ЯҢАЛЫКЛАР
2017 елның 07 июнендә ТР Әлмәт муниципаль районы башкарма комитеты ГХАТ Идарәсендә, "Гаилә нигезләре" курсы кысаларында, 2 курс медицина көллияте студентлары Йосыпова Э.Д. "Нур" психологик үзәге психологы белән чираттагы очрашу булып узды. Дәреснең темасы: "Гражданлык никах. Рәсми мөнәсәбәтләрнең өстенлеге". Очрашу максаты: яшьләр арасында гадәти гаилә кыйммәтләрен үстерү һәм ныгыту.
Кеше тормышында мөһим вакыйгалар шактый булса да, паспорт алу аеруча истә кала торганыдыр. Чөнки нәкъ шул мизгелдән син үзеңне тулы хокуклы Россия гражданины итеп хис итә башлыйсың. Балалар яклау көне уңаеннан Балтач районы ГХАТ бүлеге, ФМС хезмәте белән берлектә 14 яше тулган яшүсмер балтачлыларга паспорт тапшырдылар.Тантаналы чара Балтач районы Карадуган авылында Муса Җәлил һәм Себер тракты тарихы музеенда узуы белән дә истәлекле булды. Килгән кунакларны, чарада катнашучыларны иң элек ГХАТ бүлеге җитәкчесе Люция Нигъмәтҗанова сәламләде.
7 нче июньдә Менделеевск шәһәренең ГХАТ бүлегендә тантаналы рәвештә яңа туган 100 нче баланы теркәү булды. Нәни Тимурның бәхетле әти-әнисенә Татарстан Республикасы Президенты һәм район башлыгының котлау открыткалары һәм шулай ук истәлекле бүләк тапшырылды.
Лениногорск шәһәре халкы "Балаларны яклау" көнен шәһәребезнең М. Горький исемендәге паркта бик зурлап үткәрелде. Бәйрәмне башлап шәһәр башлыгы Рягат Хөсәинов килгән кунакларны котлады һәм ана (гаилә) капиталына сертификатлар тапшырды. Шулай ук бәйрәмдә чираттагы коляскалар конкурсы уздырылды. Беренче тапкыр бу конкурс 2011 елда үткәрелеп шәһәребез халкына бик ошап китә.
12 июньдә безнең илебез мөһим бәйрәм – Россия көнен билгеләп үтә. Бу бәйрәм Борис Ельцин указы белән 1994 елда Россия Федерациясенең дәүләт суверенитеты Декларациясе кабул ителгәннән бирле билгеләп үтелә. 2002 нче елга кадәр шундый исем, аннары Россия көне дип кенә йөртелә башлый.
Шушы бәйрәм алдыннан Кукмара районы ЗАГС бүлегендә беренче паспорт тапшыру тантанасы булды. Алты яшүсмергә төп документны Кукмара район Советы аппараты җитәкчесе Гаянова Резедә Нурислам кызы тапшырды.
2017 елның 7 июнендә Тәтеш муниципаль районы Башкарма комитеты ГХАТ бүлегендә Россия Көне алдыннан Тәтеш икенче номерлы урта мәктәбенең укучылары белән (класс җитәкчесе Г.А. Нафигина) очрашу узды.
ГХАТ бүлеге начальнигы Дианова Лариса Михайловна укучыларга гражданлык акты төзү үзенчәлекләре, гаилә традицияләрен ныгыту буенча үткәрелгән чаралар турында сөйләде. Балалар бик кызыксынып очрашу дәверендә килеп чыккан дискуссиядә катнаштылар.
Бүген, 2017 елның 07 июнь көнне Кама Тамагы районы ГХАТ бүлегендә Татарстан Республикасы Пенсия фонды урынбасар идарәчәсе Сергей Евгеньевич Шашуров катнашында әле яңа гына кабат сабый туу шатлыгын татыган гаиләләргә тантаналы шартларда Ана капиталы тапшырылды.
2017 елның 7 июнендә никахлашу Сараенда "Гаилә нигезләре" электив курсын уңышлы узган югары сыйныф укучылары өчен, интеллектуаль уен "Брейн-ринг" узды.
Татарстан Республикасы Бөгелмә муниципаль районы башкарма комитеты ЗАГС бүлегендә 2017 елның 500 нче сабые тууы теркәлде. 7 июнь көнне Владислав белән Алевтина уллары Романның беренче документын – туу турындагы таныклык алды. Сабый 3630 гр авырлыкта һәм 57 см озынлыкта дөньяга килде. Гаиләгә зур бәхет, тынычлык, иминлек һәм мәхәббәт телибез.
2017 нчы елның 06 нчы июнь көнендә Саба муниципаль районы Килдебәк авылында яшәүче Зөбәйдә Фәйзуллинага 90 яшь тулды. Аны РФ президенты Владимир Путин исеменнән һәм район башлыгы Рәис Минниханов исеменнән олы юбилее белән тәбрикләргә Саба муниципаль районы социаль яклау бүлеге җитәкчесе Марсель Хуҗин, Килдебәк авыл җирлеге башлыгы Нияз Заһидуллин, якыннары, туганнары килгән иде. Һәркайсы Зөбәйдә әбигә исәнлек-саулык, бәхетле картлык, тыныч тормыш телэп үзлэренен матур теләклэрен җиткерделэр һәм истәлекле бүләкләр тапшырдылар.