ЯҢАЛЫКЛАР
Спас районы Балымер авылында яшәүче туксан яшьлек Александра Кузяйкинага тормышның барлык кыенлыкларын күрергә туры килә.
Полянка авылында ишле гаиләдә туып үскән кыз бик иртә нужа арбасына җигелә. Әти-әнисе Петр Тимофеевич белән Татьяна Петровна зур хуҗалык тоталар: атлары, сыерлары һәм зур гына йорт яны җирләре була. Тазарак тормыш белән яшәгән Алексеевларны башкалар белән бергә кулаклар исемлегенә кертеп, башка җиргә озаталар. Сигез яшендә кызның әтисе үлә һәм тормышның бөтен авырлыгы әнисе җилкәсенә төшә. Бу елларда ачлыгын да, ялангачлыгын да алар күп күрә. Кияргә киеме булмаганлыктан, ул ике класс кына укып кала.
Актаныш районы Иске Бикчәнтәй авылы тыл ветераны Садыйкова Нәзифә Мингаз кызы 90 яшь тулу уңаеннан котлаулар кабул итте. Аңа Россия Федерациясе Президенты В.Путинның котлау хаты һәм Район Башлыгының истәлек бүләге тапшырылды. Әлеге бүләкләрне ветеранга район Советы аппараты җитәкчесе А.Хаев тапшырды. Котлауларга Әтәс авыл башлыгы Э.Насыйрова да кушылды.
11 май көнне ТР Кама Тамагы МР башкарма комитетының ГХАТ бүлегендә ике яңа туган малайны Каюмова Егор Тимуровичны (Куйбышев Затон штп) һәм Шәмсиев Ислам Әнвәр улын (Кама Тамагы штп) теркәү узды. Каюмовлар гаиләсендә Егор беренче бала, ә менә Ислам Шәмсиевлар гаиләсендә инде дүртенче бала.
Мария Гавриловна Владимирова үзенен 95 яшлек юбилеен каршылады. Хәзерге көнгә кадәр ул эшсез утыра алмый, - дип әйтә анын оныклары. Сугыш вакытында ул тракторист булып эшли, аннары бригадир булып. сугыштан соң ул кияүгә чыга. Аны котларга район башлыгы Эдуард Дияров килде.
Лениногорск муниципаль районы ГХАТ бүлеге җитәкчесе Миннигалямова Елена Яков кызы 1960-1981 елларда шәһәребезнең беренче Язылышу сарае җитәкчесе булган - Мещерякова Нина Андрей кызын Җиңү көне белән котлады. Нина ханым - киң күңелле, игелекле, ләкин шул ук вакытта бик таләпчән кеше. Ул вакытлардагы җитәкчеләр арасында ул үзенең эшкә булган мөнәсәбәте, җитдилеге белән аерылып торган.
Үтеп баручы 4 ай эчендә Мамадыш районының ГХАТ бүлегендә 62 пар язылышкан. Бу күрсәткеч узган шушы ай аралыгы белән чагыштырганда 21 % артыграк. 2016 елның гыйнвар аеннан апрель аена тикле 51 никах теркәү очрагы теркәлгән булган.
Аерылышу очракларына килгәндә, узган ены 4 ай эчендә 32 гаилә таркалган, бу елны исә 25 % ка кимрәк - 24 пар.
Изге бала - ул чиксез ләззәт чыганагы: нарасые янында һәр ата-ана ял һәм куаныч таба. Балалар- безнең киләчәгебез, нәсел дәвам итүчебез, картлык көннәребездә безнең терәгебез булучылар.
Шушы бәхет- сөенеч Мокшиннар һәм Фатыховлар гаиләсендә читләп үтмәгән. Кама Тамагы ГХАТ бүлегендә тантаналы вакыйга булды. 2017 елның 10 май көнендә 2 малайның тууын теркәде.
2017 нче елның 10 нчы маенда видеоконференция режимында Татарстан Республикасы Министрлар Кабинеты ГХАТ Идарәсенең республика гражданлык хәле актларын теркәү вәкаләте бирелгән органнарының 2017 елның 4 ае эшчәнлеге турында чираттагы эшлекле киңәшмәсе үткәрелде.
Кама Тамагы муниципаль районы башкарма комитетының ЗАГС бүлегендә Руслан һәм Ләйсән Вязниковларның никахлары теркәлде. Вязниковларның никахлары бәхетле һәм озын гомерле булыр дип ышанабыз.
Татарстан Республикасы Бөгелмә муниципаль районы башкарма комитеты ЗАГС бүлегендә законлы никахта бергә 65 ел гомер итүче Георгий Алексеевич белән Нина Валентиновна Замараевлар булды. Шушы көннәрдә алар тимер туйларын билгеләп үтте. ЗАГС бүлеге хезмәткәрләренә әлеге искиткеч парны шундый матур мөһим дата белән котлау бәхете насыйп булды. Георгий Алексеевичка апрель башында 91 яшь тулган, ә Нина Валентиновна бу елда 86 яшен тутырачак. Яшь парларга үрнәк булып торучы бу пар икесе дә сугыш ветераннары. Күп еллар дәвамында алар бер-берсенә карата җылы мөнәсәбәт, ярату, хөрмәт хисләрен саклап кала алганнар.