ЯҢАЛЫКЛАР

 2014 елның  12  июлендә  Чистайның  Никахлашу  сараенда   Четырчинскийлар  алтын туйларын   билгеләп   үттеләр.   Моннан  нәкъ  50 ел  элек   шул көнне  алар бер- берсен  ир  белән  хатын  дип   атаганнар.

Валентина  Ивановна  Һәм  Александр  Николаевич  үзләренә  лаек  ике  кыз  тәрбияләп  үстергәннәр.  Аларның   хәзер   менә  дигән оныклары  бар.   Болар  эби , бабай  өчен  иң   кадерле  һәм  якын  кешеләр.  Бәйрәм  көнендә  юбилярлар   ЗАГС  бүлеге  начальнигы   Вера  Николаевна  Белова- Реутинадан,  туганнарыннан,  якыннарыннан,   хезмәттәшләреннән  котлаулар  алдылар.  Традиция  буенча  алар  юбилярларның  Мактау  китабына  кул  куйдылар,  алтын  балдаклар  алмаштылар.  “Яшь  өйләнүчеләр “ хөрмәтенә  юбилей  вальсы  яңгырады.  Бу искиткеч  күркәм  бәйрәм  булды!

Күп  вакыт  үтүгә  карамастан,  әлеге  парлар  бер-берсенә  булган  ярату   һәм  җылылык  хисләрен  югалтмаганнар.  Бу  якты  һәм  эчкерсез  мәхәббәт  аларга  һәрчак  ярдәм  иткән,  ул  аларның  узган  юлларында  алтын  эз  булып  балкый. Әлеге  мөлаем  һәм  матур  парга  карап  тулы  ышаныч  белән:  “Мәхәббәт  яшькә  карамый!  Мәхәббәт  могҗиза  тудырырга  сәләтле!” – дип  әйтергә  мөмкин.

Мамадыш районы Җөри авылында 15 нче тапкыр керәшен халкы фестивале узды. “Питрау” бәйрәме республикабыз һәм илебез халкы өчен инде күптән яраткан һәм көтеп алынган бәйрәмнәрнең берсенә әверелде.

Бәйрәмгә илебезнең төрле почмакларыннан җыелган кершеннәр үз мәдәниятләре, тормыш рәвешләре, бүгенге көнгә кадәр сакланып калган традицияләре белән оештырылган ишегалларында таныштырдылар.

Әйтергә кирәк, ялгызаклар өчен аерым “Димче Гөрпи” почмагы эшләде. Монда теләгән һәр кеше үзе турында мәгълүмат калдырып сөйгән ярын табу мөмкинлегенә ия булды. Соңырак димче карчыклар җыелган анкеталарны барлап парлар туплыйлар. Барлыкка килгән яшь пар Питрауда танышканлык турында сертификатка  ия була, һәм киләсе ел тамашасына чакыру ала.

Ә инде иң чибәр кәләшне “Керәшен чибәре” бәйгесе узучы сәхнәдә күрергә мөмкин иде. Быел бу исемне алу өчен 10 кыз көч сынашты. Җиңүче дип Казан кызы Алинә Давыдова табылды.

Бәйрәм искиткеч зур салют белән тәмамланды. 

      Барлык юбилярларны авыл җирлеге башкарма комитеты җитәчесе котлады. Котлауны авылның яраткан ансамбле “Яблоневый ряд” дәвам итте. Оештыручылар күңелле уен “Могҗизалар кыры” әзерләгәннәр иде.  Катнашучылар җаваплар гына биреп калмадылар, узләренең очрашу-танышу тарихында сөйләделәр. Кичә күңелле дискотека белән тәмамланды.

12 июль көнне Яңа Усы авылында Питрау бәйрәмен билгеләп үттеләр. Питрау көне керәшеннәрнең генә түгел, районның бөтен милләтләренең яраткан бәйрәменә әверелде. Бу көнне гаиләләр белән, дуслар, якыннар белән,  ерак төбәкләрдән җыелалар. Традиция буларак район халкы Яңа Усы авылының Сабантуй мәйданында җыелды.

Бәйрәм район Башлыгы Рамил Хәмзә улы Муллинның котлавыннан башланды. Авыл җирлеге Башлыгы Вәсилә Игошева сүзләренчә, Питрау көнен оештыруда җирлек эшмәкәрләре, авылдашлар һәм авылда туып төрле шәһәрләрдә яшәүчеләр ярдәм итә. Бәйрәмне Яңа Усы авылы егете, хәзерге вакытта театр сәнгате югары  уку йортында белем алучы Артем Пискунов алып барды.

Көннең салкынча булуына карамастан, шаян уеннар һәм традиция булып киткән иң яхшы букетка, мунча себеркесенә конкурслар халыкта чын мәгънәсендә күңелле бәйрәм кәефе тудырды.

Ке­рә­шен хал­кы­ үзенең  күр­кәм бәй­рә­ме – Пит­рауны билгеләп үтте. Аны элек­ке­дән кил­гән тра­ди­ци­я­ләр­гә туг­ры ка­лып, җи­ре­нә җит­ке­реп үткәрделәр. 12 июль­дә Пит­рау­га ра­йон­даш­лар­ны На­рат Ас­ты, Лә­ке­, Бат­как авыллары җыйды.

Мамадыш районының Җөри авылында узган Питрау бәйрәмендә Сарман районы Ләке авылының "Игәнә" керәшен халык фольклор ансамбленең яшь башкаручысы - Лиана Антонова "Керәшен чибәре" республика конкурсында 2 нче урынны яулады. Ул диплом һәм акчалата бүләк белән беррәттән "Мисс Татарстан - 2015" бәйгесенә чакыру алды. Лиананы яклап чыгыш ясаган "Игәнә" ансамбле борынгы Питрау күренешен күрсәтте.

     2014 елның 8 июлендә - Гаилә, мәхәббәт һәм тугрылык көнендә Әлмәт муниципаль районы башкарма комитеты ГХАТ идарәсендә “алтын” юбилярларны котлау чарасы үткәрелде. Иксановлар Фәрит Канзи улы һәм Наилә Калимулла кызы хезмәт елларын Әлмәт оешмаларында эшләүгә багышлап, бугенге көндә шәһәрдә бәхетле һәм тыныч тормышта яшиләр. Алар 2 бала үстереп, хэзер оныкларны тәрбияләргә ярдәм итәләр. Юбилярлар хөрмәтенә бик күп җылы һәм матур котлаулар яңгырады,тантаналы рәвештә аларга медаль, чәчәкләр һәм истәлекле бүләкләр тапшырылды.

      Бар табигать бөреләнеп чәчәк аткан вакытта, кояшта бар җылысын, якты нурын мул итеп кешеләргә өләшкән вакытта бик матур бәйрәм –гаилә, мәхәббәт һәм тугрылык бәйрәме билгеләп үтелә. Алтын туйларын билгеләп узган, матур гаилә корып, тату-тигез гомер кичергән парларга Россия президенты указы нигезендә мәхәббәт һәм тугрылык медале булдырылды. Быел бу медальгә Балтач районы Яңгул авылында 62 ел бергә кулга кул  тотынып, уйны уйга ялгап  гомер кичерүче Гаптелбәр абый белән Нәзифә апа Гаптелбариевлар лаек булды. 2014 елның 8 июль көнендә Балтач мәдәният йортында юбилярларга медальне җылы теләкләрен юллап, район башкарма комитеты җитәкчесе урынбасары И.Ф.Гайнетдинов тапшырды.  Район ветераннар советы рәисе Абдуллин Р.А., шулай ук Яңгул авыл җирлеге башкарма комитеты җитәкчесе урынбасары Р.Х.Гыйлманова юбилярларга матур теләкләрен җиткерделәр. Шулай ук  2 номерлы балалар бакчасы нәниләре дә  үзләренең матур җыр-биюләрен тамашачыларга бүләк иттеләр. Бәйрәмдә яңа тормыш башларга ниятләп гариза биргән яшь парлар да катнашты. Гаптелбәр абый белән Нәзифә апа аларга тату гаилә серләрен ачып, изге теләкләрен җиткерделәр.

   2014 елның 11 июлендә Яр Чаллы шәһәренең Тантаналар сараенда үзләренең никахларын Игорь һәм Лилия Иониннар рәсмиләштерделәр. Бу парны бар җирдә мотоциклларда байкерлар колоннасы озатып барды. Байкерлар – кияүнең дуслары –барысы да күн курткалардан. Байкерлар туе – искиткеч күрении.