ЯҢАЛЫКЛАР
Чирмешән муниципаль районы Башкарма комитетының ЗАГСлар залында 33 гаиләгә Ана капиталына сертификат тапшырылды. Сертификатларны тантаналы шартларда район Башкарма комитеты җитәкчесе Фердинат Дәүләтшин һәм район башлыгы урынбасары Миләүшә Батыршина тапшырдылар. "Һәр бала үз бәхете белән туа", диде Фердинат Мидхәтович бәхетле ата-аналарны тәбрикләп.
Киңәшмәдә Буа район башкарма комитетының ГХАТ бүлеге җитәкчесе Хәкимова Г.М. 2015 елның 1 квартал нәтиҗәләре белән таныштырды. Очрашуда шулай ук Җиңүнең 70 еллыгы уңаеннан уздыралачак чаралар турында да сөйләшү булды. ГХАТ бүлеге белгече Җәмалетдинова Л.С. авыл җирлекләре белгечләренең отчетлары буенча төгәл анализ ясады.
Бу көннәрдә Зәй районында тыл ветераннарын өйләренә барып котладылар. Павлова Антонида Ивановнаны һәм Берданова Анастасия Елисеевнаны чын күңелдән туган көннәре белән тәбрик иттеләр. “Ивушка” вокаль ансамбле фольклор коллективы белән берлектә ветераннарны котлау иң изге гамәлләрнең берсе. Чөнки алар җилкәсенә тормышның иң авыр чоры туры килгән һәм алар барлык авырлыкларны да җиңеп үз иленә тугры булып калганнар.
Балык Бистәсе районында авыл җирлеге башкарма комитетлар сугыш ветераннар һәм тыл ветераннар белән очрашулар үткәрәләр. Котлы-Бүкәш авыл клубында алма төшерлек урын булмады - авылдашлар сугыш һәм тыл ветераннарны хөрмәтләп каршы алдылар. Ә Яңа Арыш авылында урта мәктәбенең укучылары сугыш турында әдәби әсәрләрне сәхнәләштреп авылдашларына күрсәттеләр.