ЯҢАЛЫКЛАР

8 июльдә безнең илдә Гаилә, мәхәббәт һәм тугрылык көне билгеләп үтелде. Бу бәйрәм православие дине тарафыннан гаиләне яклаучы итеп танылган изгеләр Пётр һәм Февроньялар истәлегенә багышлана.

Бу көнне Менделеевск районының ЗАГС бөлегендә Татарстан Республикасының 70 гаиләсеннән берсенә “Мәхәббәт һәм тугрылык өчен” медале тапшырылды. Районыбызның ирле-хатынлы Ольга Александровна һәм Николай Иванович Фадеевлар бу югары иќтимагый бүлеккә лаек булды.

Балалар иќат үзәге педагоглары Фадеевлар гаилә кредосының нигезе “Үзара аңлашу, ышаныч, ярдәмләшү һәм бер генә көн дә иќатсыз яшәмәү” дип аңлаттылар.

Бу истәлекле бәйрәм көнендә медаль ияләрен башкарма комитет ќитәкчесенең социаль мәсьәләләр буенча урынбасары П.С.Миронов, мәдәният идарәсе начальнигы Л.Ф.Галиева, ЗАГС бүлеге начальнигы Ф.В.Козырева, БСМ директоры Н.Х.Ювакаева һәм Фадеевларның коллегалары котлаулар юлладылар.

Бөтенроссия күләмендә билгеләп үтелүче 8 июль - Гаилә, мәхәббәт һәм тугрылык көне XIII гасырда яшәгән муром князе Петр һәм аның хатыны Феврония мәхәббәтенә барып тоташа. Әлеге гаиләне православие христианнары гаилә һәм тугрылык символына тиңлиләр. Петр һәм Феврония ир белән хатын арасында булырга тиешле тугрылык, мәхәббәт һәм бәхет үрнәгенә әйләнәләр.

Гаилә, мәхәббәт һәм тугрылык көнендә Татарстан Республикасы Бөгелмә муниципаль районы башкарма комитетының ЗАГС бүлеге хезмәткәрләре, социаль яклау бүлеге белән берлектә, Бөгелмә районының күп балалы гаиләләрен әлеге истәлекле бәйрәм белән тәбрик иттеләр. Социаль хезмәткәрләр балалар һәм аларның ата-аналары өчен берничә бәйге оештырдылар. ЗАГС бүлегеннән күп балалы гаиләләрне җитәкче урынбасары С.Р. Сабирова котлады һәм истәлекле бүләкләр тапшырды.
 Гаилә ул – бәхет, мәхәббәт һәм уңыш, гаилә ул – җәен бакчага бару, гаилә ул – бәйрәм, тантана, бүләкләр һәм дә күңелле чыгымнар.

Алтынчы ел рәттән билгеләп үтелүче әлеге бәйрәм Андреевка авылында яшәүче иҗади гаилә – Николай һәм Зоя Абрамовлар өчен аерата истә калачак. Абрамовлар гаиләсе “Мәхәббәт һәм тугрылык” медаленә лаек булды.

– Мәдәният елында шундый зур бүләккә ия булубызга бик сөенәбез, - ди Зоя Абрамова. – Тормыш иптәшем Николай – 20 елдан артык авылыбыздагы мәдәният йорты һәм “Сеспель” (“Умырзая”) ансамбле җитәкчесе. Ул гармунда уйный, мин җырлыйм.

Шул гомер эчендә Зоя Абрамова  “Чуваш сандугачы” республика конкурсында ике тапкыр лауреат исеменә лаек булырга өлгергән. 37 ел матур гомер кичергән иҗади гаилә өч кыз һәм бер ул тәрбияләп үстереп, олы торомыш юлына бастырганнар. Бүген 5 оныкларына сөенеп яшиләр. 

2014 нче елда  “Мәхәббәт һәм тугрылык өчен”  медален Алан-Бәксәр авылыннан  Мәрдәновлага тапшырылды.

Гаилә, мәхәббәт һәм тугрылык көнендә  үзәк мәдәният йортында  аеруча зур тантаналылык хөкем сөрде. Биредә нык, тату  гаилә корып, акыллы-тәүфыйклы балалар үстергән, якташларына матур   үрнәк булып 
яшәүче  гаиләләрне хөрмәтләделәр. Әлеге тантана  Мәрдәновлар гаиләсенә  “Мәхәббәт һәм тугрылык өчен”  медален тапшырудан башланды

Гөлнур   һәм  Фәрит Хәлиуллиннар, Әлфия һәм Әдһәм Дәминовлар, Нәзирә һәм Рәфикъ  Гыйльметдиновлар, Фирадия һәм Фидаил  Галиәхмәтовлар, Нурания һәм Ринат  Гыйльметдиновлар, Фирания һәм Илсур Гайнетдиновлар, Гөлшат һәм  Харис  Гариповлар, Рәхилә һәм Нияз Маликовлар, Галия  һәм  Ринат Сабирҗановлар да  бәйрәмнең мактаулы кунаклары итеп чакырылдылар. Аларга чәчәк бәйләмнәре һәм истәлекле бүләкләр тапшырылды. Һәм, мөгаен, иң мөһиме – балалары, дуслары һәм  якыннарының кү-ңелгә ятышлы һәм бик  күп җылы сүзләр әйтүе булгандыр.

Әлеге чараны оештыручылар  гаҗәеп матур концерт программасы әзерләгәннәр

2014 елның 8 июлендә -  Осиново бистәсе узәк мәйданында – гаилә, мәхәббәт һәм тугрылык көне уңаеннан нәниләр парады утте. 35 кечкенә нәни коляскаларына утырып, өйләренә буләкләр белән кайтып киттеләр. Адель Нуриев һәм Эмилия Аглиуллина музыкаль номерлары белән сөендерде. Шулай ук Касимовлар гаиләсен “Зөбәржәт” туйлары белән котладылар. Аларнын 3 балалары, 6 онык һәм 3 оныкчалары бар. Бәйрәм “Алтын” ансамбле чыгышы белән тәмәмланды.

      Җылы тәбрикләү сүзләре ана капиталы сертификатларын алырга килгән әниләргә әйтелде.

      Казан шәһәре Киров районының Россия Федерациясенең пенсия фондының Татарстан Республикасы бүлеге Сафина Гүзәл Илдар кызы мөдире дүрт гаиләгә анна капиталы сертификатларын тапшырды.

      Казан шәһәренең Киров ЗАГС бүлеге Липовая Светлана  Ирек кызы мөдире бәхетле әниләрне дәрәҗәле исем белән һәм Гаилә, Мәхәббәт һәм Тугрылык көне белән котлады.

      8 июль көнне Актаныш муниципаль районы ЗАГС бүлегендә “Гаилә, мәхәббәт һәм тугрылык” көне үткәрелде. Кичәнең кунаклары Бурсык авылында яшәүче Нуриахметов Рәшит Рәис улы һәм Рәйсә Рәес кызы булдылар. Әлеге бәхетле гаилә парына ЗАГС бүлеге җитәкчесе Гөлфинә Баян кызы Мухамадиева Россия Федерациясе оештыру комитетының бәйрәм уңаеннан грамотасын һәм “Мәхәббәт һәм тугрылык “ өчен медален тапшырды. Авыл җирлеге Башлыгы Ф.Р.Мингазетдинова һәм район үзәк китапханә җитәкчесе Э. Мавлетова Нуриахметовларга изге теләкләрен юллады.

      Зәйнуллин Илшат һәм Шамкина Миләүшә никахка гариза язырга килгәч бәйрәмнең көтелгән кунаклары булып чыктылар. Аларга матур сүзләр әйтелде һәм бәйрәмнең символы ромашка чәчәге белән бүләк тапшырылды.

      Билгеле булганча, илебездә июль аеның 8 нче көне Гаилә көне буларак билгеләп үтелә, һәм шушы уңайдан 25 елдан артык бергә яшәгән һәм җәмгыятьтә лаеклы урын тапкан балалар тәрбияләгән гаиләләргә “Мәхәббәт һәм тугрылык өчен” медале тапшырыла. Районыбызның Үзәк җирлегендә яшәүче Анатолий Михайлович һәм Варвара Ивановна Вилковлар – әнә шундыйлардан. Нәкъ Гаилә көне бәйрәм ителгән көнне район башлыгы И.Ф.Зарипов аларны шушы истәлекле көн белән тәбрикләде, медальләр тапшырды һәм изге теләкләрен җиткерде.

Галә мәһәббәт һәм тугрылык көне уңаеннан  Арча районының 10 нчы номерлы балалар бакчасы ”Минем бәхетле гаиләм” исеме астында рәсем ясау эшчәнлеге игълан итте. 8 июль көнендә Арча районы ГХАТ бүлеге фойесында балалар кулыннан ясалган рәсем һәм кул әше күргәзмәсе юбилярларның һәм килгән кунакларның күңелләренә хуш килде.