Яр Чаллыда яз һәм хезмәт бәйрәме бик күңелле һәм оешкан төстә үтте. Бәйрәм тантанасында 25 меңгә якын кеше катнашты. Алар арасында ГХАТ идарәсе МКУ белгечеләре, шәһәр хуҗалыгының барлык тармаклары вәкилләре: камаз эшчеләре, төзүчеләр, торак-коммуналь хуҗалыгы хезмәткәрләре, мәдәният, белем бирү, физкультура һәм спорт идарәсе белгечләре, милли җәмгыятләр вәкилләре, студентлар, яшьләр оешмалары һәм ветераннар катнашты. ГХАТ идарәсе йөреше ныклы гаиләне популярлаштыру һәм туучылар санын арттыру йөзеннән коляска белән бергә барды!

Апрель аенда Баулы ГХАТ бүлегендә 21 сабый теркәлде: 12-малай һәм 9 кыз. Шуларның 5 гаиләдә беренче бала, 7 – икенче, 7 - өченче, 2-дүртенче бала булып туган. Бәхетле әти-әниләр балаларына Әмир, Данияр, Игнатий, Иван, Илсур, Кәмил, Кәрим, Кирилл, Раян, Хәсән, Шамиль, Анна, Василиса, Виктория, Дарья, Диана, Дарина, Карина, Нәргизә, Юлия дигән матур исемләр бирделәр.

2019 елның апрель аенда Тубəн Кама муниципаль районы ГХАТ идəрəсендə 241 туу турында акт теркəлде, алар арасында 115 – малай, ə 126 кыз бала.

 Нәкъ 50 ел элек 1969 елның 26 апрелендә бу җылы кояшлы көндә Наемых гаиләсе туа!

Яр Чаллыга башка күп кенә гаилә парлары кебек үк, «КамАЗ»автогиганты төзелешенә килгән. Владимир Петрович шәһәребезнең күп кенә предприятиеләрендә бригадир булып эшли, соңрак хезмәт эшчәнлеген автосервиста мастер булып дәвам итә. Хәзер уллары Роман белән үз автосервис бар. Хезмәтләре өчен ул Дәүләт бүләге – «Хезмәт батырлыгы өчен»медале белән бүләкләнде!

Инде берничә көннән Бөек Җиңү бәйрәме җитә - 74 ел элек кешелек тарихында иң куркыныч сугыш тәмамлана. Җиңү көне - безне берләштерә торган бәйрәм. Безнең бабаларыбыз Җиңү өчен миллионнарча тормыш һәм язмышлар белән исәпләнә торган югары бәя түләгәннәр, һәм без бу хакта һәрвакыт истә тотарга, сугышта катнашкан һәм тылда хезмәт куйган кешеләрне хөрмәт итәргә тиеш.

 Беренче Май бәйрәме алдыннан нәкъ 50 ел элек Шәфигуллиннар гаиләсе барлыкка килде. Бүген Рафаэль Шакир улы һәм Валентина Васильевна күркәм юбилейларын – "алтын туйларын" билгеләп үтәләр.

Бала туу – һәрбер гаилә өчен бәхет! 2019 елның апрель аенда Әлмәт шәһәрендә 211 бала дөньяга килде. Алар арасында 112 малай, 99 кыз һәм 2 пар игезәк балалар. Баланың минималь авырлыгы 945 гр. тәшкил иткән, ә максималь - 4560 гр. Иң яшь әни - 21 яшьлек, иң өлкәне - 47 яшьтә, иң яшь әти - 22 яшьлек, ә иң өлкәненә - 52 яшь. Бу айның популяр бала исемнәре - Амелия, Артем, Ильдан, Карим, Кира. Сирәк исемнәр арасында Асель, Монина, Рахман, Баахтияр исемнәре булды.

Яз килү белән бар тирә-юнь уяна, беренче кояшлы көннәр белән куана. Бакчалар чәчәккә күмелә, җылы язгы җил чәчләрне иркәли, һава яңа үсеп чыккан үлән-чәчкә исе белән тула. Туй кебек тантаналы көн өчен ничек инде шундый вакытны сайламыйсың ди?!

 2019 елның апрель аеның нәтиҗәләре буенча Балык Бистәсе районынында 6 гаилә барлыкка килде. Тантаналы рәсмилләштеру район мәдәният клуб бинасында уза. Иң яшь кияугә - 21 яшь, ин яшь киленгә – 18 яшь. Ин олы яшьтәге кияу -57 яшь, ин олы кәләш – 54 яшь. Язылышучылар арсында 4 ир-кеше кабат ойләнгән, хатын-кызлар арасында берсе кабат кияугә чыккан. Барлык яшь гаиләләргә чиксез бәхет, матур гаилә тормышы телибез!

 2019 елның 28 апрелендә "КАМАЗ" мәдәният йорты сәхнәсендә «Татарстан Республикасының Бриллиант кәләше 2018" Республика конкурсының финалы узды. Яр Чаллыда ул 13нче тапкыр үткәрелә. Бу вакыт эчендә анда дистәләгән кәләшләр катнашты. Бу конкурста тышкы кыяфәте мөһим түгел, җиңүче кыз була, жюри фикеренчә, ул бриллиант туйларына кадәр бәхетле яши алачак. Быел конкурста тугыз катнашучы катнашты, аларның өчесе «бриллиант хатыны» исеменә дәгъва итте - алар инде берничә ел бергә, ә дүртесе «Бриллиант кәләше» исеме өчен көрәште, алар кияүгә бер ел элек чыкты.