ГХАТ идарәсендә яшь парлар өчен инструктаж узды

2023 елның 22 апреле, шимбә

Туй тантанасын планлаштырганда, яшьләр еш кына төрле сораулар белән очраша: тантана ничек уза? рәсми теркәлүдән тантана арасында аерма нәрсәдә? тантанада ничә кунак катнаша ала? Тантана тоткарлыкларсыз һәм проблемаларсыз үтү өчен ГХАТ идарәсе белгечләре яшь парлар өчен консультацияләр үткәрә.

Бүген очрашу кунагы гаилә психологы Дания Трухан булды. Ул ир белән хатын арасындагы мөнәсәбәтләргә нәрсәгә игътибар итәргә кирәклеген аңлатты. Гаилә берлеге – бердәм организм, аның сакланышы ир белән хатынның икесенең дә җаваплы эш итүен таләп итә. Профессиональ психолог киңәшләре киләчәктә ныклы гаилә нигезен төзүдә беренче кирпеч булыр дип өметләнәбез.