ЯҢАЛЫКЛАР
Сарман муниципаль районы Игәнә-Баш авылында “Исәннәрнең кадерен, үлгәннәрнең каберен бел!” дигән баш астында тылда һәм яу кырында һәлак булганнарны искә алу кичәсе үтте. Шул чорда сөт заводында эшләп, Игәнә-Баш авылында вәкил булган Зарипова Әнисә апа исеменнән хәер таратылды һәм аңа башка авылдашлар да кушылып, алар рухына багышлап коръән укылды.
Илексаз авыл җирлеге башлыгы Флер Гыйльфанов тыл ветераннары Фатыйма апа Гайфетдинова белән Сирин абый Хөснетдиновка Татарстан Президентының котлау открыткаларын, җирле үзидарәнең истәлек бүләкләрен тапшырды. Илексаз мәктәбе укучылары үзләренең моңлы җырларын бүләк итте. Авыл җирлеге ветераннар Советы рәисе Рәмзия апа Харисова Муса Җәлил шигырьләрен укыды.Кичә чәй өстәле артында концерт номерлары белән аралаштырып, тыл ветераннарын сөйләтеп алып барылды.
Бөек Җиңүнең 69 еллыгына багышланган җиңел атлетика кроссы предприятияләр, оешмалар һәм уку йортлары коллективлары арасында Җиңү паркыннан старт алды һәм Дан Монументында тәмамланды.
Тәтеш муниципаль районы Башкарма комитетының ЗАГС бүлеге дә әлеге мероприятиядә актив катнашты.
1941-1945 еллардагы Бөек Ватан сугышында Җиңүнең 69 еллыгына әзерлек һәм бәйрәм итү чаралары кысаларында 2014 елның 7 маенда Чистай муниципаль районы башкарма комитетының ЗАГС бүлеге начальнигы В. Н. Белова-Реутина Бөек Ватан сугышы ветераны Н. И. Шавровның өендә булды.
Бәйрәм алдыннан Николай Иванович Курск янында разведчик буларак сугышчан заданиеләрне ничек үтәве хакындагы хатирәләре белән уртаклашты. Бәйрәм бүләге кабул итте.
Апаста Җиңү бәйрәме алдыннан Бөек Ватан сугышы ветераннарын, сугыш чоры ятимнәрен, сугыштан соңгы елларда төрле өлкәләрдә хезмәт иткән, югары нәтиҗәләргә ирешкән абый-апаларны Сабан туе мәйданына җыеп хөрмәтләү матур традициягә әйләнде. Район башлыгы Рәшид Заһидуллин тәкъдиме белән дүртенче ел рәттән узучы бу бәйрәм быел кабат мәйданга меңнән артык өлкән райондашыбызны җыйды. 7 май көнне мәйдан гөр килеп торды. Район мәдәният хезмәткәрләре көче белән әзерләнгән театральләштерелгән күренеш һәм якташ җырчыларыбыз чыгышлары күңелнең иң нечкә кылларына үтеп керде. Аланлыкта җыр-моң тынып тормады, сәүдә гөрләде, коймаклар пеште, самаварлар чыжлады, спорт уеннары барды. Кыр кухнясында пешерелгән ботканы кунаклар аеруча яратып ашады. Мәйдан түрендә алтын туйларын билгеләп үткән өлкәннәр дә хөрмәтләнде.
1941-1945 еллардагы Бөек Ватан сугышында Җиңүнең 69 еллыгына әзерлек һәм бәйрәм итү чаралары кысаларында 2014 елның 7 маенда Чистай муниципаль районы башкарма комитетының ЗАГС бүлеге начальнигы В. Н. Белова-Реутина Бөек Ватан сугышы ветераны Н. И. Шавровның өендә булды.
Бәйрәм алдыннан Николай Иванович Курск янында разведчик буларак сугышчан заданиеләрне ничек үтәве хакындагы хатирәләре белән уртаклашты. Бәйрәм бүләге кабул итте.
Ветеран Бөек Җиңүнең 70 еллыгына Мәскәүгә парадка барырга җыена, ә быел 8 майда ул Татарстан Республикасы Президенты белән очрашуга барды.
Традиция буенча ЗАГС бүлеге хезмәткәрләре Бөек Җиңүгә багышланган гомумшәһәр бәйрәм чараларында актив катнаштылар.
2014 нче елның 7 маенда Казан шәһәренең гражданлык хәле актларын теркәү идарәсенең Киров районы бүлегендә Бөек Ватан сугышында 69 еллык Җиңү уңаеннан кулга-кул тотынышып зур тормыш юлын үтеп, лаеклы балалар үстереп гомер иткән парларны тантаналау үтте.
2014 елның 7 маенда, Бөек Җиңү бәйрәме алдыннан, Яр Чаллы шәһәренең Тантаналар сараенда Храмоушиннар, Чуркиннар, Ивановлар, Сафиннар һәм Бордиловскийлар гаиләләрен хөрмәтләү тантанасы булды.
Түбән Кама муниципаль районы ГХАТ идарәсе Бөек Җиңү көне 9 май уңаеннан Рәсәй Федерациясендә үтә торган “Георгий тасмасы” акциясенә кушылды. Хәтер һәм хәрби дан символы булып торган әлеге патриотик тасма ГХАТ идарәсенә никахлашырга гариза тапшырырга килгән яшь парларга бирелә. Егет һәм кызларның барысы да белгечләр кулыннан әлеге тасманы зур саклык һәм ихтирам белән кабул итеп ала.
Илле ел кулга – кул тотынып
Пар былбылдай тормыш итәсез.
Авыр чакта аумас терәк булып,
Гомер йомгакларын сүтәсез.
Ә без сезгә карап сокланабыз
Ихтирамлы сезгә карата.
Гаилә бәхете ул – бер-береңә терәк, таяныч булып,бер түбә астында килешеп озак яши алудыр. 50 ел бергә бер һаваны сулап, бер хыяллар белән яшәгәннәр икән , димәк бу – бер-береңне аңлау, бер-береңнең кадерен белеп яшәүдер , мөгаен.
Альберт ага белән Әдибә ханым педагогика институтының спорт залында беренче тапкыр очрашалар. Озак та үтми - 1964 елның 29 апрелендә гаилә кора башлыйлар . Алар гомер буе яшьлектә кабызган гаилә учагын саклый белгәннәр. Мәхәббәт җимеше булып дөньяга килгән ике кызлары инде үз тормышларын корганнар.Нәсел дәвамчылары булып оныклар туган. Шул рәвешле шәҗәрә агачы тармагы үскән ,киңәйгән.
Тормыш итүне өлкәннәр диңгез кичүгә тиңлиләр. Киң дәрьяда җил-давыллар булмый калмый. Әмма анда аумас өчен гаиләдә җилкән булырдай ир канаты , ә инде аның янәшәсендә төпле акыл һәм илаһи сабырлык белән эш йорткән олы йоракле хатын – Ана булу да кирәк.
Гаилә бәйрәмендә юбилярларга Казан мэры Илсур Рәис улы Метшин исеменнән котлау хаты һәм бүләк тапшырылды.
Бу кичәдә Бөек Ватан сугушы ветераны Василий Филипп улы Коршин белән Лениногорск шәһәренең 10 нчы урта белем бирү мәктәбенең кадетлары очрашты. Ветераныбыз үз чыгышында үзенең истәлекләре белән, күргән вакыйгалары белән уртаклашты, сугыш елларының ачылыгын сөйләде. Сугыш ветераны Василий Филипп улы Коршин тумышы белән Лениногорск районының Иске Кувак авылыннан. Ул гомер буе туган авылының урта мәктәбендә тарих уктытучысы булып, ә аннан соң мәктәп директоры булып эшли. Аның авыр сугыш еллары 1941 елның декабрь аенда башлана. Ул Крымның: Севастополь һәм Джанкой шәһәрләрен азат итүдә катнаша. Ә инде көтеп алынган Җиңү көнен Латвиядә каршылый. Безнең ветераныбыз 3 нче дәрәҗә “Дан” ордены, “Кызыл йолдыз”, “Ватан сугушының” 1 һәм 2 нче дәрәҗә орденнары белән һәм “Батырлык”, “Хәрби хезмәт өчен” медальләре белән бүләкләнгән.
Укучылар, бигрәк тә егетләр кунагыбызны зур кызыксыну белән тыңладылар. Хәтта, очрашу тәмамлангач та, сораулары калган иде әле. Әлбәттә, кичәдә ишеткән сүзләр аларның күңелендә эзсез калмас дип ышанабыз.