Алексеевск районында «Минем гаиләм - минем байлыгым» темасына укучылар арасындагы Республика рәсем конкурсының муниципаль этабы нәтиҗәләре
Алексеевск районында белем алучылар арасында «Минем гаиләм-минем байлыгым» темасына Республика рәсемнәр конкурсының муниципаль этабына йомгак ясалды, ул балаларда һәм яшүсмерләрдә гаилә кыйммәтләре белән кызыксыну тәрбияләүгә юнәлдерелгән. Анда мәктәп укучылары һәм Балалар иҗат үзәгендә тәрбияләнүчеләр катнашты.
«Минем гаиләм – минем байлыгым» темасы бүген беркайчан да булмаганча актуаль, бу конкурс мәгариф бүлеге тарафыннан ЗАГС бүлеге белән берлектә үткәрелүе очраклы түгел. Жюри әгъзаларын конкурска җибәрелгән рәсемнәр бик сөендерде, чөнки балалар эшләренең сюжетлары үзендә аерым бер мәгънә йөртә иде: нык гаилә бәйләнешләре һәм җылы, игелекле балалар-ата-аналар мөнәсәбәтләре. Шуңа күрә мондый эшләрне бәяләү бик җиңел булмады.
Нәтиҗәдә, конкурсның җиңүчеләре дип Зирекле мәктәбе укучысы Елизавета Панкратова, Балалар иҗаты үзәге тәрбияләнүчесе Ульяна Акинова һәм Сахаровка мәктәбе укучысы Дарья Фунтикова аталды. Аларның эшләре республика этабына юнәлдерелде.