ЯҢАЛЫКЛАР
Октябрь азагында Алабуга муниципаль районы ЗАГС бүлегендә 1000 нче баланың тууы теркәлде. Ул балага Милана исеме куштылар. ЗАГС бүлеге хезмәткәрләре баланың әти-әнисенә уңышлар, бәхет, сәламәтлек теләделәр.
Алабуга муниципаль районы ЗАГС бүлегендә 19-22 октябрьдә Татарстан юстиция Министрлыгы тикшерүе үтте. Тикшерү барышында хаталар табылмады.
Николаевлар гаиләсендә шатлыклы вакыйга – бала туу шатлыгы. Николай белән Таисия бала туганчы ук сорау туды, балага нинди исем кушарга. Исем кушу бик җаваплы эш, исем киләчәктә баланың язмышын белдерә. Никитаны туу белән яшь әтине ГХАТ бүлегең баш белгече Гөлназ Хамматова котлады.
Мамадыш районының язылышу залында Зур кызыл йөрәк бар. Ул Бөек Ватан сугышында җиңүнең 70 еллыгына багышланып, сугышка озаткан, сугыштан көткән яшь парларның, аналар, өлкәннәр, балалар мәхәббәтенең символы булып тора.
30 октябрь көнне Бөгелмә шәһәрендә Сәяси репрессия корбаннарын искә алу көне уңаеннан Мемориалга чәчәкләр салу чарасы узды. Корбаннарның якты истәлеген саклап, ТР Бөгелмә муниципаль районы башкарма комитетының ГХАТ бүлеге хезмәткәрләре дә әлеге тантанада катнашты. Ул дәвернең дәһшәтен беләбез һәм тарихны саклыйбыз... Күгебез һәрчак аяз булсын, бар җирдә тынычлык хөкем сөрсен!
Әлмәт муниципаль районында «Семьеведение» курсы кысаларында 2015 елның 29 октябрендә 7, 10, 11, 12, 13, 25-нче мәктәп укучылары ГХАТ идарәсе белгечләре белән очраштылар. Югары сыйныф укучылары ГХАТ идарәсе эшчәнлеге, архив фондында сакланучы актлар китаплары белән таныштылар, гаилә кодексы буенча кирәкле һәм мөһим мәгълумат алдылар.
Баулы ГХАТ бүлегендә октябрь аенда 27 бала туу турындагы акт теркәлде. Шулар арасында 12 малай һәм 15 кыз. Әти-әниләр кызларга София, Сафия и Софья, малайларга Ислам дигән исемнәрне еш кушалар. Иң сирәк исемнәр булып Аиша, Сумая, Алан, Фархат тора.