5 сентябрь көнне үткән әлеге чарага өстән яңгыр явып торуга да карамастан халык күпләп җыелган иде.