ЯҢАЛЫКЛАР

Изге Вәли көнендә Буа районы ГХАТ бүлегендә бәхетле ике пар Химасов Алмаз белән Султеева Регина,  һәм Мухаметзянов Илнар белән Аббязова Алмира үзләренең никахларын берләштерделәр. Нәкъ шул ук көнне ГХАТ бүлеге урынбасары Эльвира  Радик кызы Шагалиева, елның беренче баласы булып туган Волковлар гаиләсен котлап, администрация исеменнән истәлекле бүләк тапшырды.

14 февраль көнне Зәй районы ГХАТ бүлегендә Гашыйклар көненә багышланган “Помолвка” йоласы үткәрелде. Чарага яшьләр Бывалов Никита һәм Глухова Диана чакырылды. Тиз арада алар “ир” һәм “хатын” статусына ия булачаклар.  Ә бүген ГХАТ бүлеге белгечләре аларны танталы рәвештә “кияү” һәм “кәләш” дип игълан иттеләр.   ГХАТ бүлеге мөдире Гөлфия Валишина яшь парны чын күңелдән котлады. Яшьләр өчен бу дулкынландыргыч вакыйга истәлекле булды, чөнки алар киләчәк тормышларын законлы никах белән бәйлиләр. Яңа гаиләгә киләчәктә бер-берсен саклап, кулга-кул тотынышып, озын һәм бәхетле тормыш юлын үтүләрен теләп калабыз.

        Хәзерге вакытта гаиләдә өченче һәм дүртенче бала туу гадәти вакыйга булып саналмый. Мондый адымга һәр гаилә дә бармый. Бөгелмә районында күп балалы гаиләләр саны арта бара. 14 февраль көнне Бөгелмә районы ГХАТ бүлеге хезмәткәрләре берьюлы ике матур гаиләне шатлыклы вакыйга белән котладылар. Мария Геннадьевна һәм Андрей Александрович Казанцевлар гаиләсендә өченче бала туды, аңа Александр дип исем куштылар. Казанцевларның инде ике өлкән кызлары – Юлия һәм Полина бар. Ә Кристина Юрьевна һәм Таһир Рәис улы Әхмәтҗановлар гаиләсендә дүртенче бала туган – Кәрим исемле малай. Кәримнең әти-әнисенең ике улы – Данил белән Эмиль һәм кызлары Карина бар. Казанцевлар һәм Әхмәтҗановлар гаиләләре чын-чынлап бәхетле, чөнки балалар – зур бәхет һәм өйдә балалар көлүе ешрак яңгыраган саен, тормышыбызның мәгънәсе ныграк сизелә.          

      2019 елның 13 февралендә Яр Чаллы шәһәренең “Энергетик” мәдәният сараенда Ана капиталы дәүләт сертификатын тапшыру тантанасы узды. Бу көнне сертификатларны 61 Чаллы гаиләсе алды.

     Ата-аналарны ГХАТ идарәсе башлыгы Р.Г.Зарипова һәм ПФ идарәсе җитәкчесенең урынбасары Т.И.Мулькаманова  котладылар һәм гаилә бәхете теләделәр.

     Буген безнең коллега баш белгеч Сабирова С.Р.  Яр Чаллы шәһәренең 98- нчы балалар бакчасында “Гаилә демографик хәле турында” доклад белән чыгыш ясады.

      Очрашу кызыклы  һәм тату үтте. Балалар бакчасы хезмәткәрләре үзләренең сорауларын биреп, зур ихтибар белән тыңладылар.

Мендельсон маршы астында алтын һәм бриллиант туйларын билгеләп үткән юбилярлар, Мактау китабына язылышып, үзләренең союзларын расладылар.

Юбилярлар арасында хезмәт ветераннары, укытучылар һәм табиблар, төрле предприятие хезмәткәрләре. Һәр пар үзләренең гаилә союзын саклап кала һәм туган шәһәребезне үстерүгә зур өлеш кертә алды.

Юбилярлар фикеренчә, бәхетле гаилә тормышының сере – мәхәббәт, үзара хөрмәт, уртак мәнфәгатьләр булуы.

Һәр гаилә пары адресына җылы теләкләр яңгырады, юбилярларга Казан шәһәре Мэры исеменнән котлау хаты тапшырылды.

2019 елның 13 февралендә, Гашыйклар Көне алдыннан, Түбән Кама муниципаль районы ГХАТ идарәсе белгечләре Түбән Кама химия-технология институты студентлары өчен үзенчәлекле консультация, «булачак парлар мәктәбе» мастер-классы үткәрделәр.

Түбән Кама районы ГХАТ идарәсе белгечләренең Түбән Кама химия-технология институты студентлары белән очрашуы, гашыйклар көне алдыннан узды.

14 февраль көнне, яраткан һәм кадерле кешеләргә бүләкләр, чәчәкләр, шигырьләр һәм мәхәббәт сүзләре язылган махсус открыткалар бирә торган көнне, Татарстан Республикасы Дәүләт Советының «Мәрхәмәт-Милосердие» хатын-кызлар берләшмәсе «Татарстан» ДТРК, Татарстан Республикасы Министрлар Кабинетының ГХАТ Идарәсе, «Ныклы гаилә» федераль партия проектының иҗтимагый советы белән берлектә «Мәхәббәт юлы буенча» яңа проектына старт бирә.

"Таттелеком" ГАҖ үткәрә торган ремонт эшләре белән бәйле рәвештә Татарстан Республикасы Министрлар Кабинеты ГХАТ Идарәсенең стационар телефоннары вакытлыча эшләми.