Татарстан Республикасы Ведомстволары Татарстан Республикасы Министрлар Кабинетының гражданлык хәле актларын теркәү идарәсе

ЯҢАЛЫКЛАР

март, 2014 ел

шимбә

Мамадыш ГХАТ бүлеге ветераны Халидә Сафина 93 нче язын каршы алды

2014 нче елның 15 мартында Мамадыш районы ГХАТ бүлеге втераны Халидә Сафина 93 нче яшен каршы алды. ГХАТ бүлеге хезмәткәрләре дә читтә калмады, Халидә апаны чын күңелдән тәбрикләп кайттылар.

Халидә апа әле дә шундый ук мөлаем, ачык, киң күңелле әңгәмәдәш. Үзенең эшен бик яратып сагынып искә ала. Өч малаена яраткан әни, оныкларына һәм оныкчыкларына алыштыргысыз әби.

Халидә апа күрсәтелгән игътибар, чәчәкләр һәм ккүчтәнәчләр өчен зур рәхмәтләрен җиткерде. Уңышлар һәм сабырлык теләп калды.

Мамадыш районы ГХАТ бүлегендә “Яшь гаилә” клубының чираттагы җыены узды

Мамадыш районы ГХАТ бүлеге каршында эшләп килүче “Яшь гаилә” кубының 2014 нче елның 15 нче мартында чираттагы җыелышы узды. Тиздән гаилә корырга ниятләүче 3 пар ГХАТ бүлеге җитәкчесе белән әңгәмә кордылар, кызыксындырган барлык сорауларга җавап эзләделәр.

Фәния Әхмәтшина килгән яшьләрне райондагы демографик күрсәткечләр, Россия Дәүләте гаилә кодексы белән таныштырды. Гаилә коруның бик җаваплы адым булуын ассызыклады. Һәр пар белән аерым рәвештә язылышу тантанасы сойләшенде.

Егетләр һәм кызлар шулай ук ГХАТ бүлегендә яшьләрнең һәм кунакларның үзләрен тоту кагыйдәләре белән таныштылар, бәхетле гаилә серләренә төшенделәр.

Бирелгән киңәш-табышлар яшьләргә киләчәктә файдалы булыр дип ышанып каласы килә.

15 март көнне Теләче муниципаль райнының Теләче мәдәният йортында “гаилә-ныклы республика фестваленең” зона туры үтте

15 март көнне Теләче муниципаль райнының Теләче мәдәният йортында “Ныклы гаилә-ныклы республика” фестваленең зона туры үтте. Әлеге конкурста яшьләре 23 тән алып 35 аралыгындагы һәм балаларының яше 4 тән алып 10гача булган яшь гаиләләр катнашты. Бирегә якын-тирәдәге 4 район-Теләче,Арча,Саба һәм Питрәч районнары чакырулы иде.

Әлеге конкурс алга таба да үткәрелер дип өметләнәбез.

март, 2014 ел

җомга

Актаныш муниципаль районынының ЗАГС залында тантаналы төстә паспорт тапшыру

Актаныш муниципаль районынының ЗАГС залында 14 яше тулган кызларга паспорт тапшыру тантанасы узды. Яңа паспорт ияләрен әти-әниләре, туганнары котлады. Район Советының аппараты җитәкчесе Н.М.Салихов кызларга истәлек буләкләре хәм паспорт тапшырды.

Яшел Узән муниципаль районы башкарма комитеты ГХАТ бүлегендә ана капиталын тапшыру тантанасы

2014 елның 14 нче мартында, Яшел Узән муниципаль районы башкарма комитеты ГХАТ бүлегендә, ана капиталы сертификатын тантаналы рәвештә тапшыру чарасы узды. Икенче балалары туган, 5 бәхетле гаилә чакырылган иде. Яшел Узән районы һәм шәһәре пенсия фонды идарәсенең җитәкчесе О.Г.Корсакова әти-әниләрне шатлыклы вакыйга белән котлады һәм чәчәк бәйләме белән ана капиталы сертификатын тапшырды, аны дөрес куллану тәртибен аңлатты. ГХАТ бүлеге хезмәткәрләре әти - әниләрне яз бәйрәме белән котлады һәм 5 нче гимназия укучысылары - “Дуслык” ансамбле - матур жыр буләк итте. Бу кечкенә сабыйлар, илнең лаеклы гражданнары булып уссеннәр иде, дигән теләктә калабыз.

«Гражданлык хәле актларын теркәү: закон нигезләре, хәзерге тенденцияләр һәм көнүзәк проблемалар» программасы буенча Татарстан Республикасы ГХАТ органы хезмәткәрләренең квалификациясен арттыру курсларының ябылуы

14 нче март көнне Казан (Идел буе) федераль университет җирлегендә оештырылган «Гражданлык хәле актларын теркәү: закон нигезләре, хәзерге тенденцияләр һәм көнүзәк проблемалар» программасы буенча Татарстан Республикасы ГХАТ органы хезмәткәрләренең квалификациясен арттыру курсларының ябылуы үтте.

Программма дәресләре 72 сәгатькә исәпләнгән, федераль һәм республика законнарындагы соңгы үзгәрешләрне күздә тота, һәм гражданнар, граждан-процессуаль, гаилә законнары буенча белемнәрне яңартуга һәм системалаштыруга, идарә итү психологиясе сорауларын, рәсми язышу алып бару кагыйдәләрен өйрәнүгә юнәлгән иде.

Түбән Кама муниципаль районы ГХАТ идарәсендә Александр Савельев белән Марина Кирдяшова катнашында ярәшү йоласы булып узды

Ярәшү - иң борынгы гореф-гадәтләрнең берсе. 2014 елнын 14 март көнендә Түбән Кама муниципаль районы ГХАТ идарәсендә Александр Савельев белән Марина Кирдяшова катнашында ярәшү йоласы булып узды.

Яшь парлар әти-әниләре һәм кунаклар алдында танталы рәвештә кияү белән кәләш дип игьлан ителделәр. Әлеге йоланың дулкынландыргыч мизгелләре - Александрның Маринага чәчәк бәйләме бүләк итүе һәм мәхәббәтен аңлатуы булды.

Кукмара муниципаль районы Башкарма комитеты ГХАТ бүлегендә Любовь һәм Николай Афанасьевлар гаиләсенең “Алтын туй” тантанасы билгеләп үтелде

Кукмара муниципаль районы Башкарма комитеты ГХАТ бүлегендә Любовь Гаврил кызы һәм Николай Павел улы Афанасьевлар гаиләсенен “Алтын туй” тантанасы билгеләп үтелде. Алар Кукмара районының Село-Чура авылында яшиләр. Өч бала үстергәннәр – ике ул һәм кыз, 7 онык тәрбияләүдә өлеш кертәләр.

Алтын юбилей ияләре бу тантаналы чарада Кукмара районының мактау китабына кул куйдылар, ГХАТ бүлеге җитәкчесе Латыйпова Зөлфия Таһир кызы “алтын” таныклык, чәчәк һәм истәлекле бүләкләр тапшырды.

2014 елның 14 мартында Татарстан Республикасы Алабуга муниципаль районының башкарма комитетында АИС МФЦ программасы буенча хезмәткәрләрнең укуы булды

МФЦда дәүләт һәм муниципаль ярдәм күрсәтүче шәһәр һәм район хезмәткәрләре катнашты. Алар арасында ЗАГС бүлеге хезмәткәре дә бар иде.

март, 2014 ел

пәнҗешәмбе

13 март көнне Питрәч районны ГХАТ булегендә 10 сыйныф укучылары өчен очрашу уздырылды. Укучыларга “Гаилә кодексы” , гаилә кору турында бүлек мөдире Набиуллина Э.Б. сөйләде

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ