ЯҢАЛЫКЛАР

2014 елның 4 мартында Мөслим районы “Мизгел” яшьләр үзәгендә авыл җирлекләре башлыклары, сайлау комиссиясе председательләре һәм секретарьләре өчен Мөслим районында гражданнардан үзара салым җыюны оештыру турында референдум үткәрү буенча семинар булып үтте.

Төп сорауны караганнан соң, авыл җирлекләре башлыклары, район прокуроры, өлкән юстиция советнигы Ф.А.Сәлимов, РФ ЭЭМ Мөслим районы буенча бүлеге җитәкчесе Н.А.Бадретдинов, Мөслим районы Суд приставлары бүлеге җитәкчесе А.Р.Галиев, 11нче номерлы районара салым инспекциясе җитәкчесе Ф.Н.Мингалеев, Мөслим районы җир һәм милек Палатасы председателе М.Х.Насиров катнашында түгәрәк өстәл артында сөйләшү узды.

Авыл җирлекләре башлыклары үзләрен кызыксындырган сорауларга дәүләт һәм муниципаль хакимиятнең төрле бүлек вәкилләреннән тулы җавап алдылар.

Татарстан Республикасы Дәүләт Советына сайлауларны югары дәрәҗәдә уздыруны төп максат итеп алып, Алабугада булачак сайлауларга багышланган уку-укыту семинарлары алып барыла. 3 мартта уздырылган чираттагы семинарда ЗАГС бүлеге хезмәткәрләредә актив катнашты.

3 мартта Баулы районы Поповка һәм Алексеевка авылларында Май чабу  бәйрәме узды. Авыл халкы бу бәйрәмнең тарихы белән танышты. Май чабу – кышны озату һәм язны каршылау ул.Кызарып пешкән беленнәр кояш символы булып тора. Шуңа күрә  бәйрәмгә җыелган халыкны  белен белән сыйладылар, бар яктан күңелле җырлар яңграп торды, бәйрәм уеннар, биюләр белән дәвам итте.