Кукмара районында юбилярларны хөрмәтләү

Район җитәкчесе Сергей Димитриев, район Башлыгы урынбасары Рәвия Кәримуллина, ГХАТ җитәкчесе З.Т.Латыпова Чишмәбаш авылында гомер кичереп, хәзерге вакытта кызы гаиләсендә Уразайда яшәүче Мәдинә апа Каюмованы 90 яшьлек юбилее белән котладылар. Шул ук көнне Кукмара районының Мәмәшир авылында яшәүче Галимова Бибигайшә Галимулла кызына да котлаулар белән өенә керделәр. Аларның исемнәре мактау китабына кертелде, шулай ук Россия Президентының котлау открыткасын, район җитәкчесенең Рәхмәт хатын һәм истәлек бүләге тапшырылды.