ЯҢАЛЫКЛАР

2014 елның 1 июнендә Югары Ослан муниципаль районының мәдәният сарае мәйданында Югары Ослан муниципаль районы Башкарма комитетының ЗАГС булеге җитәкчесе катнашуы белән танатаналы чара - “Балаларны яклау  көне” узды.

        Бәйрәмне чыгышлары белән  районның сәләтле балалары бизәде. Балалар зур энтузиазм белән төрле кызык конкурсларда катнаштылар, көлешеп, шаярып уеннар уйнадылар. Конкурсларда катнашкан барлык балалар кечкенә истәлекле призлар белән бүләкләнделәр.

      1 июнь Халыкара Балаларны яклау көнендә Мөслим муниципаль районында тәрбиягә балалар алган гаиләләрнең Сабан туе үтте. Бәйрәм Иске Карамалы авыл җирлегендә узды. Чарада район Советы аппарат җитәкчесе А.М.Әхмәтҗанов, Башкарма комитет җитәкчесенең социаль-мәдәни үсеш буенча урынбасары Р.З.Солтанов һәм Иске Карамалы авыл җирлеге Башлыгы И.Н.Кәримов катнашты. Алар Рәхмәт хатлары, истәлекле бүләкләр тапшырдылар, барлык гаиләләрне бәйрәм белән котладылар. Әти-әниләр һәм балалар үзләренең осталыкларын күрсәттеләр, төрле спорт уеннарында көчләрен сынаштылар. Балалар үзләрен тәрбиягә алган әти-әниләренә чиксез мәхәббәт һәм игелеклелекләре өчен рәхмәтләр әйттеләр.

      Мамадыш районы ГХАТ бүлеге каршында эшләп килүче “Яшь гаилә” кубының 2014 нче елның 31 нче маенда чираттагы җыелышы узды. Тиздән гаилә корырга ниятләүче яшь парлар ГХАТ бүлегенең баш специалисты белән әңгәмә кордылар, кызыксындырган барлык сорауларга җавап эзләделәр.

Виктор Васильевич белән Раиса Тимофеевна 60 ел элек Алабугада культура йортында танышалар. Раиса Тимофеевна бик матур җырлый. Аның тавышы үзенчәлекле, Зыкинаныкыннан ким түгел. 1 елдан соң яшьләр өйләнешә.

Гаилә башлыгы эш стажын көтү көтүдән башлый. Ул укыту-җитештерү комбинаты җитәкчесе дәрәҗәсенә күтәрелә. Бүген дә бик актив тормыш белән яши. Ветераннар Советының иң күренекле вәкиле. 3 бала тәрбияләп үстерәләр. Бүгенге көндә оныклары, балалары белән бәхетле тормышта яшиләр.

      2014 елның 30 маенда Алабуга районы Бехтерево авыл җирлегендә Корниенколар гаиләсе алтын туйларын билгеләп үттеләр. Николай Карпович белән Галина Александровна комсомол төзелешендә Тольятти шәһәрендә бер бригадада эшләп танышалар. 1964 елның 30 маеннан бирле алар гел бергә, гомерләрен төзү эшләренә багышлаганнар.

      Балаларны яклау көненә багышлап, 2014 елның 30 маенда Татарстан Республикасы Бөгелмә муниципаль районы башкарма комитеты Гражданлык хәле актларын теркәү бүлегенең тантаналар залында ана капиталы алуга сертификатлар тапшырылды. Сабыйның дөньяга аваз салуы гаилә өчен һәрвакыт бәхетле һәм иң көтеп алган вакыйга. Нинди соң ул бәхет? Ул бик гади! Ярты метр буйдан башлана ул. Бәхет – ул йомшак һәм җылы нәни куллар, диван астындагы кәнфит кәгазьләре белән диван өстендәге валчыклар... Нәрсә ул бәхет дигән сорауга җавап эзләмәсәк тә була: бала-чагасы булган һәр кешедә үзенчә бәхет бар.

      Пенсия фондының идарә башлыгы И.А.Большакова Мөхәрәмова Аннага һәм Садыкова Равиягә ана капиталына сертификатлар тапшырды һәм ана капиталын дөрес итеп файдалануларын теләде. ЗАГС бүлеге башлыгы Л.М.Дианова Тәтеш муниципаль районы Башлыгы В.С.Чершинцевның котлавын укыды һәм күп балалы гаиләдә өченче булып туган сабый Амальнең әтисе Камбеев Ильсурга сувенир тапшырды.

      2014 нче елның 30 нче маенда Татарстан Республикасы Министрлар Кабинеты ГХАТ идарәсе каршындагы Иҗтимагый советның чираттагы утырышы узды. 

      30 май  көнне «Казан» гаилә  үзәгендә Степанов Иван Петр улы һәм Лидия Василий кызының бриллиант туй тантанасы узды. Аларны шушы күркәм бәйрәм белән котларга  балалары, оныклары һәм оныкчыклары килгән иде. Киләчәктә дә балаларына һәм оныкларына үрнәк гаилә булып, бәхетле, тигез тормышта яшәргә насыйп булсын!