Баулы районы Татар Томбарлысы авылында яшәүче Асыловлар гаиләсе “алтын” туйларын билгеләп үтте. Фатыйх абый һәм Фәния апа уртак тормыш юлын бер-берсенә таяныч, ышаныч булып, бер-берсен саклап, хөрмәт итеп үтәләр.
Юбилярлар гомер буе “Берлек” совхозында алдынгылар сафында булып, Фатыйх абый шофер, ә Фәния апа сыер савымчы булып эшләгәннәр. Фидакарь хезмәтләре өчен күп төрле Мактау грамоталары белән бүләкләнгәннәр. Алар бүген дә тик утырмыйлар – умарта тоталар, мал асрыйлар, бакча үстерәләр.
Асыловлар өч бала тәрбияләп үстергәннәр, әле инде оныклары куандыра.