Татарстан Республикасы Ведомстволары Татарстан Республикасы Министрлар Кабинетының гражданлык хәле актларын теркәү идарәсе

ЯҢАЛЫКЛАР

апрель, 2014 ел

шимбә

Бөгелмә муниципаль районында шимбә өмәсе

2014 елның 19 апрелендә Бөгелмәдә район һәм шәһәрнең экологик торышын яхшырту һәм Бөек Җиңүнең 69 еллыгын уздыруга әзерлек максатыннан шимбә өмәсе уздырылды. Татарстан Республикасы Бөгелмә муниципаль районы башкарма комитеты Гражданлык хәле актларын теркәү бүлеге хезмәткәрләре өмәдә актив катнашып, шәһәребезне чистартуда һәм ямьләндерүдә үз өлешләрен керттеләр.

Апас районында яңа өйләнешүче парлар өчен тагын бер яңалык

Районда яңа өйләнешүче парлар өчен тагын бер яңалык керә. Хәзер кияүнең кәләшне район башлыгы машинасында барып алу мөмкинлеге бар. 19 апрель көнне Апаста тагын бер яңа гаилә барлыкка килде. Апас егете Раил Шиһабиев һәм Иске Йомралы авылы кызы Алисә Кашафетдинова парлы тормышларын башлап җибәрделәр. Районда яшьләргә ярдәм итү һәм хөрмәт йөзеннән кергән яңалыкны да Раил белән Алисә башлап җибәрде. Кияү кәләшне район башлыгы машинасында барып алды. Яшьләрнең мәхәббәтләре гомерлек, сөюләре һәрчак ялкынлы булсын.

Шәһәркүләм субботник

Ел да язын һәм көзен Яр Чаллы шәһәрендә субботниклар уза. 2014 елның 19 апрелендә ГХАТ идарәсе хәзмәткәрләре дә шәһәркүләм җыештыруда катнаштылар: Тантаналар сарае яны территориясен чистарттылар, агачлар һәм бордюрларны агарттылар, чәчәкләр утыртуга җирләр әзерләделәр.

19 апрель көнне Кайбыч районы мәдәният йортында район оешкан көнгә багышланган тантаналы чара узды

Тантанада район башлыгы Альберт Илгизәр улы Рәхмәтуллин Олы Кайбыч авылында яшәүче Зиннәтҗановлар, Зур Тәрбит авылыннан Гибадеевлар, Хуҗа-Хәсән авылыннан Губеевлар гаиләләренә ана (гаилә) дәүләт сертификатын тапшырды. Ә район көне алдыннан гына гаилә корган парлар яңа туган сабыйларга үзләренең бүләкләрен тапшырдылар.

апрель, 2014 ел

җомга

Олимпиадада кабынган мәхәббәт

2014елның 18 апрель көнне Яр Чаллы шәһәре Тантаналар сараенда Анатолий Пасмуров һәм Мзия Арабули никахы рәсмилләштерелде.

Алар XXII Кышкы Олимпия уеннарына әзерлек вакытында Сочи шәһәрендә танышканнар. Шуңа күрәдер туй залы да олимпик символикасы белән бизәлгән. Анатолий август аеннан контракт буенча Сочида баш эксперт булып эшли.

Мамадыш муниципаль районы Башкарма комитеты бүлеге хезмәткәрләре гомүмшәһәр шимбәсендә катнашты

Мамадыш муниципаль районы Башкарма комитеты бүлеге хезмәткәрләре якын-тирә территориянең чисталыгына һәм матурлыгына зур игътибар бирә. Шул сәбәпле шәһәрне чистарту субботникларында даими катнаша. Беренче язгы гомүмшәһәр суббтнигы 18 апрельдә оештырылды.

Тиздән тылсымлы кар сыннары биләгән җирләрне искиткеч матур чәчәкләр биләп алачак. Булачак ландшафт дизайны буенча коллективта кызу әңгәмә бара, чөнки бер айдан якын-тирә территорияне бизәү буенча район смотр-конкурсы старт алачак.

18 апрельдә Россия гражданины, Менделеевскида яшәүче Эльвира Протасова һәм Украина гражданины Александр Артюшенко өчен бәхетле көн – гаиләләре оешкан көн була

Ул – украин, хатыны – россияле. Мәхәббәт аларны берләштерде, өйләнештеләр. Үз никахларын тугандаш халыклар арасында сугыш булмау үрнәге дип атадылар. Психологлар курортта башланган мөнәсәбәтләр өметсез, ышанычсыз дисәләр дә, ике ел элек Кырымның көньягында башланган ял Эльвира өчен туй белән тәмамлана, анда ул үзенең язмышы Александрны очрата. Бергә ял иткәннән соң интернет аша аралашалар һәм Эльвира Украинага кунакка бара. Ике елдан соң гашыйклар мөнәсәбәтләрен законлы никах белән беркетергә карар кылалар һәм 18 апрельдә Россия гражданины, Менделеевскида яшәүче Эльвира Протасова һәм Украина гражданины Александр Артюшенко өчен бәхетле көн – гаиләләре оешкан көн була.

Алексеевск муниципаль районында җирле үзидарә көне

2014 нче елның 18 апрелендә Алексеевск муниципаль районының мәдәният йортында җирле үзидарә көненә багышланган тантаналы чара үткәрелде. Шушы чарада катнашучылар ГХАТ бүлеге оештырган күргәзмәне яратып карадылар, төрле еллардагы туй фотосүрәтләре белән таныштылар, электрон рәвештә бирергә мөмкин булган хезмәтләр турында кызыксындылар.

“Гаилә – бәхет ачкычы”

18 апрельдә Зәй районында Югары Нәлем мәдәният йортында “Гаилә – бәхет ачкычы” дигән кичә үткәрелде. Бәйрәмдә күп балалы үрнәк гаиләләр Талиповлар, Зарипов һәм Хәкимулиннар катнашты. Гаиләләр үзләренең талантларын, төрле ситуациядән оста чыгуларын, уңган хуҗа, зирәк тәрбияче булуларын күрсәттеләр. Гаиләдә татулык булса, бер-береңне аңлап, бер-береңә ярдәмләшеп яшәгәндә бу тормышта бик күп нәрсәләргә ирешеп була. Гаилә ул – җылы учак. Шушы учак мәңге сүнмәсен, сүрелмәсен. Аның янына һәр гаилә әгъзасы теләп җыелсын. Гаиләләребезнең нигезе нык, какшамас булсын. Аны беркем дә, беркайчан да җимермәсен. Бәйрәмдә авыл үзешчәннәре тарафыннан матур җырлар яңгырады. Югары Нәлем авылы башлыгы Фәнзия Николаева гаиләләргә истәлекле бүләкләр тапшырды. Кичә бик күңелле узды.

2014 елның 18 апрель көнендә Балтач районында“Ак калфак”ның тәүге җыены үтте

Очрашуга оешманың күптән түгел генә билгеләнгән җитәкчесе, элегрәк мәдәният министрлыгында эшләгән, хәзер бары тик "Ак калфак" оешмасы белән генә җитәкчелек итәчәк Кадрия Идрисова да килгән иде. Балтачлылар башкала кунакларын чәк-чәк, тальян гармун моңнары белән каршы алды. Җыен кунаклары иң элек уңган-булган райондашларыбызның кул эшләре күргәзмәсен күзәтте, аннан алар залга үтте.Биредә гореф-гадәтләрнең тере күренешен күрергә мөмкин иде. “Кыз урлау”, “Яңгыр теләү” күренешләре, мөнәҗәтләр, татарның милли биюләре халкыбызның зур хәзинәгә ия икәнен тагын бер кат искә төшерде. Менә шуларны саклау, киләсе буынга түкми-чәчми тапшыру нәкъ менә “Ак калфак” оешмасының төп бурычы диелде җыенда. Алай гына да түгел, хатын-кызларның, татар гаиләсен саклау аша татар милләтен үстерү дә оешманың турыдан-туры бурычы икәне ассызыкланды.Җыен барышында Кадрия Идрисова "Ак калфак" оешмасы алып барган эшчәнлек белән таныштырды һәм хатын-кызларның милләтне саклаудагы өлеше турында сөйләде. Түгәрәк өстәл артына җыелгач, иң элек Балтач районы “Ак Калфак” җитәкче Зөлфирә Камалова сүз алып,барлык комиссия әгзалары белән таныштырып чыкты. Җитәкче урынбасары итеп Балтач ГХАТ бүлеге З.Р. Әхмәтханова билгеләнде, шулай ук бу комиссиягә шифаханә, социаль яклау үзәге, мәгариф идарәсе,архив бүлеге һәм башка организацияләрдә эшләүче хезмәткәрләр билгеләнде.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ