ЯҢАЛЫКЛАР

    27 гыйнварда Буа муниципаль районының ГХАТ бүлегендә Ана капиталы сертификатлары тапшыру тантанасы булды. Буа районы Пенсия идарәсе фонды җитәкчесенең урынбасары Л.В.Усманова әниләргә сертификатларны тапшырып, аларның куллану тәртибен  аңлатты. Буа муниципаль район башкарма комитетының  ГХАТ бүлеге җитәкчесе  Г.М. Хәкимова бәхетле ата-аналарга сәламәтлек, гаилә иминлеге теләде. Шулай ук тантанада ООО “Камкомбанк”ның вәкилләре дә катнаштылар һәм истәлекле бүләкләр тапшырдылар.

1925 елның 20 гыйнварында Мамадыш районы Түбән Кыерлы авылында туып-үсеп, Бөек Ватан сугыш чорында тормышның ачысын-төчесен татып, барлык авыр тармакларда хезмәт куйган тыл ветераны Сөләйманова Камилә Сөләйман кызы 90 яшьлек юбилеен билгеләп үтте.

      2015 елның 26 гыйнвар көнне Яр Чаллы шәһәренең ГХАТ идарәсендә яңа 2015 елда туган 500 нче сабый теркәлде. Бу, Вилдана исемле кыз бала, Гыйбадуллинар гаиләсендә туды.

Әтнә муниципаль районы Түбән Шашы авылында яшәүче Галиева Әминә Гыйльман кызына 24 гыйнвар көнне 95 яшь тулды. Шул уңайдан аны котларга Әтнә муниципаль районы башкарма комитетының социаль эшләр буенча җитәкчесенең урынбасары, Күңгәр авыл җирлеге вәкилләре, редакция вәкилләре килделәр. Галиева Әминәнең бәйрәмен котлап истәлекле бүләкләр тапшырылды.

Ул 25 гыйнвар  - Татьяналар көне. Әлеге дата “Казан” Гаилә үзәгендә дә билгеләп узылды. Татьяна исемле кәләшләр 24 гыйнварда үзләренә тиң ярлар белән никахларын рәсмиләштерделәр. Аларны котлап аларның яшь гаиләләренә бәхет һәм тигез тормыш юлланды.