ЯҢАЛЫКЛАР
2015 елның 25 май көне Мамадыш районының 14 яше тулган 20 мәктәп укучысы өчен мәңгегә истә калыр мөгаен. Чөнки алар ГХАТ бүлегендә тантаналы рәвештә беренче шәхес таныклыгы документын алдылар.
Әти-әнисе беренче балаларына матур борынгы Даниил исеме куштылар.
65 ел бергә гомер итүче Мөкәррәмә Шакир кызын һәм сугыш ветераны Әбрар Нурми улы Солтановларны ЗАГС бүлеге начальнигы Гөлназ Хәкимова өйләренә барып тәбрикләде.
Ранил һәм Фирүзә Мөхәммәтгалиевлар гаиләсендә тормышларын түгәрәк итеп, өченче балалары дөнбяга аваз салды. Балага матур эйтелешле, мәгънәле исем – Баязит исеме кушылды. Бу чарада әби-бабайларның матур теләкләре бәйрәмгә ямь өстәде. Шулай ук бәйрәмдә “Ак калфак” татар хатын-кызлыр иҗтимагый оешма җитәкчесе Кадрия Рәес кызы Идрисова катнашты. Ул күркәм гаиләгә үзенең җылы теләкләрен һәм истәлекле бүләкләрен тапшырды.
ГХАТ бүлеге хезмәткәрләре Ютазы районында 61 ел бергә яшәүче Сергей Василий улы һәм Евдокия Илларион кызы Касьяновлар гаиләсен матур бәйрәмнәре белән тәбрик иттеләр. Тормыш юлыннан озак еллар бергә атлаганда,бер-берсенә булган йөрәк җылысын аклап кала алган бу матур парга бүләк һәм чәчкә букеты тапшырылды.
Шәһәребезнең 10 нчы урта белем бирү мәктәбендә узган тантанада ГХАТ бүлеге мөдире Елена Яковлевна Миннигалямова зур тормышка аяк басучы укучыларыбызга киләчәктә бары тик уңышлар, нык сәламәтлек һәм үз көчләренә ышанырга өндәде. Тантана азагында 1 нче сыйныф укучылары, мәктәп елларының истәлеге итеп, чыгарылыш сыйныф укучыларына истәлекле кыңгыраулар бүләк иттеләр.
Гаилә көне уңаеннан Тукай муниципаль районының дәүләт автоном социаль хезмәт күрсәтү учреждениесе ”Шәфкать” үзәгендә ЗАГС бүлеге катнашында берлектә "Түгәрәк өстәл" уздырдылар. Проблемаларны уртага салып сөйләштеләр, фикер алыштылар. Ул вакытта сенсор бүлмәсендә балалар төрле уеннарда катнаштылар, "ышаныч телефоны" турында сөйләштеләр. Гаиләләргә бүләкләр һәм информацион буклетлар таратылды.
23 майда Алабуганың барлык урта белем бирү мәктәпләрендә соңгы кыңгырау бәйрәмнәре булып узды. 2 нче гимназия чыгарылыш укучыларын ЗАГС бүлеге җитәкчесе Л.М.Григорьева котлады, алдагы дәүләт имтиханнарын бирүдә уңышлар теләде.