ЯҢАЛЫКЛАР
Ялгыз гомер кичерсә дә, авылдашлары, күршеләре аны ярдәменнән ташламый.
Сәйдә әбигә истәлекле бүләк белән чәчәк бәйләмен, Россия Федерациясе Президенты Владимир Путинның тәбрикләү хатын район социаль яклау идарәсе җитәкчесе Фәридә Галимова, Иске Җөри авыл җирлеге башлыгы Раил Мараков тапшырды. Гражданлык хәле актларын теркәү бүлеге җитәкчесе Сәйдә апага саулык-сәламәтлек, тыныч гомер теләп юбилее белән тәбрикләде.
Түбән Кама муниципаль районы ГХАТ идарәсендә Александр Валерьевич һәм Анна Александровна Охотниковлар фарфор туйларын уздырды.
Бүген 4 сентябрь көнне Чүпрәле районы Башкарма комитеты җитәкчесе урынбасары Айрат Җәләлов, шулай ук ЗАГС бүлеге җитәкчесе Альбина Шәрәфетдинова һәм авыл җирлеге башлыгы Валерий Михайлов Раиса Васильевнаны 80 яшьлек юбилее һәм ире белән бергэ яшәүнең 55 яшьлек юбилее белән котладылар. Кунаклар юбилярга район җитәкчелеге исеменнән котлау адресын, чәчәкләр һәм бүләкләр тапшырды.
Үзенең 90 яшьлек юбилеен көчле рухлы хезмәт ветераны Имаметдин Газиев билгеләп үтте.
Имаметдин Мухаметдин улы Башкортостан Республикасы Туймазы районы Карат авылында туып үсә. Аңа Бөек Ватан сугышының бөтен авырлыкларын үз җилкәсендә тоярга туры килә. Армиядән кайткач Баулыда нефтче булып эшли башлый. Шушы елларда ул бөтен гомеренең мәхәббәте Гөлҗәннәтне очрата. Алар бергә бәхетле 55 ел гомер итәләр, кыз һәм ул тәрбияләп үстерәләр. Кызганычка каршы инде сигез ел ветеран тол яши.
2018 елның 3 сентябрь көнендә Түбән Кама муниципаль районы ГХАТ идарәсендә “ Гаилә тәрбиясе әлифбасы” проектының беренче дәресе узды.
2018 елның 3 сентябрь көнендә Түбән Кама муниципаль районы ГХАТ идарәсендә яңа уку елында “ Гаилә белемнәре” электив курсының беренче дәресе узды.
Нурлат районы башлыгы урынбасары Флюра Ногманова Нурлат картлар һәм инвалидлар йортында яшәүче Мария Ивановна Творогованы 90 яшьлеге белән котлады.
Мария Ивановна – тыл хезмәтчәне, Бөек Ватан сугышында катнашучы толы, Сугыш елларында колхозда эшләгән. Сугыштан соң Чиләбе өлкәсенә киткән. Киров исемендәге заводта эшләгән, станокларда машина-трактор детальләре ясаганнар. Аның гомуми хезмәт стажы – 41 ел. Тормыш иптәше белән 57 ел гомер кичергәннәр.
2018 елның 02 сентябрь көне Кама Тамагы районы башкарма комитеты җитәкчесе урынбасары Газинур Габидуллин Тәмте авыл җирлеге башлыгы Игорь Зиновьев белән Тәмте авылында яшәүче Софонов Александр Николай улын 90 яшьлек юбилее белән котладылар. Россия Президенты Владимир Путин исеменнән котлау открыткасы һәм Башкарма комитеты җитәкчесеннән истәлекле бүләк тапшырдылар.
Сарман авылында яшәүче Әлфис һәм Гөлүсә Рәҗәповлар алтын туйларын билгеләп үттеләр, ә 2 сентябрьдә гаилә башлыгы Әлфис абыйга 80 яшь тулды.
Аларны истәлекле бәйрәмнәре белән район башкарма комитеты җитәкчесе урынбасары Индира Сәхипова тәбрикләде, район башлыгының рәхмәт хатын һәм кыйммәтле бүләк тапшырды.
Август аенда Баулы ГХАТ бүлегендә 25 сабый теркәлде:16-малай һәм 9 кыз. Шуларның 8 се гаиләдә беренче бала, 9 – икенче, 7 - өченче, 1-дүртенче бала булып туган.
Әти-әниләр балаларына Алан, Имиль, Әмир, Илья, Милан, Кирилл, Дмитрий, Эмиль, Рамзан, Михаил, Азамат, Данир, Родион, Артём, Юсиф, Аскар, Эсмира, Амелина, Ләйлә, Ралина, Сәида, Амелия, Алиса, Августина, Елизавета дигән матур исемнәр бирделәр.