ЯҢАЛЫКЛАР
Гаилә, мәхәббәт һәм тугырылык көнендә Ютазы районы ГХАТ бүлегенең тантаналар залында олы бәйрәм - конкурс үткәрелде. Тантанага 4 пар чакырылды, алар - 25 ел, 20 ел, 15 ел һәм 1ел яшәгән бәхетле семьялар. Конкурста катнашучыларга көч бирергә аларның туганнары дуслары килде һәм җырлы-биюле конкурсларда барсы да бик теләп катнаштылар. Бәйрәм азагында барсына да бүләкләр тапшырылды.
Форум 2 июльдә “Корстон” үзәгендә оештырылды. Бу зур җыелышта Татарстан Республикасы президенты Р.Н.Миннеханов, Россия Дәүләт Думасының Бердәм Россия фракциясе җитәкчесе В.Васильев катнашты. Форумны ачып җибәргән Татарстан Дәүләт җитәкчесе Ф.Х.Мөхәммәтшин алга куйган бурычлар, киләчәк сайлаулар турында сөйләде. Форумда Алабуга районыннан 46 делегат катнашты. Делегатлар составында партия члены, ЗАГС бүлеге җитәкчесе Л.М.Григорьева да бар иде.
Алар: 60 ел бергә гомер иткән Петр Ксенофонтович һәм Александра Григорьевна Куприяновлар, Николай Демьянович һәм Валентина Михайловна Петровлар, 50 еллык юбилейларына килгән Евгений Борисович һәм Анна Тимофеевна Бельскийлар, Наиль Исмагилович һәм Фирая Калимулловна Вәлитовлар, Фигус Габдрахманович һәм Лена Рәхимовна Файзуллиннар, Фәрид Әхмәдуллович һәм Миләүшә Хикматовна Ибатуллиннар иде.
Бу юбилярлар гаҗәп дәрәҗәдә кызыклы хезмәт юлын үткәннәр, хөрмәткә лаеклы булып, шундый ук балалар үстергәннәр, оныкларын тәрбияләүдә булышалар. Аларны котларга балалары, оныклары, дуслары һәм туганнары килгән иде. Бәйрәм жылы, дусларча атмосферада үтте. Бу парларга Казан шәһәре Мэрының котлау адресы, акчалата бүләк һәм чәчәкләр тапшырылды.
8 июль көнне Ютазы районында Иске Урыссу авылында яшәүче Аминовлар семьясына “Мәхәббәт һәм тугырылык” медале тапшырылды. Накия Заляевна һәм Җәүдәт Идиятович кулга кул тотынышып 55 ел мәхәббәтләрен саклап бәхетле гомер юлыннан атлыйлар. Аларны котларга бәйрәмгә балалары һәм оныклары да килде.
Түбән Кама муниципаль районы ГХАТ идарәсендә Бөтенрәсәй Гаилә, мәхәббәт һәм тугрылык көнендә “Мәхәббәт һәм тугрылык өчен” медальләренең тапшыру тантанасы булып узды. Быел Түбән Кама муниципаль районында әлеге медальгә дүрт гаилә тәкъдим ителгән иде. Шушы араларда гына зөбәрҗәт туйларын билгеләп үтүче Миргасыйм абый белән Гөлсинә апа Мусиннар әлеге уңайдан оештырылган бәйрәмгә өч уллары, киленнәре, биш оныклары белән килгән иде. Миргасыйм абый да, Гөлсинә апа да егерме биш ел буе Түбән Кама Нефтехим акционерлык җәмгыятенең төрле подразделениеләрендә хезмәт куйганнар. Әле бүген дә инде күптән лаеклы ялда булуларына карамастан, элекке хезмәттәшләре аларга киңәшләшергә килгәли. Медальгә лаек тагын ике гаилә – Гаязовлар һәм Тойминцевлар гаиләләре шәһәребездә бик иҗади һәм бердәм гаиләләр буларак билгеле. Рәмилә ханым Гаязова озак еллар буе “Яшьлек” җыр һәм бию ансамбленда җырлады, бүген ул “Кайтаваз” ансамбленең солисткасы. Гаязовларның ике уллары Ильнур һәм Динар баянда уйный, шигырьләр яза. Тойминцевлар гаиләсе исә Түбән Камада гына түгел, Татарстанда, хәтта Рәсәйдә дә билгеле. Аларның кызлары Алена - дөньяның вокал буенча гранд-чемпионкасы, джаз-вокал буенча педагог, “Голос” проектында катнашып бөтен илгә танылган җырчы. Медальгә лаек тагын бер гаилә - Глушихиннар гаиләсе - Иске Чишмә авылында яши. Михаил Сергеевич белән Мария Алексеевнага әлеге медаль 12 июль көнне тапшырылачак.
2008 нче елдан башлап Түбән кама муниципаль районында барлыгы 12 комплект “Мәхәббәт һәм тугрылык өчен” медале тапшырылды.
Әгерҗе шәһәрендә 2014 елның 8 июлендә “Лкомотив” стадионында “Коляскалар парады” узды. Ул гаилә коненә багышланды. Парадта 52 коляска катнашты. Аналар һәм балалар уз куллары куллары белән ясалган эшләрен халыкка һәм жюрига курсәттеләр. Нәрсә генә ясамаганннар алар. Монда торле-торле машиналар, тарантас булән атлар, дияләр, филләр, самолетлар, чәй остәле, чәчәкле алан, кимә, хәтта “Эшлекле балык” концерва банкасы . Жюрига беренче урын билгеләргә бик авыр булды, шуна курә өч гаиләгә буленде.
“Гаилә, мәхәббәт һәм тугрылык” көне уңаеннан Балтач ЗАГС бүлеге хезмәткәрләре район үзәк шифаханәсендә Рәлиф һәм Сөмбел Гариповлар гаиләсен көтеп алынган сабыйлары тууы белән котладылар. Гаиләдә бала туу - олы бәхет, шатлык ул. Нәни кызлары бу гаиләгә шатлык-сөенеч алып килсен, киләчәктә әти-әнисенә ныклы терәк булып, ил-көннәребез өчен игелекле булып үсүен теләп калабыз!