ЯҢАЛЫКЛАР

     17 июль көнне Ослан муниципаль районының Кильди авыл җирлегендә  Рачковлар гаиләсе  Кирилл улы Михаил һәм Иван кызы Аннаның 55 ел бергə гомер итүлəрен тантаналы тɵстə хөрмәтләү булды. Алар тормыш  юлы буенча кулга-кул тотынып, бер-берсенә булган мәхәббәтлəрен саклап, хөрмәт белəн кадерләп гомер юлларыннан атлыйлар. Алар тормыш юлларында очраган барлык кыенлыкларга карамастан,  гаилəлəрен саклап калалар. Зөбәрҗәт юбилярларның үткəне авыр  булсада, алар хөрмәткә лаек, үзлəрен бик бəхетле санап тигез гомер юлын кичерəлəр.

Гасырлык бәйрәме белән аны муниципаль район башлыгы Фәрит Хөснуллин, хәрби комиссар Дашгын Гасанов, “Нөркәй” агрофирмасы директоры Вазыйх Гыйльметдинов, авыл җирлеге башлыгы Раушания Исламова, район ветераннар советы рәисе Нәҗип Миңнеголов, район социаль яклау бүлеге начальнигы Лилия Гыйльметдинова, “Шәфкать” үзәге директоры Гөлнара Хуҗина, Пенсия фонды идарәсенең районара клиент хезмәте җитәкчесе Асыляр Харисов, “Бердәм Россия” сәяси партиясенең район башкарма комитеты җитәкчесе Гөлүсә Харисова, авыл ветераннар советы рәисе Наилә Миңнемөхәммәтова, уллары-киленнәре, оныклары, оныкчыклары, туганнары тәбрикләделәр.

2018 елның  17 июль көнне Түбән Кама муниципаль районы ГХАТ Идарәсендә «Балкыш»  балалар һәм яшүсмерләр социаль приюты балалары өчен экскурсия узды.

2018 елда  16 июль көнне, Азнакай җирендә, тагын бер бала-Мортазина Лиана җиһанга аваз салды. Төбәк  больницаның бала тудыру отделениясендә, Татарстан Республика Азнакай муниципаль район башкарма комитетының ГХАТ бүлеге тантаналы теркәү оештырды. ГХАТ бүлеге җитәкчесе Элфинур Хәйретдинова әти-әнисенә, Ринат белән Гөлнурга беренче баласының, беренче документы – «Туу турында таныклык” һәм Татарстан Республика Президенты Миңнеханов Рөстәм исеменнән Котлау хаты тапшырды. Аның котлауларына башка килгән туган- тумачалар да кушылды.

16 июль көнне Теләче районының Субаш авылында гомер итүче Степанова Евдокия Андреевна үзенең 95 яшьлек юбилеен билгеләп үтте. Аны гомер бәйрәме белән Айдар авыл җирлеге башлыгы Хәйрулла Хәсәншин, район социаль яклау бүлеге җитәкчесе вазыйфаларын вакытлыча башкаручы Ләйлә Каюмова тәбрик итеп, Россия Федерациясе Президенты Владимир Путинның тәбрикләү хатын, истәлекле бүләк һәм чәчәк бәйләме тапшырды. 

    Лаеш шәhәре  язылышу сараенда тантаналы төстә игезәкләр Диләрә hәм Баязит тууы рәсми теркәлде. Нәниләрнең әти-әнисенә туу таныклыгы hәм фотоальбом тапшырылды. Бу көн бәләкәчләрнең әти-әнисенең иң истәлекле истә калган туган көне булачак.

16 нчы июль көнне Тәтеш муниципаль районында район активларының утырышы булды һәм анда төрле сораулар каралды, шуларның берсе булып         “ 2018 нче елның беренче ярты еллыгында  Тәтеш муниципаль районында дәүләт гражданлык актын теркәү торышы”  турындагы сорау булды. Әлеге сорау буенча Тәтеш муниципаль районы Башкарма комитетының ЗАГС бүлеге начальнигы Л.М.Дианова  чыгыш ясады. Шулай ук авыл җирлекләрендә үлүчене  3 көн эчендә теркәү һәм аларны теркәү турындагы таныклыктан башка  җирләмәскә дигән сораулар каралды.

Күптән түгел Спас районы  Иж-Борискино авылында яшәүче тыл хезмәтчәне, Бөек Ватан сугышында катнашучының тол хатыны, районның иң олы яшьтәге кешесе Анна Палагинага 106 яшь тулды.

Шулай ук Урта Йорткүл авылында яшәүче Зөләйха Зиннәтуллина да үзенең 90 яшьлек юбилеен билгеләп үтте. Юбилярларны котларга районның контроль-хисап палатасы рәисе Мансур Гыйматдинов,  район ветераннар оешмасы рәисе Татьяна Бурумова, авыл җирлеге башлыгы Гөлинә Каримуллина, “Рассвет” халыкка социаль хезмәт күрсәтү үзәге директоры Светлана Гибадуллина һәм туганнары килгән иде.

    Биектау районы Кече  Битаман авыдында яшәүче Мәгъсумова Разия Файзрахман кызы 15 июльдә үзенең 95 яшьлек юбилеен билгеләп үтте. Юбилярны котларга Биектау район башкарма комитеты җитәкчесе Дамир Шәйдуллин килде.

   Разия Магсумова элеккеге Дөбъяз районы Шипшиек авылында туып үскән. Тугыз яшеннән эшкә керешкән. Һәм әйтергә кирәк, аның бөтен хезмәт гомере колхозда эшләп үтте.

Тирә-юньгә яктылык таратып торучы, 60 ел бергә иңне-иңгә куеп яшәгән тагын бер матур парны үзләренең гаилә бәйрәме белән Тукай ЗАГС бүлеге тәбрикләде. Барый Габдрахманович һәм Рауза Гаязовна Яруллинар балалары, оныкларының кадер-хөрмәтендә оныкчыкларына куанып, тигез тормышта яшиләр. Ак бабай белән ак әби кебек намаз укып, мәчетләргә йөриләр.