ЯҢАЛЫКЛАР

19 сентябрь көнне Әлки муниципаль районы ГХТ бүлегендә тантаналы рәвештә яшь үсмерләргә паспортлар тапшырылды. Бу документларны кызларга һәм малайларга Әлки районы полиция бүлек җитәкчесе подполковник С.П.Ерыганов матур һәм мәгънәле сүзләрен әйтеп тапшырды. Р.Р.Сафина гаилә кодексы турында сөйләде һәм китаплар бүләк итте.Н.В.Фадеева—паспорт булеге җитәкчесе бу документның бик мөхим икәнен аңлатты.

Шушы көннәрдә  Спас районы Кузнечиха авылында яшәүче Анна Фадеевага                 90 яшь тулды.

Тормышындагы әлеге истәлекле вакыйга белән аны район башлыгы Камил Нугаев, ветераннар оешмасы рәисе Михаил Тюленев, социаль хезмәт вәкилләре һәм авыл җирлеге башлыгы Радик Ибраһимов кайнар котладылар.  Тормышның  әйтеп бетергесез авырлыкларын үз җилкәсендә күтәреп тә, сынауларга бирешмәгән Анна Андреевна исеменә җылы сүзләр бик күп әйтелде. Тыл хезмәтчәне, Бөек Ватан сугышында катнашучының тол хатыны михнәтле балачак, яшүсмер еллары, коточкыч сугыш чоры турында сөйләде.

19 сентябрь  көнне Питрәч районны Пенсия фондында ана капиталына сертификатлар һәм туу турында таныклыклар тапшырылды. 5 әнигә сертификатларны һәм таныклыклар башкарма комитетнын башлыгы А.М.Валиуллин һәм Управления башлыгы И.А.Ахметзянов тапшырдылар. 

Аяз, матур, кояшлы көн тырды. Бәйрәмне егерүчеләр башлап җибәрделәр. Беренче булып җитәкчеләргә старт бирелде, икенче булып специалистлар егерде. Әгерҗе шәһәренең ГХАТ бүлеге специалисты Габдрахманова Айгөл Айдар кызы 4 урын алды. Соңнан бик кызыклы, күңелле футбол оештырылды. Спорт бәйрәме азагында катнашучыларны кайнар чәй белән кыймаклар котте. 

Районыбызда июль аеннан бирле яшь гаиләләр арасында “Иң яхшы хуҗалык”  дип исемләгән конкурс барды. Әлеге бәйгедә  терле авыллардан 20 артык гаилә катнашты.

Бәйгедә җиңүче Гатауллиннар гаиләсе – бар яктан да уңганнар. Йорт җирләре чәчәккә күмелгән, бакчаларында нәрсә генә үстермиләр алар! Өстәвенә үгезләр, тавыклар, үрдәкләр, куяннар да асрыйлар. Тырыш, хезмәт сөючән гаилә ике бала да үстерә!

     “Гаилә учагы” номинациясендә  Иштирәк авылыннан  күп балалы  Мостафиннар  гаиләсе  җиңүче  булды. Аларны  ЗАГС бүлеге аерым котлады.

     Шеланга авылында икенче гасыр гомер итүче искиткеч мәрхәмәтле,уңган Иван Алексей улына  105 яшь тулды.

Иван Алексей улы Филенев 1909 елда Шеланга авылында  балта остасы Алексей Филенев гаиләсендә дөньяга килә.1929 елда  әтисе белән агачтан бура бурап өй салып керәләр,хәзерге көндә дә Иван Алексей улы шушы өйдә яшәп ята. Фоторәсем өчен рамкалар,шүрлек, кием җиһазы шкафы,комод өйдәге барча җиһаз яхшы сыйфатлы итеп хуҗаның үз кулы белән ясалган.Иван Алексей улы Бөек Ватан сугышында катнашкан һәм аның хезмәт стажы  ярты гасырдан артык. Күптән түгел генә әле  өйдәге барча эшне үзе башкарган:кыяр белән помидорны тозлаган,маринадлаган, җиләк-җимештән кайнатма кайнаткан, алма кагы ясаган. Кыскасы кулыннан килмәгән эше юк. Райондагы яңалыклар берән кызыксына,гәҗит-журналларны күзлексез укый. Бөек Ватан сугышында кайсы җирләрдә сугышканын,үзенең командирларының исемнәрен,фамилияләрен бик әйбәт хәтерли.

Сугыш һәм  хезмәт ветераны Иван Алексей улын туган көне белән котларга район һәм авыл җирлеге җитәкчеләре килделәр,аңа саулык,бәхет, күңел күтәренкелеге теләделәр, истәлеккә бүләк тапшырдылар.

Баулы шәһәрендә яшәүче Гарифуллина Магфирә Шияп кызына 100 яшь тулды. Хезмәт ветераны  күп еллар авыл хуҗалыгында эшләп лаеклы ялга киткән, хезмәт уңышлары өчен медальләр белән бүләкләнгән.

Бу зур юбилейны Магфирә әби 9 баласы, 20 оныгы, 27 оныкчыгы һәм 7 оныгының оныгы белән каршылады.

Баулы район Башлыгы Альберт Хабибуллин юбилярны җылы котлап Россия   Президенты  В.В.Путинның котлау открыткасын һәм бүләк тапшырды.

Мөслим районы “Мизгел” яшьләр үзегендә 18 нче сентябрь көнне Бөек Ватан сугышы ветераны, Дан ордены кавалеры Мансур Зиннур улы Зиннуровның 90 яшьлек юбилее уңаеннан тантаналы бәйрәм чарасы узды.

Район Башлыгы Рамил Муллин Мансур аганы 90 яшьлек юбилее белән котлап ныклы сәламәтлек, күңел көрлеге теләде һәм юбилярга Россия Федерациясе Президенты В.В. Путинның котлау хатын, район Башлыгының рәхмәт хатын һәм истәлекле бүләкләрен тапшырды. Район ветераннар Советы рәисе Илгиз Низамов юбилярга Татарстан Республикасы ветераннар Советының Мактау грамотасын тапшырды.

Барлык килгән кунаклар, укучылары, якыннары һәм дуслары Мансур аганы 90 яшьлек юбилее белән котлап, үзләренең җылы теләкләрен һәм рәхмәт сүзләрен җиткерделәр.

Зәй муниципаль районында ГХАТ бүлеге, Пенсия идарәсе фонды  белгечләре  2014 нче елның 18 сентябрь көнне ГХАТ теркәү бүлегенең тантаналар залында 6 гаиләгә Ана капиталы сертификаты тапшырдылар. Тантанага килгән бәхетле ханымнарны сабыйлары туу белән  белән котлап, балаларын  чын Рәсәй гражданнары итеп тәрбияләүне теләделәр.

Котлыйбыз сезне –бәбиегез туды!

Бирсен сезгә бары куаныч!

Игелеге өчен тотып сөяр җимеш,

Авыр чакта булсын юаныч.

      2014 нче елның 18 нче сентябрендә Татарстан Республикасы Министрлар Кабинеты ГХАТ идарәсе каршындагы Иҗтимагый советның чираттагы утырышы узды.

      Утырышта көн тәртибенә түбәндәге сораулар куелды:

1.    Татарстан Республикасы Министрлар Кабинеты ГХАТ идарәсенең гражданнарны кабул итү буенча эшчәнлеген дистанцион мөмкинлекләр ярдәмендә камилләштерү;

2.    Республика ГХАТ органнарың гаилә кыйммәтләрен пропагандалау, гаилә һәм никах институтлары ролен ныгытуга юнәлдерелгән чараларда катнашуларына анализ ясау.