ЯҢАЛЫКЛАР

22
апрель, 2014 ел
сишәмбе
Кукмара районы ЗАГС бүлеге белгечләре субботникта актив катнаштылар
      Татарстан республикасы шәһәр һәм муниципаль  районнарында санитар-экологик икеайлыгы башланды. Шул уңайдан Кукмара районында да субботниклар бара. 22 апрель, В.И.Ленинның туган көне уңаеннан, Кукмара районы Башкарма комитеты хезмәткәрләре белән берлектә ЗАГС белгечләре дә якын-тирә территорияне һәм “Ленин бакчасын” җыештыруда актив катнаштылар.
Бәхет телибез Сезгә!
      2014 нче елның 22 апрелендә «Космос» Яшьләр үзәге һәм Зәй муниципаль районы ГХАТ бүлеге белгечләре яшь гаилә коручы парлар өчен «Бәхет телибез Сезгә!» дип аталган чара үткәрделәр. Егет–кызларга махсус бәйгеләрдә, тестларда катнашу бер-берсен яхшырак белергә ярдәм итте. Психолог Юлия Комиссарова чыгышында яшь гаиләдә кризис чорларын үткәреп җибәрү ысуллары турында сөйләнде.
21
апрель, 2014 ел
дүшәмбе
Буа муниципаль районында җирле үзидарә көнен билгеләп үттеләр
      21 апрельдә Буа муниципаль районында җирле үзидарә көненә багышланган тантаналы чара үткәрелде. Район башлыгы А.К.Айзетуллов бәйрәм чарасына чакырылган, күп уңышларга ирешкән авыл җирлекләре җитәкчеләренә һәм сәркатипләренә, ГХАТ бүлеге белгечләренә Дипломнар, Почет грамоталары һәм Рәхмәт хатлары тапшырды. Шулай ук бәйрәмдә катнашучылар район мәдәният йорты хезмәткәрләре әзерләгән концерт программасын карадылар.  
ГХАТ идарәсенең баш белгече Э.В.Фазлыеваны котлау
     21 апрельдә безнең илдә икенче тапкар Җирле үзидарә көнен билгеләп үттеләр.
     Чаллыда бу бәйрәм С.Садыйкова исемендәге концертлар залында узды. Иң яхшы хезмәткәрләрне ТР Президенты, Министрлар Кабинеты, шәһәр башлыгының Рәхмәт хатлары белән бүләкләделәр.
21 апрельдә Менделеевск муниципаль районында киңәшмә үтте

      21 апрельдә Менделеевск муниципаль район башлыгы И.А.Привалов авыл җирлекләре башкарма комитетлары җитәкчеләре белән үткәргән киңәшмәдә ЗАГС бүлеге мөдире Ф.В.Козырева чыгышы да көн тәртибенә кертелде.
Муниципаль хезмәткәрләргә бәйрәм концерты бүләк иттеләр
      Инде белүебезчә, 2013 елда 21 апрель «Муниципаль берәмлекләр көне» итеп игълан ителде. Шул уңайдан Саба районы җитәкчелеге райондагы барлык муниципаль хезмәткәрләрне, лаеклы ялда булган ветераннарны Шәүкәт Биктимеров исемендәге район мәдәният йортына җыеп, бәйрәм күчтәнәче бүләк итте.
Мамадыш районы ГХАТ бүлегендә ана капиталына сертфикат тапшыру тантанасы узды
     2014 елның 21 нче апрелендә Мамадыш районы ГХАТ бүлегендә ана капиталына ия булу сертификатын тантаналы рәвештә тапшыру чарасы узды. Бу юлы сертификатка 7 ана ия булды. 
     Игътибар үзәгендә районыбызга игезәкләр бүләк иткән Ирина Муллахмәтова һәм Ирина Павлова булды. Алар районыбызның халык санын ике кыз һәм ике малай белән тулыландырдылар.
Биектау муниципаль районында Җирле үзидарә көне
     Ике елдан бирле илебездә тагын бер бәйрәм – Җирле үзидарә көне билгеләп үтелә. Бу яңа бәйрәм җирле үзидарә институтының ролен һәм әһәмиятен арттыру, демократияне һәм гражданнар җәмгыятен үстерү буенча үзенең максатына иреште дә инде.
      21 апрель – дүшәмбе көнне үзәк мәдәният йортына авыл җирлекләре хезмәткәрләре һәм район җитәкчеләре җыелды. Биектау муниципаль районы башлыгы Рөстәм Кәлимуллин барысын да Җирле үзидарә көне белән тәбрик итте, авыл җирлекләренең гражданнар җәмгыятен, авылда эшмәкәрлекне, төзекләндерү-матурлау, чистартуны, спорт һәм социаль иминлекне үстерүгә зур өлеш кертүен билгеләп үтте.
Буа муниципаль районында Халыкара гаилә көненә әзерләнү бара
      15 май Халыкара гаилә көне буларак билгеләп үтелә. Буа муниципаль районында 2014 елда “Алтын” туйларын билгеләп үтүче юбилярларны традиция буенча район мәдәният йортында тәбрикләү планлаштырыла. Бу елны 10 тапкыр билгеләп үтеләчәк әлеге бәйрәмгә юбилярларның балалары, оныклары, якыннары белән бер рәттән мәктәп укучылары һәм студентлар да чакырыла. Бу көннәрдә ГХАТ бүлегендә әлеге зур бәйрәм чарасына мәгълүматлар туплау башланды.
Яр Чаллы шәһәре ГХАТ идарәсе ветераннарын котлау
      2014 елның 21 апрелендә Яр Чаллы шәһәренең Сара Садыйкова исемендәге концертлар залында матур тантана узды. Анда ГХАТ идарәсе хезмәткәрләре һәм ветераннары да катнашты.
      Бәйрәм зур концерт белән тәмамланды.
ЯҢАЛЫКЛАРГА ЯЗЫЛУ
Идарә
Документлар
Матбугат хезмәте
Гражданнар мөрәҗәгате
Адрес: 420021, Казан шәһәре, Ахтямов урамы, 14
Телефон: +7 (843) 293-14-89, +7 (843) 293-96-98, +7 (843) 293-33-47
Факс: +7 (843) 293-14-89
E-Mail: zags@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International