ЯҢАЛЫКЛАР

2012 елның нәтиҗәләре буенча Түбән Кама муниципаль районы ГХАТ идарәсендә 4110 баланың тууы теркәлгән булса, 2013нче елда әлеге сан 35кә артык. Узган елда Түбән Кама муниципаль районында 4145 сабыйның тууы теркәлгән.

Узган еллар статистикасы мәгълүматларына караганда, шәһәребездә иң күп балалар туган ел 1986 ел булган. Ул елны Түбән Камада 4570 сабый дөньяга аваз салган булган.

Бүгенге көндә Түбән Кама муниципаль районында иң киң таралган исемнәр Артур, Радмир, Артем, Тимур, Амелия, София, Камилә, Әминә. 

2013 елда Актүбә бистәсендә 92 бала дөньяга килде, шулар арасында 49 малай, һәм 43 кыз бала. Элекеге ел белән чагыштырганда бу 9 балага күбрәк.

13 гыйнвар көнне – Искечә Яңа ел бәйрәмендә – 2014 елда районның һәм поселокның  беренче туган сабыен котлап үттек. Илья - ул Калистратовлар гаиләсендә 5 бала булып дөньяга туа.

Поселок башлыгы Галеева Роза Алмас кызы ата-аналарын котлап туу турында таныклык һәм бүләкләр тапшырды.

Әмма алар өчен бу илле ел бер якты мизгел булып үтте. Надежда Константин кызы һәм Петр Николай улы тумышлары белән Печищи авылыннан. Петр күпбалалы гаиләдә сигезенче бала булып үскән, сварщик булып эшләгән. Надежда Печищи авылында укытучы, соңыннан Казанда тимер юлда эшләгән. Алар танышканнан соң  гел бергә булып, ике улларын үстергәннәр, аларга әйбәт белем биргәннәр. Хәзер  оныкларының уңышларына сөенәләр.  Балалары һәм оныклары уйлавы буенча бу гаилә чынаягының гел тулы булуын әти – әниләренең мәхәббәте саклый.

    ЗАГС булеге җитәкчесе Бабушкина В.Б. юбилярларны бу тантаналы көн белән җылы котлады, авыл җирлеге Башлыгы һәм ветераннар оешмасы     рәисе котлауларга кушылдылар. 

2014 елның 10 гыйнварында Баулы муниципаль районы ГХАТ бүлеге хезмәткәрләре елдагыча яңа елда беренче булып туган балаларны һәм аларның әниләрен котлау өчен район үзәк хастәхәнәсендә булып кайттылар. Гаиләләрендә беренче бала туган Хөсәеновлар, Азизовлар, икенче балалары туган Галиәкбәровлар, Гайнетдиновлар, Мортазиннар гаиләләрен ихлас күңелдән котлап  балаларының беренче документларын  – туу турындагы таныклыкалрын тапшырдылар. Яшь әниләр  үз чиратларында медицина хезмәткәрләренә үзләренең рәхмәтләрен  җиткерделәр.

2014 елның беренче көнендә, төш вакытында районның бала тудыру йортында 2 нарасый дөньяга аваз салды.
Олы Бакырчы авылыннан Ландыш Билалова 1 гыйнварда 12 сәгать 10 минутта әни булу шатлыгын татыды. Аның 3 килограмм 530 грамм авырлыктагы улы туды. Ландыш Билалова 15 ел авылда балалар бакчасы мөдире булып эшләгән, соңгы елда Казанда балалар йортында хезмәт иткән. Ул кечкенә улының – Булатының сау-сәламәт тууына чиксез шатлыгын белдерде.
Булаттан аз гына калышып, 13 сәгать 10 минутта нәни Диана якты дөньяны күрү бәхетенә иреште. Апастан Рәзилә Гәрәева 3 килограмм 260 грамм авырлыктагы кызчыгына гомер бүләк итте. Рәзилә теплицада хезмәт иткән.
Район башкарма комитеты җитәкчесе урынбасары Марат Ногманов бәхетле әниләрне бәйрәм белән тәбрик итәр өчен бала тудыру йортына килде. Традиция буенча, ул быел да, иң беренче туган нарасыйларга, район башлыгы исеменнән коляскалар бүләк итте.

Апас районының Кызыл Тау авылында яшәүче Кайнәт һәм Шәүкәт Вафиннар биш бала тәрбияләп үстергәннәр. Бүген алар балалары һәм оныклары шатлыгына төренеп туган авылларында бәхетле гомер кичерәләр.

        --- Яңа ел көннәрендә бездә икеләтә бәйрәм булды, алтын юбилейны билгеләргә барлык балалар, туганнар җыелдылар.. Гомер үткәнен сизми дә калганбыз –гаилә булып яши башлавыбызга  50 ел вакыт үткән бит! Бук олы бәйрәмебезне районда да зурлап искә алдылар. Район башлыгы Р.Н.Заһидуллин безне котлап, Рәхмәт хаты һәм истәлекле бүләкләр тапшырды. Моның өчен без аларга бик рәхмәтле, диләр алтын юбилярлар.

Ак чаллы Хуснуруй Хабибулла кызынын зур һәм тату гаилә -  4 баласы, 8 оныгы, 8 оныкчасы һәм 2  оныкчасы балалары. Юбилярны котларга Васильево житәкчесе урынбасары Павлова Н.Н. һәм ветеран Советы председателе Матеркова Т.А. килделәр.

Быелгы елның 10 гыйнварендә ЗАГС бүлегендә Пенсия фонды белгече белән очрашу уздырылды. Очрашуда хәзерге вакытта халыкны пенсия белән тәэмин итү өлкәсендәге яңалыклар турында фикер алышынды.

   2014 елның 10 гыйнварында  Яр Чаллы шәһәренең Тантаналар сараенда Галямов Әзгать Нәҗит улы һәм Фәвәризова Алия Таһир кызының ярәштерү тантанасы узды.

    Ярышү – яшь парның өйләкү, бер-берең белән кайгыда да, шатлыкта да бергә булу теләкләренең көчлелеген исбатлаучы бәйрәм.

   Борынгы гадәт буенча ярәшү көне итеп Әзгать Алиягә йөзек бүләк итте. Аларның никахлашу тантанасы 2014 елның 14 февраль – Гашыйклар көненә билгеләнде.

     ГХАТ идарәсе исеменнән  яшь парга ярәшү акты һәм истәлекле портрет тапшырылды.