ЯҢАЛЫКЛАР
Бөек Җиңүнең 69 еллыгы уңаеннан Түбән Кама муниципаль районы Афанас авыл җирлегендә Бөек Ватан сугышы ветераны Михаил Николаевич Зайцевны Афанас авыл җирлеге Башлыгы Николай Бурмистров котлады. Михаил Николаевич быел үзенең 88 яшен тутыруына карамастан, бик актив иҗтимагый тормыш алып бара. Ул Афанас авылының ветераннар советының әгъзасы, авыл җирлеге советы үзидарәсе белән тыгыз элемтәдә торучы, үзенең туган төбәге өчен җан атып яшәүче кеше. Николай Бурмистров аңа авыл җирлеге Башкарма комитеты исеменнән үзенең котлауларын җиткереп, мактау хаты һәм истәлекле бүләк тапшырды.
Иван Прохорович машина йөртүче, Тәнзилә Рәфкатовна мәдәният йорты хезмәткәре. 4 бала тәрбияләп үстерәләр. Бу гаилә бик тату, бар нәрсәләре җитеш. Алга таба да уңышлар аларга.
Мөслим районы Атлас авылында яшәүче фронтовиклар Файзуллиннар Шайдулла абый һәм Әлфия апа инде күп еллар ике бәйрәмне бергә каршылыйлар. Бөек Җиңү бәйрәме белән беррәттән, 13 майда, алар үзләренең туй көннәрен билгеләп үтәләр. Кулга кул тотышып, бөтен сугыш авырлыкларын күреп, инде менә 63 ел бергә атлаучы бу пар 4 ул һәм бер кыз тәрбияләп үстергәннәр, хәзер оныклар һәм оныкчыкларга куаналар. Алар икесе дә Мөслим районының Ташлыяр авылыннан. Шәйдулла абый фронтка 17 яшендә үк чакырыла, 8 ел Петропаловск-Камчатскта хезмәт итә. Аның тормыш иптәше Әлфия апа исә сугыш вакытында 4 ел Казанда хәрби заводта хезмәт куя. Ветераннарны котларга күпсанлы балалары, оныклары, авылдашлары һәм туганнары килгән. Тойгелде авыл җирлеге башлыгы Минһаҗев Д.Р. һәм район башкарма комитетыннан вәкил Зырина М.Х. шулай ук ветераннарны котладылар, аларга озын-озак гомер теләделәр һәм бүләкләр тапшырдылар.
Апас районы Чурибураш авылында гомер кичерүче Гыйзелбәнәт әби Галиева олуг юбилее уңаеннан, олы рәхмәт хисләре белән Россия Федерациясе Президентының Котлау открыткасын, район башлыгы һәм авыл җирлеге башлыгы бүләкләрен кабул итеп алды. Тиздән аның тормыш иптәше Сәет бабайга да 90 яшь, ә бергә гомер итүләренә 65 ел булачак. “Ходай шул көннәрне дә күрергә насыйп итсен, яшисе иде әле”, – ди Гыйзелбәнәт әби.
Бөек Җиңүнең 69 еллыгын район үзәгендә 9 Май иртәсендә бәйрәм иттек. Бәйрәм хәрби техника парады белән башланып китте. Биектау урамнарыннан, тантаналы төстә, утызлап сугыш еллары машиналары узды. Монда фронтовик-җиңүчеләрне өйләренә алып кайтучы вагонтаккан паровоз да, танк, “катюша”, җиңел машиналар рәвешендә ясалган техникалар, хәтта кораллы хәрби катер да бар иде.
Техника парадыннан соң Геройлар аллеясында бәйрәм митингы булды. Анда район башлыгы Рөстәм Кәлимуллин, Татарстан президенты вәкиле Сәрия Сабурская, район ветераннар советы Сабурская, район ветераннар советы рәисе Билал Шиһабетдинов, районның хәрби комиссары Александр Найденов чыгыш ясадылар. Мәктәп укучылары ветераннарга чәчәкләр тапшырдылар.
Геройлар аллеясында быел тагын бер бюст артты. Тантаналы рәвештә, Социалистик Хезмәт Герое, якташыбыз Кәримулла Хәким улы Ибәтуллин һәйкәле ачылды. Һәлак булган биектаулылар һәйкәленә венок һәм чәчәкләр салдылар. Постта “Бердәм Россия”нең “Яшь гвардия”се әгъзалары, Биектау мәктәпләре укучылары торды.
Митинг тәмамлангач, ветераннар Район хакимияте каршында фотога төштеләр. Район башлыгы – “Бердәм Россия” партиясенең җирле бүлекчәсе секретаре Рөстәм Кәлимуллин сугыш ветераннары һәм тыл хезмәтчәннәрен бәйрәм белән котлады
Фестиваль кысаларында бик күп чаралар оештырылды, аларның барысы турында да язып бетерү мөмкин түгел. Өстәвенә, фестиваль шәһәрнең төрле урыннарында үткәрелде, шуның өчен һәркайсына барып өлгереп тә булмады. Күргән, ишеткән кадәресе дә бәйрәмнең югары дәрәҗәдә оештырылуына дәлил булып тора. Фестиваль казаклар хәрәкәтенә багышланганга күрә, безгә Самара, Ульяновск өлкәләреннән, Татарстанның күп кенә районнары һәм шәһәрләреннән вәкилләр килгән иде. Фестивальдә Дон казакларының күренүе дә күп нәрсә турында сөйли. Концертлар, Борынгы Болгар шәһәренә һәм төзелеп килүче казаклар бистәсенә экскурсияләр, “Сармат” яшүсмерләр клубы шәкертләренең кул сугышы буенча күрсәтмә чыгышлары, гыйбадәт кылулар, казаклар җыеннары һәм туйганчы аралашу – болар барысы да онытылмас тәэсирләр калдырды.
Шуларның берсе – борынгы тарихы булган Александровск паркы.
Инде икенче ел парк территориясендә “Татарстанның чиста урманнары” акциясе уздырыла. Бу акциядә башкарма комитет хезмәткәрләре актив катнаша.
Быел күпсанлы котлаулар һәм башка төрле чаралардан тыш, яңалыклар белән узды бәйрәм. Тылда хезмәт итүчеләргә багышланган стелла ачылды. “Мәңгелек полк” дип аталган акция исеме астында яшьләр бабаларының портретларын тотып, зур бер полк булып шәһәр урамнары, мәйданнары буйлап уздылар. Бу күңелдә бик зур хисләр калдырды.