ЯҢАЛЫКЛАР
2024 елның 11 июнендә Чаллы шәһәренең Тантаналар сараенда шәһәрнең Комсомол районы администрациясе башлыгы Ленар Илдарович Әхмәтҗанов һәм Татарстан Республикасы Дәүләт Советы депутаты Марсель Завидович Мингалимов яшь гражданнарга паспортлар тапшырдылар.
11 июньдә, Россия көне алдыннан, Чистай никах сараенда 12 яшь чистайлыга тантаналы рәвештә паспортлар тапшырылды.
7-10 июньдә, Россия көне алдыннан, Бөгелмә шәһәренең Загс бүлегендә «Россия триколоры» акциясе уздырылды. Яңа өйләнешкәннәргә һәм яңа туганнарның әти – әниләренә тантаналы шартларда белгечләр халыкның бердәмлеген, Россиянең бөек иленә катнашын һәм хөрмәтен символлаштырган Россия триколоры белән тасмалар бүләк иттеләр.
ГХАТ Идарәсендә тантаналы шартларда Эчке эшләр министрлыгының Түбән Кама муниципаль районы буенча идарәсенең миграция мәсьәләләре бүлегенең өлкән инспекторы, лейтенант Айгөл Хәйбрахманова балаларга беренче паспортларын тапшырды.
2024 елның 10 июнь көнендә Балтач районы Сабантуй бәйрәмендә, Гаилә елы уңаеннан олы тормыш тәҗрибәсе туплаган, ил-көннәргә лаеклы балалар үстергән, оныклар тәрбияләүгә дә зур өлеш кертеп яшьләрнең булышчылары булып яшәүче 25 үрнәк гаиләләрне дә хөрмәтләп, бүләкләп уздылар.
Илебезнең күп кенә төбәкләрендә "гаилә учагы" утлы лампалар яна инде. Менделеевск муниципаль районына гаилә учагы капсуласын Назмутдиновлар гаиләсе Денис Рәшит улы һәм Галина Васильевна алып килде. Алар биш бала үстерәләр.
Аксубай районының Яңа Ибрай авылында Сабантуй мәйданында гадәттәгечә алтын һәм бриллиант гаилә парларын һәм авылның иң өлкән кешеләрен хөрмәтләү тантанасы узды. Аксубай муниципаль районы башкарма комитеты ГХАТ бүлеге исеменнән аларга рәхмәт хатлары тапшырылды.
Гаилә елы уңаеннан быел Актаныш районы Сабантуй мәйданында яшь гаиләләр, беренче балаларын алып кайткан гаиләләр, иңгә-иң куеп 50 ел бергә гомер кичергән гаиләләр, күп балалы матур гаиләләр хөрмәтләнде.
14 пар гаилә тормышы юбилярлары ТР Мамадыш районы башкарма комитеты җитәкчесе вазыйфаларын башкаручы Вадим Никитин исеменнән Рәхмәт хатлары һәм истәлекле бүләкләр алдылар. Бүләкләрне район башлыгы урынбасары Ришат Сәмигуллин тапшырды һәм үзенең котлау сүзләрен җиткерде.
Бәйрәмнең прологы шулай ук Гаилә елына багышланган иде, ул биюләр һәм җырлар аша гаиләнең бөтен әһәмиятен һәм матурлыгын чагылдырды. Гаилә белән күңел ачу өчен чаралар киң кырлыбулды: гаилә фото зонасы, гаилә уеннары һәм конкурслары, гаилә мәйданчыклары.