ЯҢАЛЫКЛАР
2022 елның 12 аенда Бөгелмә районы ГХАТ бүлеге тарафыннан 772 сабый тууы теркәлгән. Барлыгы 383 малай һәм 389 кыз дөньяга килгән.
Баулы ГХАТ бүлегендә беренче бала теркәлде. 2023 елның 1 гыйнваренда Андрей һәм Алёна Матвеевлар гаиләсендә ир бала туды. Бәхетле әти-әни яңа туган балага Марк дигән матур исем бирделәр. Матвеевлар гаиләсе «күп балалы гаиләсе» статусына ия булды.
Узган ел Мамадыш муниципаль районы башкарма комитеты ГХАТ бүлегендә туу турында 103 акт теркәлгән. Ата-аналар өчен баланы теркәү өчен иң катлаулы һәм җаваплы эш, әлбәттә, исем сайлау. Һәр ата-ана туган баласының матур һәм яңгыравыклы исеме булуын тели. Шуңа күрә ата-аналар үз исемнәрнең мәгънәсен алдан өйрәнергә тырышалар. Туганнары, дуслары белән киңәшләшәләр.
2023 елның 3 гыйнварында Яшел Үзән ЗАГС бүлегендә яңа 2023 елда 1 нче пар теркәлгән. Алар-Павлов Николай һәм Колосова Вероника.
Бүген Түбән Кама муниципаль районы ГХАТ Идарәсе белгече Бала тудыру йортындагы эш урынында яңа елның беренче туу турында акт язмасын теркәде.
Әлмәт шәһәренең бала тудыру бүлегендә 2023 елның беренче көнендә барлыгы 4 бала, ике кыз һәм ике малай дөньяга килә.
Бала туу – һәрбер гаилә өчен бәхет! 2022 елда Әлмәт шәһәрендә 1958 бала дөньяга килде. Алар арасында 993 малай һәм 965 кыз. Баланың минималь авырлыгы 430 гр. тәшкил иткән, ә максималь – 5150 гр. Иң яшь әни – 18 яшьлек, иң өлкәне – 55 яшьтә, иң яшь әти – 17 яшьлек, ә иң өлкәненә – 62 яшь.
2023 елның 1 гыйнварында, 8:37 сәгатьтә Лениногорск бала тудыру йортында беренче бала, Илдар һәм Гөлия Сәлаховлар гаиләсендә 3030 авырлыктагы Милана исемле сылу кыз бала дөньяга килә. Нарасыйга бәхетле, күңелле балачак, күп шатлык һәм исәнлек телибез!
Бүген 31.12.2022 елның соңгы көнендә Яр Чаллы шәһәренең Перинаталь үзәгендә 26 сабыйның тантаналы рәвештә чыгару булды. Алар арасында игезәк Савелий һәм Еения Чеботаревларның тантаналы чыгаруы да булды.
2022 елның 30 декабрендә Югары Ослан муниципаль районы Башкарма комитеты ГХАТ бүлегендә Вахит авыл җирлегендә Әлмөхәммәтовлар гаиләсе Каюм улы Әмир һәм Георгий кызы Нинаны алтын туйлары белән котлау чарасы узды.