ЯҢАЛЫКЛАР

28
март, 2014 ел
җомга
“Гаиләм – минем шатлыгым”
      Менделеевск муниципаль районы Ижёвка авылы мәдәният йортында район күләмендә гаилә бәйрәме үткәрелде.
      Чараны ачып, Алла Затирко сәхнәгә тәрбиягә алган Самариннар һәм Пономарёвлар гаиләләрен чакырды, алар “Әниләр Догасы” музыкаль композициясен башкардылар.
      Ижёвка авылы җирлеге башлыгы Валентина Пономарёва, чараны алып баручы буларак, бәйрәм геройларын – Судаковлар, Киршиннар, Щуркиннар гаиләләрен тәкъдим итте.
      Язучылар берлеге әгъзасы Михаил Гоголев якташларын сәламләде.
«Ярату ул – үзе иске нәрсә…»
      2014 елның 28 нче мартында Яшел Үзән муниципаль районы башкарма комитеты ГХАТ бүлегендә, 55 еллык бәйрәмен - Зөбәрҗәт туйларын Загир Тавфик улы һәм Рабига Ахунзян кызы Гариповлар гаиләсе билгеләп утте. Зөбәрҗәт туйларына җиткән әлеге матур пар бүген дә яшьлек ямен җуймыйча, үзләре биргән тәрбия җимешләрен татып бәхетле картлык кичереп яшиләр. Бер кыз бала тәрбияләп үстереп, хәзер 3 оныклары һәм 2 оныкчалары бар. Юбилярларны  бәйрәмнәре белән ГХАТ бүлеге җитәкчесе Р.А.Закирова котлап, шушы матур тормышларының рәхәтен күреп тагын да озын-озак гомер итәргә насыйп булсын иде дигән теләктә калды.
Театрга экскурсия
      Яр Чаллы шәҺәренең ГХАТ идарәсе белгечләре Казан шәһәренә кызыклы экскурсиягә бардылар. Экскурсия Казан Кремле белән танышудан башланды: Сөембикә манарасы, Кол-Шәриф мәчете, Благовещенск чиркәве онытылмаслык истәлек калдырдылар. Шулай ук ГХАТ идарәсе  белгечләре Г.Камал исемендәге  театрда Туфан Миңңуллинның “Гөргери кияүләре” спектаклен карадылар.
Азнакай районы ЗАГС бүлеге хезмәткәрен Азнакай районы башлыгы М.З. Шәйдуллинның Рәхмәт хаты белән бүләкләү
      Азнакай районы башлыгы  Шәйдуллин Марсель Зөфәр улы күпъеллык намуслы хезмәте өчен ЗАГС бүлеге хезмәткәре Гайнетдинова Гүзәлияне Азнакай районы башлыгы М.З. Шәйдуллинның Рәхмәт хаты белән бүләкләде. Ул гражданлык хәлләрен теркәү атларын электрон рәвешкә әйләндерүдә зур өлеш кертте.
27
март, 2014 ел
пәнҗешәмбе
Коган гаиләсе алтын юбилейларын билгеләп үтте

       2014 елның 27 мартында Чистай муниципаль районының ГХАТ бүлеге Коган гаиләсен алтын юбилейлары белән котлады. Алар мәхәббәттә һәм бердәмлектә 50 ел гомерләрен уздырдылар.

27 март көнне Тәтеш муниципаль районы Башкарма комитеты ЗАГС бүлегендә безнең районның кечкенә гражданнарына тантаналы рәвештә ана капиталына сертификат hәм туу турында таныклык тапшырылды
      Пенсия идарәсе начальныгы И.А. Большакова 6 анага дөрес куллану теләге белән сертификатлар тапшырды. Гаиләдә икенче балалары туучы  гаилә, кызлары Евангелинага, туу турында таныклык алды. ЗАГС бүлеге начальныгы Л.М. Дианова Тәтеш  муниципаль районы Башлыгы В.С. Чершинцевның котлавын укыды hәм ата – аналарга бала туу белән бәйле бүләк тапшырды. "Автоградбанк" өстәмә офисы начальныгы И.В. Гавчева ата – аналарга ана капиталы ярдәмендә "Автоградбанк" аша ипотека вариантлары турында мәгълүмат бирде hәм сувенирлар тапшырды.
Яр Чаллының алтын юбилярлары
      Яр Чаллы шәһәренең Тантаналар сараенда 2014 елның 26 мартында “алтын” юбилярларның парады узды. Анда 7 парны: Нәҗиповлар, Вәлиевлар, Елисеевлар, Курасовлар, Шәмсиевлар, Медвежонковлар, Теленковлар гаиләләрен котладылар. Юбилярларны ГХАТ идарәсе башлыгы Р.Г.Зарипова котлады. Тантаналар сарае исеменнән гаилә портреты, почетлы  акт һәм чәчәкләр тапшырылды.
      Гаиләләрне шулай ук Үзәк һәм Автозавод районы белгечләре тәбрикләделәр һәм бүләкләделәр. Нәҗиповлар гаиләсе музыкаль бүләк итеп халык җырын башкардылар.
Мамадыш районында гомер итүче Муллахметовлар гаиләсендә игезәкләр туды
      Беренче бала туу – һәр яшь ата-ана өчен зур сөенеч. Мамадыш шәһәрендә яшәүче Муллахмәтовлар гаиләсендә икеләтә сөенеч – 2014 нче елның 14 мартында игезәк кыз балалары туды. Кызларга ата-аналары күркәм мәгънәле исемнәр сайлаганнар – Әминә һәм Әдилә.
       27 нче март көнне Ришат һәи Ирина Мамадыш районы Башкарма комитеты ГХАТ бүлегенә кызларының беренче документларын – туу турында таныклыкларын алырга килделәр. 
      ГХАТ бүлеге җитәкчесе Фәния Әхмәтшина яшь ата-анананы гаиләләрендәге зур сөенеч белән чын күңелдән тәбрикләде, үзе дә игезәк малайлар  әнисе  буларак, шатлыкларын уртаклашты, җылы теләкләрен җиткерде.
Азнакай муниципаль районы Әсәй авыл җирлегендә бик матур чара - Нәүрүз бәйрәме үткәрелде

      Концерт программасын авыл үзешчәннәре әзерләгән иде. Азнакай районы башлыгы авыл хуҗалыгы эшчәннәренә  истәлекле бүләкләр тапшырды.
27 мартның 2014 елында ТР Алабуга муниципаль районының башкарма комитетының ГХАТ бүлегендә гражданлык хәле актларын теркәү сораулары буенча ГХАТБ һәм авыл хезмәткәрләренең семинары булып узды

Квалификация күтәрү курсларында булган хезмәткәрләр үзләренең кичерешләре белән уртаклашты.
ЯҢАЛЫКЛАРГА ЯЗЫЛУ
Идарә
Документлар
Матбугат хезмәте
Гражданнар мөрәҗәгате
Адрес: 420021, Казан шәһәре, Ахтямов урамы, 14
Телефон: +7 (843) 293-14-89, +7 (843) 293-96-98, +7 (843) 293-33-47
Факс: +7 (843) 293-14-89
E-Mail: zags@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International