ЯҢАЛЫКЛАР
Бу көнне җирле үзидарә системасында эшләүче барлык белгечләр зур залга җыелды. Эштә аеруча уңыш казанганнарга ЕМР башлыгы Г.Е.Емельянов үз кулы белән мактау грамоталары тапшырды.
Өлкән класстагы укучылар җитәкчеләр эшен үз җилкәләрендә тойдылар. Рөстәм кызы Нэлли ЗАГС бүлегенең өлкән хезмәткәренең эшен башкарды. Алар бергәләп халыкны кабул иттеләр һәм гражданлык хәле актларын теркәделәр. Нэлли үзенә ЗАГС турында күп файдалы мәгълүмәтләр алды.
Алабуга районы Костенеево авылында Олы көнгә багышланган бик күңелле бәйрәм булды. Бу бәйрәмдә авылның олысы-кечесе катнашты.
19 апрельдә “Бердәм Россия” партиясе эгидасы астында Ижёвка авылы мәдәният йорты бинасында масштабы һәм әһәмияте буенча гадәти булмаган чара – Гаилә иминлеге фестивале булды. Гаилә бәйрәмнәре үткәрү авылда изге традициягә әйләнде. Әлеге фестивальгә Мәскәүдән, Чаллыдан почётлы кунаклар килде. Бәйрәмдә район советы аппараты җитәкчесе Илшат Кәшипов, мәдәният идарәсе начальнигы Лилия Галиева, ЗАГС бүлеге начальнигы Фаина Козырева, авыл җирлекләре башлыклары, клуб мөдирләре катнашты.