ЯҢАЛЫКЛАР
2014 елның 20 ноябрь көнендә Балтачта “Балаларга бушлай юридик ярдәм күрсәтү” максаты кысаларында ятим һәм инвалид балаларны опекунлыкка алган гаиләләр өчен Татарстан Республикасының Юстиция Министрлыгы вәкилләре белән очрашу оештырылды. ТР Юстиция министрының беренче урынбасары Рөстәм Заһидуллин һәм министрлыкның юридик ярдәм күрсәтү секторы мөдире Наталья Фәрхуллина әлеге очрашуга һәм район җирлегендә юридик хезмәт күрсәтү сферасына уңай бәяләмә бирделәр.Үз яннарына ятим балаларны сыендырган опекун гаиләләргә рәхмәтләрен белдерделәр. Бу эшлекле киңәшмәдә районның прокурор ярдәмчесе, нотариус, опека һәм попечительлек секторы баш белгече, “Наз” бүлекчәсе юрист-консультанты, ГХАТ бүлеге мөдире, балигъ булмаган балалар белән эшләүче инспекторы, мәгариф идарәсе методисты, психологик-педагогик үзәк директоры, башкарма комитетның юридик бүлек мөдире катнаштылар. Килгән әти-әниләр хөрмәтенә балаларга кагылышлы юридик ярдәмнәрне ассызыклап, киңәш-тәкъдимнәрен бирделәр.
1959 елның 20 ноябрь көнендә Генераль Ассамблея бала хокуклары Декларациясен кабул итә. Шул көннән башлап Бөтендөнья балага хокукый ярдәм күрсәтү көне Җир шарының 145 илендә бәйрәм ителә башлый. Яшүсмерләргә һәм әти-әниләргә “Казан” Гаилә үзәге буйлап экскурсия узды, шулай ук Россияда беренче паспорт системасы барлыкка килү тарихы сөйләп узылды. Яшүсмерләргә укуларында уңышлар теләп, эш сөючән, Республикабызның горур гражданнары булып үсүларен теләделәр.
20 ноябрь - Бөтендөнья балалар көне - Бөтенроссия Балаларга хокукый ярдәм күрсәтү көне дип игълан ителде. Әлеге дата 1959 елның 20 ноябрендә Берләшкән Милләтләр оешмасы тарафыннан Бала хокуклары Декларациясен кабул итүгә багышлап билгеләнелә. Шушы ук көнне, 20 ноябрьдә, ләкин 1989 елда, Бала хокуклары турында Конвенция кабул ителә.
Балаларга хокукый ярдәм күрсәтү көне уңаеннан 20 ноябрьдә Апас мәктәбендә төрле өлкә вәкилләре белән мөһим очрашу узды. Татарстан Юстиция Министрлыгы тарафыннан безнең районга куратор итеп билгеләнгән Татарстан Экология һәм табигый байлыклар Министрлыгының Идел аръягы территориаль идарәсенең II разрядлы белгече Әмир Җаббаров, мәгариф бүлеге җитәкчесе Ранис Әхмәтшин, район прокуроры урынбасары Фатыйх Хафизов, район адвокатлар коллегиясе җитәкчесе Татьяна Зәйнуллина, район Советы юридик бүлек җитәкчесе Рамил Гыйбадуллин, районның ГХАТ бүлеге җитәкчесе Розалия Насыйбуллина, балигъ булмаган балалар белән эшләү инспекторы Рания Михайлова, опека һәм попечительлек бүлеге белгече Рания Абубакирова балалар белергә тиешле төп хокуклар хакында чыгыш ясадылар. Биредә катнашкан балаларны борчыган транспорт йөртү, юл-йөрү, БДИ тапшыру кагыйдәләре кебек һәм башка мөһим сорауларга җавап бирделәр.
Болгардагы 1нче урта мәктәп базасында балаларга хокукый ярдәм күрсәтү көне оештырылды.
Әлеге очрашуга өлкән класс укучылары, аларның әти–әниләре, педагоглар чакырылды. “Школа превосходства” видеоролигын караганнан соң Татарстан Республикасы Юстиция министрлыгы киңәшчесе Лилия Морадыймова чыгыш ясады.Бу тантанада паспорт алырга вакыт җиткән яшь егетләр һәм кызлар катнаштылар. Киров ГХАТ бүлегенең җитәкесе килгән яшьләргә Россия гражданы паспортын һәм Россия Федерациясенең топ законы - Конституциясен тапшырды.
20 нче ноябрьдә Баулы муниципаль районы башкарма комитеты ГХАТ бүлегендә 24 яшүсмергә тантаналы рәвештә паспортлар тапшыру чарасы узды. Баулы районы Башлыгы урынбасары Ф.Хасиятуллин һәр баланы җылы котлап паспортларны тапшырды. Укучыларны хөрмәтле ветеран А.Галиакберов, Баулы районының УФМС бүлеге җитәкчесе Р.Гарипова котладылар. Бу гомергә бер генә тапкыр килә торган бәхетле вакыйганы яшүсмерләрнең ата-аналары да уртаклашты. Яшьләргә истәлекле бүләкләр тапшырылды.