ЯҢАЛЫКЛАР
Тууны теркәүнең барлык нечкәлекләре турында 26 февральдә Түбән Кама муниципаль районының ГХАТ Идарәсе башлыгы урынбасары Гүзәл Ислам кызы Сәгыйтова сөйләде. Булачак әниләр белән очрашу "Җаваплы ата-ана булу" муниципаль проекты кысаларында "Сонатал" имин бала тудыруга әзерлек мәктәбендә узды.
Тантаналы шартларда Хәмзиннар, Дорофеевлар, Сафиннар һәм Артемьевларны котладылар. Тарих өчен 50 һәм 60 ел-ул бер мизгел генә, ә кеше өчен - тулы бер гомер. 50-60 еллык никах-ул авыр хезмәт юлы белән еллар буе формалашкан зур кыйммәт.
25 февраль көнне ГХАТ бүлегендә Бөгелмә шәһәренең 10 яшь гражданына тантаналы рәвештә паспортлар тапшырылды. ГХАТ бүлеге белгечләре шәһәрнең гомуми белем бирү мәктәпләре укучылары өчен Россия Федерациясе Конституциясе һәм тарихын иң яхшы белү буенча экспресс-викторина үткәрделәр. Аның нәтиҗәләре буенча җиңүче – 2нче лицейның 8нче сыйныф укучысы Гайнетдинова Аида Радик кызы ачыкланды.
2021 елның 24 февралендә Казан шәһәре Идел буе районы ГХАТ бүлегендә гаилә тормышының алтын һәм бриллиант юбилейларын билгеләп үткән 7 бәхетле пар өчен яңадан Мендельсон маршы яңгырады. Юбилярлар, олы яшьтә булуга карамастан, тормыш белән кызыксынуны һәм тәмен саклап калдылар, ә иң мөһиме – мәхәббәт һәм хөрмәт. Тантаналы вакыйганы юбилярларның балалары һәм оныклары бүлештеләр.
2021 елның 24 февралендә Түбән Кама муниципаль районының Никахлашу сараенда Колпаковларның 20 еллык юбилее тантанасы булды.
Михаил моннан 65 ел элек салкын февральнең бер кичендә клубтан кайта да, әнисенә өйләнергә, Совет Армиясе көненә үзенә бүләк ясарга җыенуын әйтә. Бер ай чамасы элек кенә 18 яшен тутырган улының бу теләгенә каршы килми әнисе. Кем белән йөргәнен дә белә. Егет ниятен иптәше Алексейга җиткерә һәм ике егет план коралар. Ике көннән кыз килешәләр. Менә алтмыш биш ел инде Михаил белән Анна 23нче февральдә икеләтә бәйрәм ясыйлар.
Ватанны саклаучылар көнендә Түбән Кама муниципаль районының ГХАТ Идарәсе белгечләре Мәңгелек утка чәчәкләр салуда катнаштылар.
Бу көнне Татарстан Республикасы Алабуга муниципаль районы Башкарма комитеты ГХАТ бүлегендә 10 яңа гаилә теркәлде. Аномаль салкын, салкын һәм көчле җил булуга карамастан, ГХАТ бүлегенең тантаналар залында яшь парларның һәм аларның кунакларының күзләрендә язгы атмосфера хөкем сөрде.
Ватанны саклаучылар көне, «Нык гаилә» партия проекты кысаларында, Татарстан Республикасында Туган теллэр хэм халыклар бердэмлеге елына багышлап ГХАТ бүлегендә гаилә тормышы юбилярларын хөрмәтләү һәм яшь Яңа Чишмәлеләргә паспортлар тапшыру тантанасы узды.
2021 елның февраль аенда Низаметдинов Айнур һәм Талия никахларын законлы рәвештә теркәделәр. Кайбыч районы оешуга 30 ел уңаеннан, Башкарма комитет җитәкчесе аларны бәхетле көннәре белән тәбрик итеп истәлекле бүләкләр тапшырды.