ЯҢАЛЫКЛАР
Туу һәм үлемне теркәү төп мәсьәләләр булып тора. Килүчеләрне кабул иткәндә бүгенге көндә актуаль булган барлык куркынычсызлык чаралары да катгый үтәлә. Гражданлык хәле актларын теркәүнең барлык мәсьәләләре буенча телефон аша консультация бирелә. ЗАГС хезмәткәрләре архив язмаларын ЕГРга тапшыру мәсьәләләренә зур игътибар бирәләр.
Татарстан Республикасы Чистай муниципаль районы Башкарма комитеты ГХАТ бүлегендә Татарстан Республикасында яңа коронавирус инфекциясе таралуны булдырмау буенча мөмкин булган барлык чаралар күрелә.
Кычытканлы авылында туып-үскән тыл хезмәтчәне Нәҗгат Сәхипгәрәй улы Зарипов күп санлы туганнары һәм авылдашларыннан олуг юбилее уңаеннан котлаулар кабул итә. Аны туган көне белән Кычытканлы авыл җирлеге башлыгы Җәүдәт Нургалиев котлады һәм бүләк тапшырды. Ә шушы көннәрдә ул Назгать Сәхипгәрәевичка кабат кереп чыкты - бу юлы Россия Федерациясе Президенты Владимир Владимирович Путинның Котлау хатын һәм Нурлат муниципаль районы башлыгы Алмаз Әхмәтшин исеменнән истәлекле бүләк тапшырды.
Сеҗе авыл җирлегендә изумруд туйларын билгеләп үтүче Ринат Евдокимович белән Фәния Фәхретдиновна Закировларны өйләренә барып котладылар.
Агымдагы елның апрель аенда Чистай ГХАТ бүлегендә егерме сабый: 13 малай һәм 7 кыз туу теркәлде. Узган ел азагыннан һәм бүгенге көндә, элеккечә,кызлар өчен иң популяр исем – Ева.
2020 елның 8 апрелендә Түбән Кама муниципаль районы ГХАТ Идарәсендә «Совет чоры туйлары» дигән яңа рубрика эшли башлады.
Теләче гражданлык хәле актларын теркәү бүлегендә ел башыннан барлыгы 24 бала теркәлгән. Беренче тапкыр әни булучыларның саны 6 гә тигез. Сабыйларның 9 е гаиләдә – икенче, 7 се – өченче, 2 се дүртенче хәм күбрәк бала булып дөньяга килгән.
2020 елның 3 аенда туу турында теркәлгән актлар саны 182гә җитте, бу узган елның шушы чоры күрсәткечләреннән 10% ка артыграк. Никах теркәү турындагы актлар саны шул ук дәрәҗәдә калган – 96. Аерылышу турындагы актлар саны бераз артты, узган елның 77 белән чагыштырганда аерылышу турында 81 акт теркәлде. Үлемне теркәү буенча да хәл үзгәрмәде – 2020 елда 207 язма, 2019 елда 201.
2020 елның 4 апрелендә Татарстан Республикасы Алабуга муниципаль районы Башкарма комитеты ГХАТ бүлегендә никах теркәү турында йөзенче акт язуы теркәлде. Бу елның йөзенче пары Хөсәенов Айгиз һәм Шәвәлиева Равилә булды. ГХАТ бүлеге хезмәткәрләре яшь парларга озын һәм бәхетле гаилә тормышы тели.
Ел саен гаилә тормышы юбилеен билгеләп үтүче парларны хөрмәтләү матур традициягә әверелде. 2020 елның 1 кварталында Балык Бистәсе районында Балык Бистәсе районының Шиланка авылында яшәүче Александр Александрович һәм Валентина Алексеевна Фадеевларны котладылар. Алар 2020 елда 50 ел бергә гомер итүләрен билгеләп үтәләр.