11 май көнне ТР Кама Тамагы МР башкарма комитетының ГХАТ бүлегендә ике яңа туган малайны Каюмова Егор Тимуровичны (Куйбышев Затон штп) һәм Шәмсиев Ислам Әнвәр улын (Кама Тамагы штп) теркәү узды. Каюмовлар гаиләсендә Егор беренче бала, ә менә Ислам Шәмсиевлар гаиләсендә инде дүртенче бала.
ЗАГС бүлеге җитәкчесе Елена Халикова бәхетле әтиләргә балаларының беренче документларын - туу турында таныклыкларын һәм Татарстан Республикасы Президентыннан истәлекле котлау открыткасы, шулай ук яшь парлар исеменнән йомшак уенчыклар бүләк итте.