2014 елның 25 январендә Татарстан Республикасы Бөгелмә муниципаль районы башкарма комитеты ГХАТ бүлегендә Григорий Михайлович һәм Валентина Алексеевна Кабановлар үзләренең алтын туйларын (50 еллык уртак тормыш) билгеләп үттеләр

Бу – сокландыргыч һәм сирәк бәйрәм. Гаилә тормышының “алтын” еллыгын каршылар өчен зур мәхәббәт, олы сабырлык, бер-береңне аңлау һәм кайгырту бик мөһим.

Григорий белән Валентина 1962 елда бию кичәсендә танышалар.Ул вакытта Григорий Михайлович ТатНИИда, ә Валентина Алексеевна – РЭТО заводында эшлиләр. Ике ел очрашып йөргәннән соң, гаилә корып, ике баланы үстерәләр. Уллары Владимир һәм Викторның бүгенге көндә үз гаиләләре, алар юбиляр әби-бабайга шатлыкка 4 онык бүләк иткәннәр. Кабановлар йортында  һәрвакыт  кунаклар: зур һәм тату гаилә барлык бәйрәмнәрне дә бергә каршылый.

Юбилярлар Бөгелмә шәһәренең  күренекле юбилярлары китабында куллар куеп, нәкъ 50 ел элек булганча, алтын балдаклар белән алмаштылар.