ЯҢАЛЫКЛАР
21 март көнне Ютазы районы Иске Каразирек авылында яшәүче Мусаллия Шарифулла кызы Закирова гомеренең туксанынчы язын каршы алды. Ул буген матур котлау сүзләре һәм бүләкләр кабул итте. Юбилярны котларга аның балалары, күп санлы туганнары, күршеләре һәм авыл җирлеге хезмәткәрләре дә килде.
2017 елның 21нче мартында Мөслим муниципаль район Советы аппараты җитәкчесе Азат Әхмәтҗанов җитәкчелегендәге район делегациясе Мөслим районы Иске Сәет авылында гомер итүче Нәгыймова Әлфия Әмир кызын 90 яшьлек юбилее белән котлады.
21 мартта Алабуга халкы яз бәйрәме – Нәүрүзне билгеләп үтте. Бу бәйрәм һәр гаиләгә яңарыш, шатлык алып килә. Нәүрүз көнчыгыш халыклары – әзербайҗан, албаклар, төркмәннәр, таҗик, казахларның яраткан бәйрәме. Бәйрәмдә көнчыгыш халыклары кухнясы ризыклары белән сыйландылар.
Чакырылган кунакларга яшьләр өчен уйнатыла торган Марш мендельсоны уйнатылды. Барлык парларга да 50-еллык юбилейга җитү бәхете туры килми. Кебек матур чакырылган Казан гаиләләре, аерым бер хөрмәтккә һәм игътибарга лаеклы.
Казан шәһәре ЗАГС идарәсе атналык бушлай дәресләргә чакыра.
Сарман авылында яшәүче Илгизәр белән Асия Хайруллиннар алтын туйларын билгеләп үттеләр.
Гаилә башлыгы Илгизәр абый барлык хезмәт юлын авыл хуҗалыгына, тормыш иптәше Асия апа - халыкның сәламәтлеген саклауга багышлыйлар. Асия апа - Татарстан Республикасынын атказанган табибы.
"ЗАГС" федераль басмасының 2017 елдагы беренче номеры Түбән Кама ГХАТ хезмәткәрләре өчен, күңелле сюрприз булды.
Әтнә муниципаль районы Күлле-Киме авылында яшәүче Гайсина Мәймүнә Гайсә кызына 21 март көнне 95 яшь тулды. Гайсина Мәймүнә озак еллар укытучы булып эшләгән. Туган көне уңаеннан аны котларга Әтнә муниципаль районы башкарма комитетының җитәкчесенең урынбасары, Күлле-Киме авыл җирлеге, социаль үзәк вәкилләре, редакция вәкилләре килделәр. Гайсина Мәймүнәнең бәйрәмен котлап истәлекле бүләкләр тапшырылды.
2017 елның 21 мартында Тәтеш муниципаль районы Башкарма комитеты ГХАТ бүлегендә Тәтеш дәүләт гражданнарны яклау көллияте 1 курс студентлары өчен Ачык ишекләр көне узды.
ГХАТ бүлеге начальнигы Дианова Лариса Михайловна укучыларны гражданлык акты төзү үзенчәлекләре, гаилә традицияләрен ныгыту буенча үткәрелгән чаралар турында сөйләде.
Күптән түгел Биектау районы Олы Битаман авылында яшәүче Люция Зиннатуллина һәм Әдһәм Зиннатуллиннар бергә гомер итүләренә 60 ел тулу көнен билгеләп үттеләр. Әдһәм абый шофер булып та тракторчы булып та эшләгән, Люция апа Бөгелмә шәһәренең бухгалтерлар әзерли торган техникумын тәмамлап, 42 ел сельпода эшләгән. Шушы гомер агышында дүрт бала тәрбияләп үстергәннәр, һәр кайсы яраткан һөнәрләрен табып, матур, бай тормышта яшиләр. Барысының да үз тормышлары бар, тәртипле, тәрбияле балалар үстерәләр. Бүгенге көндә аларның 9 оныклары һәм 11 оныкчыклары бар.