ЯҢАЛЫКЛАР
Сарман районы Түбән Бикмәт авылында яшәүче Зәкиҗан Мөбәрәк улы белән Саимә Закир кызы Исламовлар үзләренең тимер туйларын – 65 ел бергә гомер итүләрен, Саимә апаның 90 яшьлек юбилеен билгеләп үттеләр. Аларны юбилее белән котларга район һәм авыл җирлеге җитәкчелеге, якыннары-туганнары килделәр. Зәкиҗан абый белән Саимә апага Котлау хаты һәм истәлекле бүләкләр тапшырылды.
"Мәктәпкә җыенырга ярдәм ит" республика хәйрия акциясе кысаларында Чистай муниципаль районы башкарма комитетының ЗАГС бүлеге тарафыннан күп балалы гаиләдән беренче сыйныфка баручы Артур Ситдыйковка мәктәп кирәк-яраклары тутырылган букча әзерләнде һәм тапшырылды. ЗАГС бүлеге начальнигы Вера Николаевна Белова-Реутина булачак мәктәп укучысына сәламәтлек һәм укуында уңышлар теләде.
2015 елның 19 августында Буа муниципаль районы ГХАТ бүлегендә ана капиталы дәүләт сертификаты тапшыру тантанасы узды. Ике һәм аннан да күбрәк бала алып кайтучы дүрт гаиләгә ана капиталы сертификаты бирелде. Тантанада пенсия фонды идарәсе җитәкчесенең урынбасары Госманова Любовь Виктор кызы һәм “Кама” исемендәге коммерция банк җитәкчесе Гыйсматуллин Рамил Гыйльмулла улы катнашты. Алар гаиләләргә ана капиталы дәүләт сертификатлары һәм истәлекле бүләкләр тапшырдылар.
Алма спасы – славян халыклары календарендагы көн. Ул чиркәү тарафыннан билгеләп үтелүче олы бәйрәмнәрдән санала. Дин тотучылар аны Преображение Господне дип атый. Чөнки бу көнне чиркәүләрдә үтүче келәүләрдә алмалар изгеләндерелә.
Әлеге христиан бәйрәме уңаеннан ЗАГС бүлеге хезмәткәрләре яшь парларны алма уңышыннан авыз иттерделәр, бәхет, тынычлык һәм иминлек теләделәр.
Алексеевск муниципаль районы башкарма комитетының ГХАТ бүлегендә яшь парларның ярәшү көне булып үтте. Яшьләрне ГХАТ бүлеге җитәкчесе Э.З.Суниева котлады һәм истәлекле бүләк һәм туйга чакыру тапшырды.