ЯҢАЛЫКЛАР

Язгы кыр эшләре тәмамлаганнан соң, ел саен авылларда татар халкының милли-мәдәни бәйрәме «Сабантуй» үткәрелә.  

1 нче июнь көнне Паркта чын мәгънәсендә матур бәйрәм булып үтте. Бәйрәм чаралары башлангыч сыйныф укучыларын һәм мәктәпкәчә яшьтәге балалар өчен конкурслар, флеш-моблар, төрле уеннар, концерт номерлары оештырылган иде. Бу бәйрәм чараларында иң нәни балаларыбыз үзләренең әлегә бердәмбер йөри торган траспорт чаралары – коляскалары белән катнаштылар. Бәйрәмгә килгән һәркемне район Башлыгы һәм район Башкарма комитеты җитәкчесе урынбасары кайнар котладылар. Һава торышының салкынча җилле булуы гына беркүпме комачаулык ясады – килергә теләүчеләрнең күбесе бу бәйрәмдә катнаша алмадылар.

Яшь апаслылар паспорт алды

1 июнь көнне күп кенә җирдә Халыкара балалар саклау көне билгеләп үтелә. Шушы бәйрәм белән котлап Лениногорск муниципаль районы ГХАТ бүлеге белгечләре шәһәребезнең балалар тудыру йортында яшь әниләрне котлап, аларга истәлекле открыткалар тапшырып, батыр улларына һәм матур кызларына исәнлек-саулык теләделәр.

2016 елның 1 июнендә Халыкара балаларны яклау көне уңаеннан Яшел Үзән муниципаль районы башкарма комитеты ГХАТ бүлегендә, тантаналы рәвештә ана (гаилә) капиталы сертификатлары тапшырылды.

Бу бәйрәм көнендә ун Яшел Үзән гаиләсе, аларда икенче, өченче һәм аннан соңгы туган балаларга ана (гаилә) капиталына сертификат алдылар.

2001 елның 1 июнендә Берләшкән Милләтләр Оешмасының Азык-төлек һәм авыл хуҗалыгы оешмасы тәкъдиме белән беренче тапкыр Бөтендөнья сөт көне оештырыла. Дөньяның бик күп илләре әлеге башлангычны хуплап каршы ала. Чөнки күпчелек дәүләтләрдә сөт индустриясе аларның икътисадында мөһим урын тота. Безнең район сөт продуктлары да Татарстанда гына түгел, ә дөнья базарында мәгълүм. Сөт көне “Мамадыш сыр-май заводында“ тәүге тапкыр оештырылды. Бәйрәмгә исә сөт ризыкларын аерата яратучы балалар чакырылган иде.

Шәһәр паркында бәйрәм уңаеннан “Без Россия балалары” дип аталган чара үтте. Биредә бәйрәмдә катнашкан һәр бала күңеленә туры килерлек шөгыль таба алды. Әлбәттә инде, балалар бәйрәме – бүләкләр дә әле ул. Нурлатта инде ничә еллар дәвамында яшәп килгән матур традиция буенча, бу көнне оешма-предприятиеләр мохтаҗ, күпбалалы гаиләләрдә тәрбияләнүче, ятим, опекага алынган һәм башка балаларга бүләкләр ясый.

2016 елның 2 июнендә Чистай муниципаль районы Башкарма комитетының ЗАГС бүлегендә Ананьевлар гаиләсендә берюлы ике малай туу теркәлде.

Бәхетле әти күптән көтелгән уллары туу шатлыгы белән уртаклашты, чөнки аларның ике кызлары бар иде инде!

Халыкара балаларны яклау көнендә Алексеевск Үзәк паркында «Без бердәм!» девизы астында зур музыкаль-күңел ачу бәйрәме узды.
Әлеге бщйрәмдә 100 дән артык балалар һәм әти-әниләр катнашты. Әбиләр дә, бабайлар да әлеге матур вакйгадан битараф калмадылар.

   Җәйнең беренче көне кечкенә әлмәтлеләр һәм аларның ата-аналары өчен шатлыклы көнгә әверелде. Шәһәр паркының үзәгендә балалар өчен төрле конкурслар, спорт ярышлары белән кызыклы тамашала оештырылды. Шулай ук бәйрәмдә асрамага алынган 9 балалы Ерофеевлар гаиләсен сертификат һәм истәлекле бүләкләр белән котладылар.