ЯҢАЛЫКЛАР
2021 ел Татарстан Республикасы Президенты Рөстәм Нургали улы Миңнеханов Указы нигезендә Туган телләр һәм Халык бердәмлеге елы дип игълан ителде. Безнең Республика күпмилләтле, биредә рус, татар, удмурт, мари, чуваш милләтләре дус, тату яшиләр һәм хезмәт куялар.
2021 нче елның 18 нче июнендә «Сонатал» мәктәбенең кереш дәресендә ГХАТ идарәсе җитәкчесе урынбасары Гүзәл Сагитова туу турында таныклыкны рәсмиләштерү өчен нинди документлар кирәклеге турында сөйләде.
Бүген, 2021 елның 18 июнендә, Түбән Кама муниципаль районы ГХАТ Идарәсендә 500 нче пар теркәлде.
Бу бәйрәмдә юбилярларны хөрмәтләү күркәм традициягә әверелде. Бу ел да искәрмә түгел.
Тимерҗан Хәбибҗан улы һәм Надимә Вагыйз кызы Мусиннарны Кәче авыл җирлеге Сабантуенда, Рөстәм Фатыйх улы һәм Флора Габделнур кызы Зариповлар гаиләсен Шушмабаш авыл җирлеге Сабантуенда хөрмәтләделәр.
Туй юбилее - бик күп матур мизгелләрне искә алу өчен менә дигән форсат. Гаилә-ул гореф-гадәтләр, үзара аңлашу һәм бер-береңне кайгырту, бер шатлык һәм икесенә бер кайгы.
«Бриллиант» һәм «алтын» юбилярлар – яшь буын өчен үрнәк. Һәр мизгелне кадерли белергә, бер-берең турында кайгырта белергә кирәк.
2021 елның 13 июнь сабантуй көнендә Нөнәгәр авыл җирлеге һәм ГХАТ бүлеге хезмәткәрләре авылның иң мөхтәрәм парларының берсен – Якуповлар гаиләсен сапфир туйлары белән котладылар. Гаилә учагы җылысында иңне-иңгә куеп яшәп, балалар үстереп, бу көнгә килеп җитү һәр пар бәхетенә дә тими. Ә Нөнәгәр авылында гомер итүче Фәрит Якуп улы белән Нурфия Мөнир кызы Якуповлар гаиләсе 45 ел матур, тату гаилә булып гомер кичерәләр. Алар тормыш ваклыкларыннан өстен була белеп, аңлашып яшәгәннәр, үз үрнәкләрендә илгә-көнгә игелекле балалар тәрбияләп үстергәннәр.
Фирая Котдус кызы бүгенге көндә дә районның социаль үсешенә үзенең саллы өлешен кертә, район тормышында актив катнаша һәм район хатын-кызлар Советының җитәкчесе булып матур хезмәт куя.
Бу бәйрәмдә һәр елны Балтач районында иң өлкән кешеләрне, яңа өйләнешкән парларны һәм яңа туган балаларның әти-әнилэрен бүләкләп үтәләр.
Россия көне — 12 июнь — Россия Федерациясенең дәүләт бәйрәме. Ел саен 1990 елның 12 июнендә РСФСР Дәүләт суверенитеты турында Декларация кабул ителгән көнне 1992 елдан бирле билгеләп үтелә.
! Бүген бөтен ил патриотик бәйрәм – Россия көнен билгеләп үтә. Бу көн алдыннан күп кенә бөтенроссия акцияләре уза. Бу атнада Түбән Кама муниципаль районы ГХАТ идарәсе коллективы “Гражданлык имтиханы-2021. Фән. Технологияләр. Булачак” онлайн-акциясендә катнашты. Ә бүген без булачак яшь парларга «РусскиеРифмы» челленджында катнашырга тәкъдим иттек.