ЯҢАЛЫКЛАР
7 апрельдә Бөтендөнья сәламәтлек көне билгеләп үтелә. Бу көнгә багышлап ГХАТ идарәсе коллективы кабат Түбән Кама шәһәре мэрының «365 сәгать спортта» челленджына кушылды һәм җиңел атлетика буенча урам спартакиадасын уздырды.
Тукай районы ГХАТ бүлеге Тукай районының ун яшь кешесенә Россия Федерациясе паспортларын тапшыру тантанасын оештырды. Бу чара зур тәрбия әһәмиятенә ия, балаларда патриотизм хисе формалаштыра.
Бүген ГХАТ идарәсе коллективы искиткеч гаиләне Шерстобитовларның Аркадий Николай улы Һәм Евдокия Василий кызы гаилә тормышының «алтын» юбилее белән котлады.
«Казан» Гаилә үзәгендә Ренат Мәгъсүм улы һәм Лилия Идиятулла кызы Харисовларның «бриллиант» юбилее теркәлде. Ир белән хатын 1963 елның 7 апрелендә Казанның шәһәр ГХАТында өйләнешәләр. Бүген, нәкъ шул ук көнне, балалар, оныклар, якыннар һәм дуслар арасында пар «бриллиант» туйларын үткәрделәр.
Әлки район мәдәният йортында “Эхо веков в истории семьи. Без тарихта эзлебез” Республика конкурсының зона этабы узды. Шәҗәрә фестиваленә 10 муниципаль районнан гаилә вәкилләре җыелды.
Түбән Каманың ГХАТ идарәсендә 6 апрель көнне «Юлдаш» хатын-кызлар клубында катнашучыларның чираттагы очрашуы узды. Бу юлы фикер алышу өчен теманы хатын-кызлар сайлады, бер-берсенә үз язмыш тарихларын сөйләделәр. Клубка нигез салучы – психолог Дания Трухан – әңгәмәне кирәкле якка юнәлтте һәм катлаулы ситуацияләрдән чыгу юлларын күрсәтте.
2023 елның беренче кварталы йомгаклары буенча Балык Бистәсе районы ГХАТ бүлегендә граждан хәле актларының 114 акты теркәлгән, шул исәптән 8 туу турында, никахлашу турында – 11, никахны өзү турында – 8, уллыкка алу турында – 1, ата булуны билгеләү турында – 3, исемне үзгәртү турында – 1, үлем турында – 82.
5 апрель көнне Масловлар гаиләсендә өченче бала туган. Бәхетле ата-ана улларына Егор исемен кушканнар.
05 апрельдә ЗАГСның Бөгелмә бүлегендә 7 нче гимназиянең өлкән сыйныф укучылары өчен Гаилә белеме дәресе узды. Бөгелмә районы Башкарма комитетының ЗАГС бүлеге башлыгы Элла Демченко балаларны демографик статистика белән таныштырды, гаиләнең һәм традицион гаилә кыйммәтләренең хәзерге җәмгыятьтә әһәмияте һәм аларның киләчәк буыннарны тәрбияләүдәге роле турында сөйләде.
Бүген 2023 елның 5 апрелендә Арча муниципаль районы башкарма комитетының ЗАГС бүлеге җитәкчесе Ф.Р.Бәхтиярова «Ватан нәрсәдән башлана?» лекцияләр циклыннан «Гаилә кыйммәтләре. Әхлак» лекциясе белән Арча муниципаль районы Лесхоз урта гомуми белем бирү мәктәбенең 9-11 сыйныф укучылары алдында чыгыш ясады.