ЯҢАЛЫКЛАР

Иң элек республика шәһәрләреннән һәм районнарыннан килгән 54 гаилә “Казан” гаилә үзәге никахлашу сараенда булдылар. – Без әлеге матур бинаны карадык. Безне котладылар, бүләкләр тапшырдылар. Күккә күгәрченнәр җибәрү вакыты аеруча күңелгә кереп  калды. Аннан соң безне Кремльдә Президентыбыз Рөстәм Миңнеханов кабул итте. Үз адресыбызга матур сүзләр ишеттек, Татарстан сәнгать осталары концертын карадык. Шушы онытылмас чара өчен Президентка, барлык оештыручыларга  һәм район башлыгы Зөфәр Гарәфиевка зур рәхмәтебезне  белдерәбез.  Казанга без МР башкарма комитеты ЗАГС бүлеге җитәкчесе  Елена Халикова җитәкчелегендә  бардык.

Җылы тәбрикләү сүзләре ана капиталы сертификатларын алырга килгән әниләргә әйтелде.

Казан шәһәре Киров районының Россия Федерациясенең пенсия фондының Татарстан Республикасы бүлеге Фаттахова Л.С. урынбасары ике гаиләгә анна капиталы сертификатларын тапшырды.

Казан шәһәренең Киров ЗАГС бүлеге Липовая Светлана  Ирек кызы мөдире бәхетле әниләрне дәрәҗәле исем белән һәм гаилә коне белән котлады.

Яр Чаллы шәһәренең Тантаналар сараенда бүген, 2014 елның 27 август көнне, “бриллиант”, “изумруд”, “алтын ” юбилярларның парады узды. Тантанада Гарифуллиннар Өлфәт Ибәт улы Һәм Савия Зөлкәй кызы, Шарпиковлар Әделша Атаулла улы Һәм Фәридә Габдрахман кызы, Помыткиннар Евгений Павлович Һәм Нина Николаевна, Бухаровлар Николай Никифорович Һәм Валентина Дмитриевна катнаштылар.

Бәйрәмне ГХАТ идарәсе башлыгы Р.Г. Зарипова ачты, аларга котлау сүзләре әйтте Һәм фотопортрет, почет актлары тапшырды.

Юбилярларны район хезмәткәрләре, балалары, оныклары котладылар.

Бүген, 2014 елның 27 август көнне, Яр Чаллы шәһәренең Тантаналар сараенда 3000 парның никахын теркәделәр. Гавриловлар гаиләсен ихластан котлыйбыз, аларга мәхәббәттә һәм иминлектә, бер – берсенә гаилә җылысын бүләк итеп, озак еллар яшәргә телибез!

2014 елның 27 августында башкалабыз Казанда  Татарстан Президенты исеменнән республикабызның иң яхшы гаиләләрен кабул иттеләр. Бөгелмә районыннан бу тантанага Ягофаровлар гаиләсе тәкъдим ителде. Бер береңне бәхетле итәргә омтылу, якыннарың өчен яшәү, гаиләне саклау, Йортны кору – бу даими хезмәт. Фаит Кадим улы белән Нурия Марс кызы 37 ел инде иңне-иңгә куеп, җылылык һәм мәхәббәт белән тулылындырып, үз Йортларын булдыралар. Бөгелмә шәһәренең үзәк почтасында очраклы рәвештә танышу мәхәббәткә әверелеп, 1977 елның 26 августында Бөгелмә ГХАТ бүлегендә яңа гаиләнең никахы теркәлә.

      Фаит  Кадим улы  һәм  Нурия Марс кызы 1984 елдан Бөгелмә шәһәрендә яшиләр һәм хезмәт итәләр. Бүгенге көндә алар танылган хезмәткәрләр:  Нурия Марс кызы – Татарстан Республикасының атказанган укытучысы, “Россия Федерациясенең мәгарифе почетлы хезмәткәре”. Фаит Кадим улы 25 елдан артык ГАУЗ “Бөгелмә ҮРБ”ның дәвалау бүлегендә баш врач урынбасары вазифасы белән хирурог-уролог хезмәтен берләштерә. Аның да фидакарь хезмәте Татарстан Республикасы сәламәтлекне саклау Министрлыгыннан Почёт грамоталары белән билгеләнә.

       Тату гаилә ике ул тәрбияләп үстерә. Олы уллары Оскар – физика-математика фәннәре кандидаты. Ул хәзерге вакытта Мәскәү хөкүмәтенең фән, сәнәгать сәясәте һәм эшмәкәрлеге Департаменты карамагындагы  инвестиция проектлары катнашындагы идарә җитәкчесе урынбасары вазифаларын башкара. Кечеләре – Тимур – МФТИның (Мәскәү физика-техник институты) 5 курсын тәмамлады һәм РОСНАНОның инфраструктура һәм төзелеш программалары Фондына практик эшкә кереште. Гаиләдә иң мөһиме – бер-береңне аңлау, ышаныч, якыннарыңа мәхәббәт һәм ихтирам, олыларны хөрмәтләү, гаиләдә электән килгән тәртипне саклау, - дип уйлый Ягофаровлар гаиләсе. Гаилә дип берләштерелгән бу Йортта тату һәм шатлыкта яшиләр алар.

Сабый туу белән гаиләдә мәхәббәт, бәхет, шатлык арта. Лаеш районы Лаеш шәһәрендә 100-нче сабый туды. Гизатуллиннар гаиләсенә тантаналы төстә – Гизатуллин Артем Алмаз улына туу турында таныклык һәм йомшак уенчык тапшырылды.

Бу гаилә үзләренең алтын туйларын бәйрәм иттеләр. Алар хөрмәтенә бик күп җылы сүзләр, тәбрикләүләр әйтелде һәм кыйммәтле бүләк – телевизор тапшырылды.

      Әлеге чарада Теләче муниципаль районыннан Рөстәм һәм Гөлсинә Мөхәмәтшиннар да катнаша. Әлеге гайләнең тарихы бик матур: ике кыз үстерү өстенә Рөстәм белән Гөлсинә районда беренчеләрдән булып эре мөгезле терлек һәм нәселле сарыклар үрчетү буенча фермер хуҗалыгы ачып җибәрделәр, бүгенге көндә дә әлеге хуҗалык алдынгылар рәтендә барып,башкаларга үрнәк булып тора.

Һәрбер кеше үзенең туган илен яратырга һәм аның белән горурланырга тиеш.Без бай тарихлы һәм искиткеч матур Казан шәһәрендә яшибез.Еллар узган саен шәһәрләр үзгәрә,яңара.

26 август көнне “Казан” Гаилә үзәгенең ак холлында шәһәр көненә багышланган очрашу узды. Кунакка зур тормыш юлын үткән бриллиант юбилярлар,икенче һәм өченче балалары туган яшь гаиләләр һәм шәһәребезнең яшүсмерләре – үзләренең беренче паспортларын тапшыруга чакырылган иде.

Тантаналы очрашуда узләренең матур җырларын һәм биюләрен Казан шәһәре Совет районының 171 һәм 111 мәктәп укучылары бүләк итте.

Барлык Казан шәһәре халкын шушы олы бәйрәм белән котлыйбыз! Илләребез тыныч,көннәребез аяз булып,мул тормышта яшәргә язсын! Бәйрәм белән Сезне!