ЯҢАЛЫКЛАР
2014 елның 19 мартында Яр Чаллы шәһәренең “Энергетик” мәдәният йортында шәһәребезнең 108 гаиләсе өчен зур бәйрәм узды.
Ана капиталы сертификатын тапшыру тантанасында Яр Чаллы шәһәре ГХАТ идарәсе башлагы Рәвилә Гыйльметдин кызы Зарипова катнашты. Эти-эниләр бәйрәмнең төп хуҗалары – яңа туган сабыйлар белән килгәннәр. Яшь ата-аналарга бик күп матур җылы теләкләр әйтелде.
2014 нче елның 19 мартында Мамадыш районы ГХАТ бүлегендә паспорт тапшыру тантанасы үтте. 14 яше тулган мәктәп укучылары өчен бу көн мәңгегә истә калыр мөгаен.
Тантанада Татарстан Республикасында Россия ФМХИ Мамадыш районындагы бүлекчәсе җитәкчесе Гөлүсә Мубаракшина, район Башкарма комитеты җитәкчесе Илнар Хафизов, яшьләр һәм спорт бүлеге хезмәткәре Булат Аглеев катнаштылар.
Укучыларга һәм бәйрәм кунакларына илебезнең геральдикасы, паспортның барлыкка килү тарихы турында кызыклы презентация тәкъдим ителде, викторина үткәрелде.
Яшь малайларга һәм кызларга зур кунаклар үзләренең изге теләкләрен җиткерделәр. Бәйрәм ахырында ГХАТ бүлеге җитәкчесе Фәния Әхмәтшина паспорт ияләрен чын күңелдән котлап истәлекле фотога чакырды.
Ул дүрт бала анасы. Авылнын иң тыйнак, пөхтә, узеннән ерактан ук нур бөркелеп торучы апа. Телеңне йотарлык тәмле мич ашлары пешерә, ишек алды, капка төпләре җәй көне һәр елны шау чәчәктә. Гөлсәрия апаны котларга барлык җирдә яшәүче балалары, туганнары, куршеләре, авыл җирлегеннән котларга килгәннәр.
Марьям апа Әгерҗе районы Мордывый авылында туган. Сугыш башлану белән яшь кызны сугышка- окоплар казырга җибәрәләр. Аңа кайда гына эшләргә туры килми. Сугыш тәмамлангач Марьям Әгерҗенең ФЗО мәктәбенә укырга кереп вагоннар тикшеручесе белгечлеге ала һәм үзенең һөнәренә гомер буе тугры була. Ул узенең мактаулы һөнәрен зурлауларына бик шат. Аның нинди генә бүләкләре юк: “Почет билгесе” Ордены, Тимерьюлчылар җитәкчелеге тарафиннан почет грамоталары, рәхмәт хатлары, төрле медальләр. Үзенең юбилей көнендә Мәрьям Галлямованы Әгерҗе район Башлыгы, Депо ветераннар Советы , профком председательләре һәм ГХАТ булеге хезмәткәрләре котлап, бүләкләп, зурлап кайттылар.
18 мартта Ютазы районы Урыссу бистәсендә яшәүче тыл ветераны Полухина Мария Александр кызына 91 яшь тулды. Ул бик яшьли тол калып, берүзе 7 баласын карап устергән һәм бүгенге көндә балалары , 11 оныгы, 2 оныкчыгы белән бәхетле тормыш үткәрә. Аны бу зур гомер бәйрәме белән ГХАТ бүлеге башлыгы З. Фаррахова тәбрик итте.
18 март көнне Ютазы районы Башкарма комитетының ГХАТ бүлеге эшчеләре Урыссу бистәсендә яшәүче Канзафаровлар парын 56 еллык гаилә бәйрәме белән котладылар.
Хаҗәр Габдулловна һәм Мөхәмәт Галикарамович кулга кул тотынышып озак еллар мәхәббәтләрен саклап бәхетле гомер юлыннан атлыйлар.
1921 елны Сокман авылында гомер итүче Гыйлметдин ага һәм Шәмсидәһа апаның гаиләсендә алтынчы бала дөньяга килә. Алты бала арасында дүртенче кыз булып туган балага Мөнәвәрә исеме кушалар. Тырыш, нык холыклы, тәвәккәл кыз мәктәптә яхшы билгеләргә генә укый. 1936 нче елны Казан педагогик техникумына укырга керә, 1939 елны аны тәмамлап, Әтнә районына укытучы булып кайта. Кара күзле, кара чәчле бу кызны язмыш камчысы иртә кыйный башлый, хәер бу аяныч хакыйкать аның күп чордашларына кагыла торгандыр.
1942 елның 15 нче маенда Мөнәвәрә апа үз теләге белән фронтка китә. Башлангыч сыйныфлар укытучысы булып эшләп йөргән 21 яшьлек кыз бала Ржев шәһәрендә шоферлар курсларында укып фронтка эләгә. Аны Ерак Көнчыгышка япон самурайларына каршы сугышка җибәрәләр. “Полуторка” машинасы белән күпме юллар үтә ул, күпме йомышларны үти. Төп вазифасы сугыш кырына корал ташу була. 1945 нче елны гвардия сержанты дәрәҗәсендә Кырынды авылына кайта. Күкрәген икенче дәрәҗә Ватан сугышы ордены, “Германия өчен”, “Япония өчен” медальләре, хәрби хезмәттәге батырлыклары өчен бирелгән башка медальләр бизи. Кайткач та Мөнәвәрә апа укытучы хезмәтен дәвам итә һәм лаеклы ялга чыкканчы Кырынды мәктәбендә белем бирә.