ЯҢАЛЫКЛАР
Әлмәт муниципаль районында “Мәктәпкә җыенырга булышабыз” хәйрия акциясе дәвам итә. Шуны әйтәсе килә, бу ел Әлмәт муниципаль районында 2795 укучы мәктәпкә баралар.
Мөслим районының гражданлык хәле актларын теркәү бүлеге ясаган айлык нәтиҗәләр буенча, җирлегебездә июль аенда 15 бала туган. Шуларның 11е – малай, 4се – кыз бала. Ел башыннан бу сан 96ны тәшкил итә: 52 малай һәм 44 кыз бала.
«Гаилә тормышы әлифбасы»: Азнакай шәһәренең ЗАГС бүлегендә эшләп баручы “Пар канатлар” клубы, гаилә корырга әзерләнүче яшьләр һәм аларның әти-әниләре белән әнә шундый темада очрашу үткәрде. Баш белгеч Светлана Марс кызы яшьләр күңеленә барып җитәрлек рәвештә эчкерсез әңгәмә үткәрде. Очрашудан ата-аналар да, яшьләр дә канәгатъ калдылар.
Бала туу - ул һәрвакыт бәхет, ә игезәкләр туу – икеләтә бәхет. 10 август көнендә Буа районы башкарма комитетының ГХАТ бүлегендә игезәкләрне теркәделәр. Шараповлар гаиләсендә туган малайларга Даниэль һәм Адель дип исем куштылар. ГХАТ бүлеге хезмәткәрләре бәхетле яшь әни -әтигә туу турында таныклык тапшырдылар, балалар тәрбияләүдә уңышлар һәм сабырлык, ә нәниләргә ныклы сәламәтлек һәм бәхетле тормыш теләделәр.
12 август көнне Лениногорск районы Ивановка авылында "Яратам сине, авылым" дип исемләнгән бәйрәм үткәрелде. Бәйрәмдә ярминкәләр эшләде, төрле иҗат эшләре күргәзмәсе һәм балалар өчен аттракион уеннар куелды. Ә инде авыл халкы өчен бай тарихы белән танышырга, авылдашлары белән аралашырга һәм искиткеч концерт программасын карарга мөмкинлек бирелде.
2017 елның 12 августында никахлашу Сараенда "Булачак гаилә "Юнона" проекты кысаларында чираттагы дәрес узды.
Татарстанда "Ныклы гаилә" Федераль партия проекты кысаларында, Татарстан Республикасы Бөгелмә муниципаль районы башкарма комитеты ЗАГС бүлегендә тантаналы чара узды. Никахларын рәсмиләштерү уңаеннан Андрей белән Марина Горбуновларга диплом-котлау тапшырылды.
Яшел Үзәндә "Яшел үзән» - "Мәхәббәт территориясе " дигән фотоконкурс игълан ителде, ул Рәсәй федерациясе ГХАТ органнары тууына 100 ел тулу уңаеннан билгеләнде. Бәйгенең оештыручылары булып Яшел Үзән муниципаль районы Башкарма комитеты ГХАТ бүлеге һәм "Зеленодольская правда" газетасы чыкты. Фотоконкурс темасы булып иң романтик туй билгеләнде.
Сабыйны бала тудыру йортыннан каршы алу – ул чын гаилә бәйрәме. 2017 елның 10 август Яр Чаллы шәһәренең Кама балалар медицина үзәгендә 15 сабыйны тантаналы рәвештә каршы алу бәйрәме булды.
2017 нче елның 11 августында Зәй муниципаль районы ГХАТ бүлегендә юбиляр парны котладылар. Бәйрәмгә 50 ел бергә гомер кичерүче Хабибуллинар гаиләсе чакырылган иде. Бу куркәм гаилә яшьләр өчен сабырлык, хисләргә тугърылык, тормышка позитив карау үрнәге булыр торалар. Юбилярлар бәхетле гаилә тормышы серләрен ачып, киләчәккә яшь буынга теләкләрен житкерделәр. ГХАТ бүлеге башлыгы Гөлфия Вәлишина парларны гаилә бәйрәмнәре белән котлады.